22-Jun-2025

ଲୋଇସିଂହା, (ବିନୋଦ ଦୀପ) ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ ଙ୍କ 97ତମ ପବିତ୍ର ଶ୍ରାଦ୍ଧ ଦିବସ ଅବସରରେ ରେ ବ୍ଲକ ସ୍ତରୀୟ ସମାଜ, ତେଜସ୍ୱିନୀ ଓଡିଶା ଗୋପବନ୍ଧୁ ସ୍ମାରକୀ ବକୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ପ୍ରତିଯୋଗିତା ର ମୁଖ୍ୟ ବିଷୟ ବସ୍ତୁ ଥିଲା ଗୋପବନ୍ଧୁ ଙ୍କ ସ୍ବପ୍ନ ର ଓଡିଶା, ବକୃତା ପ୍ରତିଯୋଗିତା l ଲୋଇସିଂହା ବ୍ଲକ ର ବିଭିନ୍ନ ସ୍କୁଲ ରୁ ଉକ୍ତ ବକୃତା ପ୍ରତିଯୋଗିତା ରେ ଭାଗ ନେଇ ଗୋପବନ୍ଧୁ ସ୍ବପ୍ନ ର ଓଡିଶା ଉପରେ ବକ୍ତବ୍ୟ ରଖିଥିଲେ l ବକୃତା ପ୍ରତିଯୋଗିତା ରେ ମୁଖ୍ୟଅତିଥି ଭାବେ ଅବସର ପ୍ରାପ୍ତ ଶିକ୍ଷକ ତଥା ଲୋଇସିଂହା ବିଭିନ୍ନ ସାମାଜିକ ଅନୁଷ୍ଠାନ ର ସଭ୍ୟ ବିଭୁତି ଭୂଷଣ ସାହାଣୀ, ସମ୍ମାନିତ ଅତିଥି ଭାବେ ଶିକ୍ଷାବିତ୍ତ ତଥା ଆଇନଜୀବୀ ପ୍ରଶାନ୍ତ କୁମାର ବେହେରା ଏହି ପ୍ରତିଯୋଗିତା ରେ ଯୋଗଦେଇ କୃତି ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ l ପୁରସ୍କାର ଭାବରେ ଟ୍ରଫି ସହିତ ମାନପତ୍ର ଓ ଅର୍ଥ ରାଶି   ବିଜେତା ଙ୍କୁ ପ୍ରଦାନ କରାଯାଇଥିଲା l ଲୋଇସିଂହା ବ୍ଲକ ସ୍ତରୀୟ ଗୋପବନ୍ଧୁ ସ୍ମାରକ ବକୃତା ପ୍ରତିଯୋଗିତା, ଲୋଇସିଂହା ସରକାରୀ ବାଳିକା ଉଚ୍ଚ ବିଦ୍ୟାଳୟ ପ୍ରଥମ ସ୍ଥାନ କିରଣ ହରପାଳ,  ବାଳିକା ଉଚ୍ଚ ବିଦ୍ୟାଳୟ ଲୋଇସିଂହା, ଦ୍ୱିତୀୟ ସ୍ଥାନ ପ୍ରାଚୀ ନନ୍ଦ ବାଳିକା ଉଚ୍ଚ ବିଦ୍ୟାଳୟ ଲୋଇସିଂହା, ତୃତୀୟ ସ୍ଥାନ ବୈଷ୍ଣବି ରଣା ପି ଏଚ ଏସ ହାଇସ୍କୁଲ କୁଟୁରାପାଲି ର ଛାତ୍ରୀ ଜିଲ୍ଲାସ୍ତର କୁ ମନୋନୀତ ହୋଇଥିବା ବେଳେ ଜୁନ 24 ତାରିଖ ଜିଲ୍ଲା ସ୍ତରୀୟ ଓ ଜୁନ 26 ତାରିଖ ରାଜ୍ୟ ସ୍ତରୀୟ ପ୍ରତିଯୋଗିତା ଅନୁଷ୍ଠିତ ହେବ ବୋଲି ସମାଜ ଅନୁଷ୍ଠାନ ପ୍ରକାଶ l ଏହି ବକ୍ତୃତା ପ୍ରତିଯୋଗିତା ରେ ଲୋଇସିଂହା ବ୍ଲକ ସାମ୍ବାଦିକ ଓ ଶିକ୍ଷକ ଶିକ୍ଷୟିତ୍ରୀ ଯୋଗଦେଇ ସହଯୋଗ କରିଥିଲେ l