25-Jul-2025

ବରୀ (ରଞ୍ଜିତ ମହାନ୍ତି):  ବରୀ ବ୍ଲକ୍ ଯୁବ ବିଜେଡି କର୍ମୀଙ୍କୁ ଆକ୍ରମଣ କରାଯାଇଥିବା ବୁଧବାର ରାତିରେ ବରୀ-ରାମଚନ୍ଦ୍ରପୁର ଥାନାରେ ଅଭିଯୋଗ – ହୋଇଛି। ଯୁବ ବିଜେଡିର ଭରତ ଚନ୍ଦ୍ର ସେଠୀ, ବିଭୁପ୍ରସାଦ ରାଉତ, ଅବିନାଶ ବାରିକ, ଅଜୟ ମଲ୍ଲିକ, ସନ୍ତୋଷ ଜେନା, ନିର୍ମଳ ଜେନା ପ୍ରମୁଖଙ୍କୁ ଭାଜପା ଯୁବ ମୋର୍ଚ୍ଚାର ସଭ୍ୟମାନେ ବରୀ ମାଉଣ୍ଡସ୍ଥିତ ନେଉଳା ଛକଠାରେ ଆକ୍ରମଣ କରିଥିବା ଅଭିଯୋଗରେ ଦର୍ଶାଯାଇଛି। ଭାଜପା ଯୁବମୋର୍ଚ୍ଚାର ସଂଗ୍ରାମ ପଲାଇ,
ସୌଭାଗ୍ୟ ରଞ୍ଜନ ଦାସ, ସତ୍ୟଜିତ ଜେନା, ପ୍ରଦୀପ ପରିଡ଼ା, ଶ୍ରବଣ ଦାସ, ନାରାୟଣ ଚନ୍ଦ୍ର ସାହୁ, ସନ୍ତୋଷ ନାୟକ, ଚନ୍ଦ୍ରକାନ୍ତ ନାୟକ, ମାନସ ଧଳ, ଶଶିକାନ୍ତ ବେହେରା ଓ ସଦାଶିବ ପଢ଼ିହାରୀଙ୍କ ସମେତ ୩୦ରୁ ଊର୍ଦ୍ଧ୍ୱ କର୍ମୀ ଉମେଶ ଜେନାଙ୍କ ଇଙ୍ଗିତରେ ଯୁବ ବିଜେଡି କର୍ମୀଙ୍କୁ ଆକ୍ରମଣ କରିବା ସହ ଜାତିଆଣ ଆକ୍ଷେପ କରିଥିବା ଅଭିଯୋଗରେ ଉଲ୍ଲେଖ କରାଯାଇଛି। ପୋଲିସ ଅଭିଯୋଗକୁ ଗ୍ରହଣ କରି ତଦନ୍ତ ଆରମ୍ଭକରିଛି। ଏନେଇ ଭାଜପା ଯୁବମୋର୍ଚ୍ଚା କର୍ମକର୍ତ୍ତାଙ୍କ ପ୍ରତିକ୍ରିୟା ମିଳି ପାରିନାହିଁ I