20-Sep-2025

ବଲାଙ୍ଗୀର(ଦେବାଶିଷ ବହିଦାର): ଯଶସ୍ବୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନ ଅବସରରେ ସେବାପକ୍ଷ ପାଳନ କରାଯାଉଛି। ଏହି ଅବସରରେ ବିକଶିତ ଭାରତ କେ ରଙ୍ଗ, କଳା କେ ସଙ୍ଗ. ଶୀର୍ଷକରେ ଏକ ଜିଲ୍ଲାସ୍ତରୀୟ  ଚିତ୍ରକଳା ପ୍ରତିସ୍ପର୍ଦ୍ଧା  ବଲାଙ୍ଗୀର ସଂସ୍କୃତି ଭବନରେ ଓ  ଓଡିଶା ଲଳିତ କଳା ଏକାଡେମୀର ଆଞ୍ଚଳିକ ଆର୍ଟ ଗେଲେରୀ ଠାରେ ଜିଲ୍ଲା ସଂସ୍କୃତି ବିଭାଗ ତରଫରୁ ଅନୁଷ୍ଠିତ ହୋଇଯାଇଛି। ସକାଳେ ସଂସ୍କୃତି ଭବନ ଠାରେ ଅନୁଷ୍ଠିତ ବିଦ୍ୟାଳୟ, ମାଧ୍ୟମିକ ଓ ମହାବିଦ୍ୟାଳୟସ୍ତର  ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଏହି ପ୍ରତିଯୋଗିତାରେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ଓ ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ

ଅତିଥି ଭାବରେ ଯୋଗ ଦେଇଥିଲେ।ଅପରାହ୍ନରେ 
“ବିକଶିତ ଭାରତ -୨୦୪୭” ବିଷୟବସ୍ତୁ ଉପରେ ଜିଲ୍ଲାସ୍ତରୀୟ କର୍ମଶାଳା ଏବଂ ଚିତ୍ରକଳା ପ୍ରତିଯୋଗିତା ସ୍ଥାନୀୟ ଆର୍ଟ ଗେଲେରୀ ଠାରେ ଆୟୋଜିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ମାନ୍ୟବର ବଲାଙ୍ଗିର ଲୋକ ସଭା ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂଦେଓ ଯୋଗଦାନ କରିଥିଲେ । ଚିତ୍ରକାର କର୍ମଶାଳାରେ ଚାଲୁଥିବା ବିଭିନ୍ନ ଚିତ୍ରକଳା ଦେଖିବା ସହ, ବିଦ୍ୟାଳୟ ଓ ମହାବିଦ୍ୟାଳୟସ୍ତରୀୟ ଚିତ୍ରକଳା ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ । ଉଚ୍ଚ ବିଦ୍ୟାଳୟ ସ୍ତରରେ ପ୍ରଥମ ହୋଇଥିଲେ ଆଦ୍ୟାଷା ପାତ୍ର, ଦ୍ଵିତୀୟ ହୋଇଥିଲେ ଶ୍ରେୟସୀ ଭୋଇ, ତୃତୀୟ ହୋଇଥିଲେ

ସୁମନ ପଟେଲ ସେହିପରି ଭାବେ ମହାବିଦ୍ୟାଳୟ ସ୍ତରରେ ସାଗର ନାଇକ ପ୍ରଥମ, ସ୍ଵସ୍ତିକ ରଞ୍ଜନ ପୁରହିତ ଦ୍ଵିତୀୟ, ଜେ.ନନ୍ଦିନୀ ସରାବୁ ତୃତୀୟ ହୋଇଥିଲେ । ଏହି ସବୁ ପ୍ରତିଯୋଗିତାରେ ଗୋପାଳ ପ୍ରଧାନ, ସରୋଜ ମହାପାତ୍ର, ଅଶ୍ଵିନୀ ରଥ ଏବଂ ବୃତ୍ତିଗତ ଚିତ୍ରକାର ପ୍ରତିଯୋଗିତାରେ ଭାବେ ପଦ୍ମଶ୍ରୀ କୈଳାସ ମେହେର, ଅନ୍ତର୍ଯାମୀ ମେହେର ଓ ପ୍ରଭାକର ସାହୁ ପ୍ରମୁଖ ବିଚାରକ ଭାବେ ଉପସ୍ଥିତ ଥିଲେ।  ଜିଲ୍ଲା ସଂସ୍କୃତି ଅଧିକାରୀ ରଶ୍ମୀ ରଞ୍ଜନ ମିଶ୍ର ପରିଚାଳନା କରିଥିଲେ ।  ଏହି  କାର୍ଯ୍ୟକ୍ରମରେ ସଂସ୍କୃତି କାର୍ଯ୍ୟାଳୟର ସମସ୍ତ କର୍ମଚାରୀ ଓ ଗଣମାଧ୍ୟମ ପ୍ରତିନିଧି ଉପସ୍ଥିତ ଥିଲେ ।