08-Sep-2025

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର,) ଝରିଗାଁ ବ୍ଲକ ଧୋଡ୍ରା କୁ ବ୍ଲକ ମାନ୍ୟତା ପାଇଁ ଦାବି ଆଜି ଜୋର ଧରିଛି | ୧୪ ଗୋଟି ପଞ୍ଚାୟତ ର ସରପଞ୍ଚ ସମେତ ତୃଣମୂଳ ପ୍ରତିନିଧି ଙ୍କୁ ନେଇ ସୋମବାର ସମସ୍ତେ ଏକତ୍ରିତ ହୋଇ ଉକ୍ତ ଦାବିକୁ ସରକାରଙ୍କୁ ଜଣାଇବା ପାଇଁ ଧୋଡ୍ରା ଦୁର୍ଗା ମଣ୍ଡପ ଠାରୁ ଏକ ବିରାଟ ଶୋଭାଯାତ୍ରା ରେ ବାହାରି ଶିବ ମନ୍ଦିର ଠାରେ ଯାଇଥିଲେ | ସେଠାରେ ପ୍ରଥମେ ମନ୍ଦିରରେ ପୂଜାର୍ଚନା କରି ବୈଠକ ଆରମ୍ଭ ହୋଇ ଥିଲା | ସ୍ଥାନୀୟ ବିଧାୟକ ଏବଂ ସାଂସଦ ଙ୍କ ଜରିଆରେ ରାଜ୍ୟ  ମୁଖ୍ୟମନ୍ତ୍ରୀ ଏବଂ ରାଜ୍ୟପାଳ ଓ କେନ୍ଦ୍ର ସରକାର ପ୍ରଧାନମନ୍ତ୍ରୀ ଏବଂ ରାଷ୍ଟ୍ରପତି ଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିବା ପାଇଁ ଶହସ୍ର ଲୋକ ଏକତ୍ରିତ ହୋଇଥିଲେ | ଅନେକ ପଞ୍ଚାୟତ ୨୫ ରୁ ୫୦କିମି ଦୂର ରେ ଅବସ୍ଥିତ ଥିବା ହେତୁ ସରକାର ଙ୍କ ଯୋଜନା ସମ୍ବନ୍ଧରେ କିଛି ଜାଣି ପାରୁନାହାନ୍ତି ଏବଂ ଅବହେଳିତ ଅବସ୍ଥାରେ ରହି ଆସୁଛନ୍ତି |ବର୍ତ୍ତମାନ ସରକାର କେତେକ ପଞ୍ଚାୟତ ସମିତି କୁ ଦୂରତା ତଥା ଗମନା ଗମନ ଦୃଷ୍ଟି ରୁ ପୁନର୍ଗଠନ କରିବାକୁ ଚିନ୍ତା କରିଛନ୍ତି | ଏଣୁ ଧୋଡ୍ରା ଗ୍ରାମ ପଞ୍ଚାୟତ ଗୁଡିକର କେନ୍ଦ୍ର ସ୍ଥଳି ଏବଂ ଗମନା ଗମନ ସୁବିଧା ଦୃଷ୍ଟିରୁ ଧୋଡ୍ରା କୁ ନୂତନ ବ୍ଲକ କରିବାକୁ ଦାବି ହେଉଛି | ଝରିଗାଁ ବ୍ଲକ ର ଧାମନା ଗୁଡା, ଚାଟିଗୁଡା, ବକଡା ବେଡା, ଡଙ୍ଗରୀଗୁଡା, ଧୋଡ୍ରା, ଭିକ୍ଷା, କାନାକୋଟ ଓ ଉମରକୋଟ ବ୍ଲକ ର କାରାଗାଁ, ମୁଣ୍ଡିଗୁଡା, ସିଙ୍ଗିସାରୀ, ରାଜପୁର, , ଭଣ୍ଡାରୀଗୁଡା, ତୋରେଙ୍ଗା ପଞ୍ଚାୟତ ପ୍ରମୁଖ ମିଶାଇବାକୁ ଦାବି ହୋଉଛି |

ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ରେ ସରପଞ୍ଚ ସଂଘ ବିଧାୟକ ନରସିଂ ଭତରା ଙ୍କୁ ଦାବି ପତ୍ର ପଦାନ କରିଥିବା ବେଳେ ନୂତନ ବ୍ଲକ କ୍ରିୟାନୁଷ୍ଠାନ ସମିତି ସାଂସଦ ପ୍ରତିନିଧି ଙ୍କୁ ପ୍ରଧାନମନ୍ତ୍ରୀ ଙ୍କ ଉଦ୍ଦେଶ୍ୟ ରେ ଦାବିପତ୍ର ଦେଇଛନ୍ତି | ଏହି ଅବସରେ ଜନପ୍ରତିନିଧି ମାନଙ୍କ ସହ ୧୪ଗୋଟି ପଞ୍ଚାୟତ ର ତୃଣମୂଳ ସ୍ତର ରୁ ବହୁ ଜନତା ଉପସ୍ଥିତ ଥିଲେ ଏବଂ ଦାବି ପୂରଣ ହେବା ପର୍ଯ୍ୟନ୍ତ ଏହା ଜାରି ରହିବ ବୋଲି କହିଛନ୍ତି |