13-Jul-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ଓଡିଶା ରାଜସ୍ଵ ଅମଲା ସଂଘ ର ରାଜ୍ୟ କାର୍ଯ୍ୟକାରିଣୀ ବୈଠକର  ନିଷ୍ପତ୍ତି ଅନୁସାରେ ୧୦ ଦଫା ଦାବି ସହିତ ସାତ ଜୁଲାଇ ୨୦୨୫ ତାରିଖ ଠାରୁ ୧୧.୭.୨୦୨୫ ପର୍ଯ୍ୟନ୍ତ କଳା ଫିତା ପିନ୍ଧି ଆନ୍ଦୋଳନ କରୁଥିବା ସମୟରେ ଓଡିଶା ସରକାରଙ୍କ ମାନ୍ୟବର ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗ ମନ୍ତ୍ରୀ ଶ୍ରୀଯୁକ୍ତ ସୁରେଶ ପୂଜାରୀ ଙ୍କ ଅଧ୍ୟକ୍ଷତାରେ, ଅତିରିକ୍ତ ମୁଖ୍ୟ ଶାସନ ସଚିବ (ରାଜସ୍ୱ), ସ୍ବତନ୍ତ୍ର ସଚିବ(ରାଜସ୍ୱ), ଅତିରିକ୍ତ ସଚିବ (ରାଜସ୍ୱ), ଅତିରିକ୍ତ ସଚିବ (ଅର୍ଥ), ଏବଂ ଅତିରିକ୍ତ ସଚିବ ସାଧାରଣ ପ୍ରଶାସନ ବିଭାଗଙ୍କ ସଦୟ ଉପସ୍ଥିତିରେ ଓଡିଶା ରାଜସ୍ୱ ଅମଲା ସଂଘର ପ୍ରତିନିଧିଙ୍କ  ଉପସ୍ଥିତିରେ ପୂର୍ବ ନିର୍ଦ୍ଧାରିତ ସମୟ ଅନୁସାରେ ତା ୦୯.୦୭.୨୦୨୫ ରିଖ ଅପରାହ୍ନ ୬.୦୦ ଘଟିକା ସମୟରେ ଓଡ଼ିଶା ସରକାରଙ୍କ ଲୋକସେବା ଭବନ ଅନ୍ତର୍ଗତ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗ ର ସମ୍ମିଳନୀ କକ୍ଷରେ ଏକ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ମଧ୍ୟରେ ସକାରାତ୍ମକ ଆଲୋଚନା ହୋଇଥିଲା। ରାଜସ୍ଵ ଅମଲା ସଂଘର ଦାବିଗୁଡିକ ଯୁକ୍ତିଯୁକ୍ତ ଏବଂ ଏହାକୁ ଯୁଦ୍ଧକାଳୀନ ଭିତ୍ତିରେ ପୂରଣ କରାଯିବ ବୋଲି ବୈଠକରେ ଅଧ୍ୟକ୍ଷତା କରୁଥିବା ମାନ୍ୟବର ମନ୍ତ୍ରୀ ଶ୍ରୀ ପୂଜାରୀ ପ୍ରକାଶ କରିଥିଲେ l ଏହି ପରିପ୍ରେକ୍ଷୀରେ, ସଂଘର ଆଜିର କାର୍ଯ୍ୟକାରିଣୀ ବୈଠକର ସର୍ବସମ୍ମତି ନିଷ୍ପତ୍ତି ଅନୁସାରେ ଯଦି ରାଜ୍ଯ ସରକାର ଅଗଷ୍ଟ ମାସ ଆଠ ତାରିଖ ସନ୍ଧ୍ୟା ସୁଦ୍ଧା ଦାବି ପୂରଣ କରିବାରେ ବିଫଳ ହୁଅନ୍ତି, ତାହାହେଲେ ବିନା ସୂଚନାରେ ଅଗଷ୍ଟ ମାସ  ଏଗାର ତାରିଖ  ଠାରୁ କାର୍ଯ୍ୟ ବନ୍ଦ ଆନ୍ଦୋଳନ କରାଯିବ ବୋଲି ନିଷ୍ପତ୍ତି ଗ୍ରହଣ କରାଗଲା ବୋଲି ସଂଘର ଅଧ୍ୟକ୍ଷ ଲୋକେଶ୍ୱର ସାହୁ, କାର୍ଯ୍ୟକାରିଣୀ ଅଧ୍ୟକ୍ଷ ପ୍ରସନ୍ନ କୁମାର ନାୟକ, ସଭାପତି ତ୍ରିପତି ବାଲାଜୀ ସାହୁ, ସାଧାରଣ ସମ୍ପାଦକ ନରେଶ ଚନ୍ଦ୍ର ମହାପାତ୍ର  ପ୍ରକାଶ କରିଛନ୍ତି l ଉପୋରକ୍ତ ନିଷ୍ପତ୍ତି ଅନୁଯାୟୀ ରାଜସ୍ବ ଅମଲା ସଙ୍ଘ ସୁବର୍ଣ୍ଣପୁର ଜିଲ୍ଲା ଶାଖା ମଧ୍ୟ ଆସନ୍ତା କାଲି ଠାରୁ ଆରମ୍ଭ ହେବାକୁ ଥିବା କାର୍ଯ୍ୟ ବନ୍ଦ ଆନ୍ଦୋଳନ କୁ ସାମାୟିକ ଭାବେ ସ୍ଥଗିତ ରଖିଛି ଓ ଦାବୀ ପୂରଣ ନ ହେଲେ ରାଜ୍ୟ କାର୍ଯ୍ୟପରିଷଦ ନିଷ୍ପତ୍ତି ଅନୁଯାୟୀ ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ ବୋଲି
ସୁବର୍ଣ୍ଣପୁରର ଜିଲ୍ଲା ଅଧ୍ୟକ୍ଷ ନୀଳାମ୍ବର ଶତପଥୀ, ଉପାଧ୍ୟକ୍ଷ ସହଦେବ ମେହେର, କାର୍ଯ୍ୟକାରୀ ସଭାପତି ଶିତେଶ ପୂଜାହାରୀ,ସମ୍ପାଦକ ବନମାଳୀ ମେହେର ପ୍ରକାଶ କରିଥିଲେ | ଏହି ଅବସରରେ ଜିଲ୍ଲା କୋଷାଧ୍ୟକ୍ଷ ଜିତେନ୍ଦ୍ରିୟ ଦୀପ, ଯୁଗ୍ମ ସମ୍ପାଦକ ପ୍ରେମାନନ୍ଦ କୁଅଁର, ମୁଖ୍ୟ ଉପଦେଷ୍ଟା ଅଶୋକ କୁମାର ମିଶ୍ର, ଆକ୍ସନ କାଉନସିଲ ମେମ୍ବର ଶିବାନନ୍ଦ ବାଘ, କାର୍ଯ୍ୟକାରିଣୀ ସଦସ୍ୟ ଦୁଃଖିଶ୍ୟାମ ସେଠି, ମଚିନ୍ଦ୍ର ସୁନା ପ୍ରମୁଖ ଉପସ୍ଥିତ ଥିଲେ l