06-Nov-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ସହରରେ ବେଆଇନ ଗଞ୍ଜେଇ କାରବାର ଉପରେ ଟାଉନ୍ ପୁଲିସର ଚଢ଼ାଉ। ରାଜୀବ ନଗରସ୍ଥିତ ନୂଆ ବସଷ୍ଟାଣ୍ଡ ପଛପାଖରେ ଚଢ଼ାଉ କରି ପୁଲିସ ୨୧ କେଜି ୫୦୦ ଗ୍ରାମ ଗଞ୍ଜେଇ ସହ ଗୋଟିଏ ଦେଶୀ ପିସ୍ତଲ ଜବତ କରିଛି। ଏହି ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଗଂଜେଇ ଚୋରା ଚାଲାଣ ମାମଲାରେ ଗିରଫ ଛି। ଗିରଫ ଅଭିଯୁକ୍ତ ମାନେ ହେଲେ ରାଜୀବ ନଗରର ଜିତେନ୍ଦ୍ର ସାହୁ (୩୩) ଏବଂ ବକ୍ସି ଉଦାର ଅଞ୍ଚଳର ମୌସମ ତ୍ରିପାଠୀ (୨୬)।ପ୍ରାପ୍ତ ସୂଚନା ଅନୁଯାୟୀ, ଗତ ୬

ତାରିଖରେ ଟାଉନ୍ ଥାନା ଏସ୍‌ଆଇ ବିଶାଖା ନାଏକ ଅନ୍ୟ ପୁଲିସ କର୍ମଚାରୀଙ୍କ ସହ ନୂଆ ବସଷ୍ଟାଣ୍ଡ ଅଞ୍ଚଳରେ ଦିବା ପାଟ୍ରୋଲିଂ କରୁଥିବା ସମୟରେ ରାଜୀବ ନଗର ଅଞ୍ଚଳରେ ଦୁଇ ଜଣ ବ୍ୟକ୍ତି ବେଆଇନ ଭାବେ ଗଞ୍ଜେଇ ବିକ୍ରି କରୁଥିବା ନେଇ ବିଶ୍ୱସନୀୟ ସୂତ୍ରରୁ ଖବର ପାଇଥିଲେ।ଏନେଇ ଟାଉନ୍ ଥାନା ଅଧିକାରୀ ବଲାଙ୍ଗୀର ଉପଜିଲ୍ଲାପାଳଙ୍କୁ ଜଣାଇବା ପରେ ଜଣେ ଏକ୍‌ଜିକ୍ୟୁଟିଭ୍ ମାଜିଷ୍ଟ୍ରେଟଙ୍କ ଉପସ୍ଥିତିରେ ଚଢ଼ାଉ ଓ ଜବତ ପ୍ରକ୍ରିୟା କରାଯାଇଥିଲା। ଚଢ଼ାଉ ସମୟରେ ଅଭିଯୁକ୍ତଙ୍କଠାରୁ ୨୧ କେଜି ୫୦୦ ଗ୍ରାମ ଗଞ୍ଜେଇ, ଗୋଟିଏ ଦେଶୀ ପିସ୍ତଲ ଏବଂ ଦୁଇଟି ମୋବାଇଲ ଫୋନ୍ ଜବତ କରାଯାଇଥିଲା। ଜିତେନ୍ଦ୍ର ସାହୁଙ୍କଠାରୁ ଗୋଟିଏ ରେଡ୍‌ମି ମୋବାଇଲ ଏବଂ ମୌସମ ତ୍ରିପାଠୀଙ୍କଠାରୁ ଗୋଟିଏ ମୋଟୋରୋଲା ମୋବାଇଲ ଜବତ ହୋଇଛି।ଏହି ଘଟଣାରେ ଟାଉନ୍ ଥାନା କେସ୍ ନଂ ୫୦୨/୨୦୨୬ ରୁଜୁ କରାଯାଇ NDPS ଆଇନର ଧାରା ୨୦(ବି)(ii)(C) ଏବଂ ଆର୍ମସ୍ ଆକ୍ଟ ଅନୁଯାୟୀ ମାମଲା ରୁଜୁ ହୋଇଛି। ଏହାର ତଦନ୍ତ ଦାୟିତ୍ୱ ଏସ୍‌ଆଇ ସି.କେ. ମହାପାତ୍ରଙ୍କୁ ଦିଆଯାଇଛି।ପୁଲିସ ସୂଚନା ଅନୁସାରେ, ଅଭିଯୁକ୍ତ ଜିତେନ୍ଦ୍ର ସାହୁଙ୍କ ନାମରେ ପୂର୍ବରୁ ଅବକାରୀ ଆଇନ, BNS ଏବଂ NDPS ଆଇନରେ ଏକାଧିକ ମାମଲା ରହିଛି। ସେହିପରି ମୌସମ ତ୍ରିପାଠୀଙ୍କ ନାମରେ ମଧ୍ୟ ପୂର୍ବରୁ NDPS ଆଇନରେ ମାମଲା ରହିଥିବା ସହ ସଦର ଥାନାରେ ଏକ

ମାମଲାରେ ସେ ଓ୍ୱାଣ୍ଟେଡ୍ ଥିବା ପୁଲିସ ପ୍ରେସ୍ ନୋଟ୍‌ରେ ଉଲ୍ଲେଖ କରିଛି।ତେବେ ଜବତ ଗଞ୍ଜେଇ କେଉଁଠାରୁ ଆସିଥିଲା ଏବଂ ଦେଶୀ ପିସ୍ତଲ କିପରି ସେମାନଙ୍କ ନିକଟକୁ ଆସିଥିଲା, ସେନେଇ ପୁଲିସ ତଦନ୍ତ ଜାରି ରଖିଛି। ଟାଉନ୍ ଥାନା ଆଇଆଇସି ଅବନୀ ସାହୁଙ୍କ ନେତୃତ୍ୱରେ ଏହି ଚଢ଼ାଉରେ ଏସ୍‌ଆଇ ବିଶାଖା ନାଏକ, ଏଏସ୍‌ଆଇ ଡି. ଡାଙ୍ଗ, ଏଏସ୍‌ଆଇ ବି. ଦେହେରୀ, ଏଏସ୍‌ଆଇ କେ.ଏସ୍. ପାଣ୍ଡେ, ହାବିଲଦାର ଜେ. ମୁଗ୍ରୀଙ୍କ ସମେତ ଅନ୍ୟ ପୁଲିସ କର୍ମଚାରୀ ସାମିଲ ଥିଲେ ।