22-Sep-2025

ବରୀ(ରଞ୍ଜିତ ମହାନ୍ତି): ନିଖିଳଓଡିଶା ମଧ୍ୟାହ୍ନ ଭୋଜନ ପାଚିକା ସଂଘ ବରୀ ଶାଖା ପକ୍ଷରୁ ସହାୟିକାଙ୍କୁ ସରକାରୀ କର୍ମଚାରୀ ମାନ୍ୟତା, ସର୍ବନିମ୍ନ ମଜୁରୀ ବୃଦ୍ଧି, ବର୍ଷକୁ ୧୨ମାସର ପାରିଶ୍ରମିକ ପ୍ରଦାନ ଆଦି, ୧୫ ଗୋଟି ଦାବି ସମ୍ବଳିତ ଦାବିପତ୍ର ମଣ୍ଡଳ ସହ ସ୍ଥଳ ସହ ଶିକ୍ଷା ଅଧିକାରୀଙ୍କ ନିକଟରେ ପ୍ରଦାନ କରାଯାଇଛି | ପ୍ରମୁଖ ଦାବି ମଧ୍ୟରେ ପାଚିକା ସହାୟିକା ମାନେ ଦିନକୁ ୬ ଘଣ୍ଟାରୁ ଅଧିକ ସମଯଦେଇ ସଫଳ ଭାବେ ଦୀର୍ଘ ଦୁଇ ଦଶନ୍ଧି ଧରି କାର୍ଯ୍ୟ କରି ଆସୁଥିଲେ ମଧ୍ୟ ସେମାନଙ୍କୁ ସରକାରୀ କର୍ମଚାରୀର ମାନ୍ୟତା ପ୍ରଦାନ କାରାଯା ନାହିଁ। ଅନ୍ୟ ରାଜ୍ୟରେ ପାରିଶ୍ରମିକ ଓଡିଶାଠାରୁ ଯଥେଷ୍ଟ ଅଧିକ ହେଲେ ରାଜ୍ୟ ସରକାର ଏଥ୍ପ୍ରତି ବିଶେଷ ଦୃଷ୍ଟି ଦେଉ ନାହାନ୍ତି | ରାଜ୍ୟ ସରକାର ଯଦି ଦାବିଗୁଡିକ ବିଚାର ନକରନ୍ତି ସଂଗଠନ ଆଗାମୀ ଦିନରେ ଆନ୍ଦୋଳନକୁ ଜୋରଦାର କରିବ ବୋଲି ବ୍ଲକ ସଭାନେତ୍ରୀ କାଞ୍ଚନବାଳା ରାଉତ କହିଛନ୍ତି I ଅନ୍ୟ ମାନଙ୍କ ମଧ୍ୟରେ ସଂଘ ରାଜ୍ୟ ଉପଦେଷ୍ଟା ରାଜକିଶୋର ସାମଲ, ସ୍ଥାନୀୟ ପଦାଧିକାରୀଙ୍କ ସସମେତ ଶତାଧିକ ପାଚିକା କର୍ମୀ ଉପସ୍ତିତ ରହି ସହଯୋଗ କରିଥିଲେ।