10-Oct-2020

Delhi- ମୋଦି ସରକାରର ଦ୍ୱିତୀୟ ଇନିଂସରେ ବିଜେପି ସମେତ ମୋଟ୍ ୨୪ ରାଜନୀତିକ ଦଳ ରହିଛନ୍ତି। ସରକାରରେ କ୍ୟାବିନେଟ ମନ୍ତ୍ରୀ ଭାବରେ ତିନି ନେତାଙ୍କୁ ମିଳିଥିଲା। ୨୦୧୯ରେ ଶିବସେନାର ଅନନ୍ତ ଗୀତାଙ୍କୁ ଭାରୀ ଶିଳ୍ପ ମନ୍ତ୍ରୀ ଭାବରେ ନାମିତ କରାଯାଇଥିଲା, ଅକାଳୀ ଦଳର ହର୍ଷମିତ କୌର ବାଦଲ ଖାଦ୍ୟ ପ୍ରକ୍ରିୟାକରଣ ମନ୍ତ୍ରୀ ଏବଂ ରାମବିଳାଶ ପାଶୱାନଙ୍କୁ ଖାଦ୍ୟ ଏବଂ ଯୋଗାଣ ବିଭାଗର ପୋର୍ଟଫୋଲିଓ ମିଳିଥିଲା!!*ମୋଦି ସରକାରର ପ୍ରଥମ ପାଳି (୨୦୧୪-୧୯), ପାଶୱାନ୍, ଗୀତା ଏବଂ ବାଦଲଙ୍କ ସହ ମନ୍ତ୍ରୀ ପରିଷଦରେ ବିଜେପିର ପାଞ୍ଚଜଣ ସହଯୋଗୀ ଅଂଶୀଦାର ହୋଇଥିଲେ। ସେହି ନିର୍ବାଚନରେ ଏନଡିଏର ୩୩୬ଟି ଆସନ ବିଜୟୀ ହୋଇଥିଲା। ସେଥିମଧ୍ୟରୁ ବିଜେପି ଏକାକୀ ୨୮୨ ଟି ଆସନ ଜିତିଥିଲା। ପ୍ରଥମ ଥର ପାଇଁ ୧୯୮୪ ପରେ ଲୋକସଭାରେ ୨୦୧୪ଠାରୁ ଗୋଟିଏ ଦଳ ସରକାର ଗଢ଼ିବା ପାଇଁ ଆବଶ୍ୟକ ସଂଖ୍ୟାଠାରୁ ଅଧିକ ଆସନରେ ବିଜୟୀ ହୋଇଆସୁଛି। ସେଣ୍ଟର ଫର୍ ପଲିସି ରିସର୍ଚ୍ଚର କର୍ମୀ ରାହୁଲ ବର୍ମା କହିଛନ୍ତି ଯେ ଏବେର କ୍ୟାବିନେଟ ଏନଡିଏର ପରିବର୍ତ୍ତିତ ପ୍ରକୃତିକୁ ପ୍ରତିଫଳିତ କରୁଛି। ବିଜେପି ବିଶ୍ୱାସ କରେ ଯେ ଛୋଟ ସହଯୋଗୀମାନେ ମୋଦିଙ୍କ ଲୋକପ୍ରିୟତାର ଲାଭ ପାଇଛନ୍ତି କିନ୍ତୁ ନିଜ ନିଜ ଭୋଟ ସଂଗ୍ରହ କରିବାରେ ସକ୍ଷମ ହୋଇ ନାହାନ୍ତି। ତେଣୁ ମନ୍ତ୍ରୀ ନିଯୁକ୍ତି, ନିଷ୍ପତ୍ତି ନେବାରେ ବିଜେପି ନିଜ ବିଚାରଧାରାକୁ ଲଦି ଦେଉଛି ବୋଲି ସେ କହିଛନ୍ତି!! ଗତ ବର୍ଷ ଶିବସେନା ମହାରାଷ୍ଟ୍ର ସରକାର ଗଠନ ପାଇଁ କଂଗ୍ରେସ ଏବଂ ଏନସିପି ସହ ଯିବାକୁ ସ୍ଥିର କରିବା ପରେ କ୍ୟାବିନେଟରୁ ଇସ୍ତଫା ଦେଇଥିଲେ ଶିବସେନା ସାଂସଦ ଅନନ୍ତ ଗୀତା। ସେହିପରି ଗତ ମାସରେ କୃଷି ବିଲକୁ ବିରୋଧ କରି ଅକାଳୀ ଦଳର ସାଂସଦ ହର୍ଷମିତ କୌର ବାଦଲ ଏନଡିଏରୁ ଇସ୍ତଫା ଦେଇଥିଲେ। ସେହିପରି ଦୀର୍ଘ ଦିନ ଧରି ଅସୁସ୍ଥତା ପରେ ଗୁରୁବାର ଆଖି ବୁଜିଛନ୍ତି ଲୋକ ଜନଶକ୍ତି ପାର୍ଟିର ଅନ୍ୟତମ ପ୍ରତିଷ୍ଠାତା ରାମ ବିଳାଶ ପାଶୱାନ!!*