22-Sep-2025

ଅତାବିରା(ଆକାଶ ମିଶ୍ର): ଅତାବିରା ବ୍ଲକ ଗମ୍ଭାରୀପାଲି ଆଞ୍ଚଳିକ ଉମା ମାହେଶ୍ୱରୀ ମନ୍ଦିରରେ ପବିତ୍ର ମହାଳୟା ଅମାବାସ୍ୟା ଉପଲକ୍ଷେ ରବିବାର ବିଳମ୍ବିତ ରାତ୍ରରେ ମାଁ ମାହେଶ୍ୱରୀଙ୍କର ଖଣ୍ଡା ଲେଉଟା ପର୍ବ ଅନୁଷ୍ଠିତ ହୋଇଯାଇଛି l ପୂଜଜ ସନ୍ତୋଷ ମହାକୁର ପୂଜା କଲା ପରେ ମା ମାହେଶ୍ୱରୀଙ୍କର ଶାଳକା ବାଡି଼ଙ୍କୁ ଛତ୍ର ବୈରଗ ସହ ଢୋଲ ନିଶାନ ମୁହୁରି ଓ ଘଣ୍ଟ ଶଙ୍ଖ ବଜାଇ ବେଜି ମାନଙ୍କ ଦେହରେ ବରୁଆ ଆହ୍ୱାନ କରାଯାଇ ନିକଟସ୍ଥ ପୁଷ୍କରିଣୀକୁ ସ୍ନାନ ଯାତ୍ରାରେ ନିଆ ଯାଇଥିଲା l ମାନଂକୁ ମହାସ୍ନାନ କରାଯାଇ ଘାଟରେ ଖଣ୍ଡା ଲେଉଟା ପୂଜା କରାଯାଇଥିଲା l ଏହି କାର୍ଯ୍ୟକ୍ରମରେ ମନ୍ଦିରର ସମସ୍ତ ସେବାୟତ ବୃନ୍ଦ, କମିଟି ସଦସ୍ୟ ଓ ଗ୍ରାମବାସୀ ସହଯୋଗ କରିଥିଲେ l ସେହିପରି ସର୍ବ ପୁରାତନ ପୀଠ କୁରୁଆଁ, ପୋଡ଼ବାଡି ସମେତ ପତ୍ରାପାଲି, ବୁଗବୁଗା, ଗୁରଖାପାଲି, ବଇପୁର, ଉଦେପୁର, ପଥରଲ୍ଲା, ବକଟି, ଅପାମରା, ସିଆଲଖଣ୍ଡଥା, ବାଘପାଲି, ଗୁନିଆପାଲି, ଅମ୍ଳୀପାଲି, କୁବେଡେଗା, ହିରୋମୁଣ୍ଡା, ବରଗଡ଼ ବରଗାଁ, ଭେଡେନ ବରଗାଁ,ବସେଇକେଲା, ଅରେଇଗୁଡ଼ି,ଲାଉନ ସରା, ମହଦା ଓ ତାଲଗାଁ ମାହେଶ୍ୱରୀ ମନ୍ଦିରରେ ମଧ୍ୟ ମାଁ ମାହେଶ୍ୱରୀଙ୍କର ଖଣ୍ଡା ଲେଉଟା ପର୍ବ ଅନୁଷ୍ଠିତ ହୋଇଯାଇଛି l