10-Oct-2020

Delhi,10/10-ଭାରତୀୟ ରେଳବାଇ ଟିକେଟ ସଂରକ୍ଷଣ ନିୟମରେ ପରିବର୍ତ୍ତନ ଆଣିଛି । ପାର୍ବଣ ଋତୁରେ ରେଳଯାତ୍ରା କରୁଥିଲେ ଅଥବା ଅନ୍ୟକାମରେ ରେଳରେ ଯାଉଥିଲେ ସଂରକ୍ଷଣ ଚାର୍ଟର ନୂତନ ସଂପର୍କରେ ଜାଣିବାର ଆବଶ୍ୟକତା ଅଛି । ରେଳବାଇ ଆଜିଠାରୁ ରିଜରର୍ଭେସନ ଚାର୍ଟ (ସଂରକ୍ଷଣ ତାଲିକା) ଟ୍ରେନ ଛାଡ଼ିବାର ୩୦ ମିନିଟ ପୂର୍ବରୁ ପ୍ରସ୍ତୁତ ଆରମ୍ଭ କରିଛି । ୨୦୨୦ ମେ’ ମାସ ୧୧ରେ କରୋନା ସଂକ୍ରମଣକୁ ଦୃଷ୍ଟିରେ ରଖି ରେଳବାଇ ସେକେଣ୍ଡ ଚାର୍ଟର ସମୟ ପରିବର୍ତ୍ତନ କରିଥିଲେ । ଚାର୍ଟକୁ ଟ୍ରେନ ଛାଡ଼ିବାର ୨ ଘଣ୍ଟା ପୂର୍ବରୁ ପ୍ରସ୍ତୁତ କରାଯାଉଥିଲା । କିନ୍ତୁ ଅନଲକ ୫.୦ରେ ନୂତନ ଗାଇଡଲାଇନ୍ସ ଆସିବା ଲାଗି ନିୟମ ପରିବର୍ତ୍ତନ ହୋଇଛି । ଏଣିକି ଟ୍ରେନ ଛାଡ଼ିବାର ୩୦ ମିନିଟ ପୂର୍ବରୁ ଚାର୍ଟ ପ୍ରସ୍ତୁତ ହେଉଛି । ସିଆରଆଇଏସ ଏହି ପରିବର୍ତ୍ତନ ଲାଗି ନିଜର ସଫ୍ଟୱେରରେ ଜରୁରୀ ଅପଡେଟ କରିବ!! ସେକେଣ୍ଡ ଚାର୍ଟ ପ୍ରସ୍ତୁତ ହେବା ପୂର୍ବରୁ ଅନଲାଇନ ଓ ରେଳବାଇ କାଉଣ୍ଟର ଟିକେଟ ବୁକିଂ ଜାରି ରହିବ । ଅର୍ଥାତ ରେଳଯାତ୍ରୀଙ୍କୁ ଟିକେଟ ବୁକିଂ ଲାଗି ଅତିରିକ୍ତ ସମୟ ମିଳିବ । ଯେଉଁ ସିଟ ଖାଲି ଥିବା ପ୍ରଥମେ ଆସିଥିବା ଯାତ୍ରୀଙ୍କୁ ଆଗ ମିଳିବ । ଯଦି କାହାରିକୁ ଟିକେଟ ବାତିଲ କରିବାର ଅଛି, ତାହା ମଧ୍ୟ କରିହେବ । ଫେରସ୍ତ ନିୟମ ଅନୁସାରେ ଟିକେଟ ଫେରାଯାଇପାରିବ । କରୋନା ଭାଇରସ ସଂକ୍ରମଣ ବୃଦ୍ଧି ଆଶଙ୍କାରେ ଏହାର ନିୟନ୍ତ୍ରଣ ଲାଗି ଦେଶବ୍ୟାପୀ ଗତ ମାର୍ଚ୍ଚ ୨୫ରୁ ସମସ୍ତ ଟ୍ରେନ ବାତିଲ କରି ଦିଆଯାଇଥିଲା । ମାତ୍ର ମେ’ ମାସ ୧ ତାରିଖ ଠାରୁ ପ୍ରବାସୀ ଶ୍ରମିକମାନଙ୍କୁ ତାଙ୍କର ଗୃହ ରାଜ୍ୟ ପହଂଚାଇବା ଲାଗି ଶ୍ରମିକ ସ୍ୱତନ୍ତ୍ର ଟ୍ରେନ ସେବା ଆରମ୍ଭ ହୋଇଥିଲା । ଏହା ପରେ ରେଳବାଇ ପର୍ଯ୍ୟାୟକ୍ରମେ ଟ୍ରେନ ସେବା ସଂପ୍ରସାରଣ କରୁଛି !