13-Jul-2025

ବରପାଲି (ସୁଦାମ ଦୀପ)
 ଏନ୍‌ଆଇଏସ୍‌ଏମର "କୋନା କୋନା ଶିକ୍ଷା" ଦୁଇଦିନିଆ ସେମିନାର କାର୍ଯ୍ୟକ୍ରମ ଉଦ୍‌ଯାପିତ ହୋଇଯାଇଛି। ବରପାଲି ସ୍ଥିତ ଫାର୍ମାସୁଟିକାଲ୍ କଲେଜ ପରିସରରେ ଆୟୋଜିତ ଏହି ସେମିନାରକୁ ମୁଖ୍ୟଅତିଥି ଭାବେ ଏନ୍‌ଆଇଏସ୍‌ଏମ୍‌ର ରିସୋର୍ସ୍ ପର୍ସନ୍ ଡ଼ ଜୟକିଶନ ମେହେର କାର୍ଯ୍ଯକ୍ରମକୁ ଉଦ୍‌ଘାଟନ କରିବା ସହ ନିଜର ଅନୁଭବ ଓ ଜ୍ଞାନ ମାଧ୍ଯମରେ ବିଶଦ ଭାବରେ ଉପସ୍ଥାପନ କରିଥିଲେ। ଆୟୋଜିତ ସେମିନାରର ମୂଖ୍ଯ ଲକ୍ଷ୍ୟ ଅଂଶଗ୍ରାହୀମାନଙ୍କୁ ଆବଶ୍ୟକୀୟ ଆର୍ଥିକ ଜ୍ଞାନ, ସୁରକ୍ଷା ବଜାର ବିଷୟରେ ଅନ୍ତଦୃଷ୍ଟି, ଆର୍ଥିକ ବଜାରରେ ଠକାମିରୁ ବଞ୍ଚିବା ପାଇଁ ସାବଧାନ ରହିବା ସହ  ରୋଜଗାରର ନୁତନ ସୁଯୋଗ ବିଷୟରେ ସଚେତନ କରିବା ଏବଂ ସଚେତନ ନିଷ୍ପତ୍ତି ନେବାରେ ସକ୍ଷମତା ଯୋଗାଇ ଦେବା। କାର୍ଯ୍ୟକ୍ରମରେ ପରିଚାଳନା ଅଧ୍ଯକ୍ଷ ନରେନ୍ଦ୍ର କୁମାର ହୋତା, ସଭାପତି ହିମାଂଶୁ ମୋହନ ଦେଓ,   ସଂପାଦକ ଦାମୋଦର ପଣ୍ଡା,  ନିର୍ଦ୍ଦେଶକ ରଞ୍ଜନ କୁମାର ସାହୁ, ମହାବିଦ୍ଯାଳୟର ଅଧ୍ୟକ୍ଷ ଅର୍ଣ୍ଣବାଦିତ୍ୟ ମହାନ୍ତି, ଉପାଧ୍ୟକ୍ଷ ଅଶୁତୋଷ ପଧାନ ତଥା କଲେଜର ସମସ୍ତ ଅଧ୍ୟାପକ,ଅଧ୍ୟାପିକା ତଥା ଛାତ୍ରଛାତ୍ରୀମାନେ ଉପସ୍ଥିତ ଥିଲେ। ସମ୍ପୂର୍ଣ୍ଣ କାର୍ଯ୍ୟକ୍ରମ ଦୁଇ ଦିବସୀୟ ଭାବରେ ସଫଳତାର ସହିତ ସମ୍ପୂର୍ଣ୍ଣ ହୋଇଥିଲା।