23-Jun-2025

ଗଞ୍ଜାମ (କୈଳାଶ ଚନ୍ଦ୍ର ଚୌଧୁରୀଙ୍କ ରିପୋର୍ଟ): ଗଞ୍ଜାମ ଜିଲ୍ଲା ଧରାକୋଟ ଥାନା ଅର୍ନ୍ତଗତ ଜାହାଡା ନିକଟସ୍ଥ ଖାରିଗୁମ୍ମାରେ ଦୁଇ ଜଣ ବ୍ୟକ୍ତି ଲୁଲୁ ନାହାକ ଓ ବାବୁଲା ନାହାକକୁ କିଛି ବ୍ୟକ୍ତି ଅଧା ଲଣ୍ଡା କରି ଆଣ୍ଠୁରେ ଚଲାଇବା ଏକ ଅଭାବନୀୟ ଘଟଣା ଘଟିଛି। ଘଟଣାରୁ ପ୍ରକାଶ, ନିଜ ଝିଅକୁ ଯୌତୁକଜନିତ ୩ଟି ଗୋରୁ ଦେବା ପାଇଁ ଗାଁଦାଣ୍ଡରେ ଯାଉଥିବା ବେଳେ କିଛି ଯୁବକ ଦୁଇ ଜଣଙ୍କୁ ଅଟକାଇ ଗୋଚାଲାଣ ନାମରେ ଚାନ୍ଦା ମାଗିଥିଲେ। ସେମାନେ ଚାନ୍ଦା ଦେବାପାଇଁ ରାଜି ନହେବାରୁ ପ୍ରାୟ ୭/୮ ଜଣ ଯୁବକ ମିଶି ନିର୍ଦ୍ଧୁମ ମାଡ ମାରି ନିକଟସ୍ଥ ସେଲୁନ୍ ରେ ଲଣ୍ଡା କରି କିଛିରାସ୍ତା ଚଲାଇବା ପରେ ଜାହାଡା ଗ୍ରାମରେ ଆଣ୍ଠେଇ ଚଲାଇ ଥିଲେ। ଏହିଭଳି ପରିସ୍ଥିତିରେ ନିଜକୁ ମୁକୁଳେଇ ୨ଯୁବକ ଧରାକୋଟ ଥାନାରେ ଅଭିଯୋଗ କରିଥିଲେ ଓ ଅଭିଯୋଗ ଗ୍ରହଣ କରି ପୋଲିସ ଦୁଇ ଯୁବକକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ ଓ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି।