02-Jun-2025

ବିନିକା(ହିମାଂଶୁ ଶେଖର ପୁଟେଲ) ଧରା ପୃଷ୍ଠରେ ଜନ୍ମ ନେବା ମାତ୍ରେ ବଞ୍ଚିଥିବା ମଧ୍ୟରେ ନିଜର ସ୍ଵଭାବ ପ୍ରତୀକ ଦେଖାଇବା ସହିତ କିଛି ନା କିଛି ମହତ୍ତ୍ୱପୂର୍ଣ୍ଣ କାର୍ଯ୍ୟ କରି ପାରିଲେ ନିଜ ଜୀବନଶୈଳୀରେ ବିରାଟ ପରିବର୍ତ୍ତନ ଘଟିଥାଏ ଓ ଲକ୍ଷପଥ ସଫଳ ହୋଇଥାଏ ।ଫଳରେ ମାନବ ସମାଜ ତରଫରୁ ସ୍ନେହ,ଶ୍ରଦ୍ଧା ଓ ଆଶୀର୍ବାଦ ମିଳିବା ସହିତ ଜନ୍ମରୁ ନେଉଥିବା ପୁଅ ହେଉ ଅବା ଝିଅଙ୍କ ଏଭଳି ପଦକ୍ଷେପକୁ ସବୁବେଳେ ସବୁ ସମୟରେ ପ୍ରଶଂସାର ସୁଅ ଛୁଟିଥାଏ ।ଯାହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ବିନିକା ଓଟିଭି ସାମ୍ବାଦିକ ଦିଲ୍ଲୀପ କୁମାର ସାହୁଙ୍କ ସୂପତ୍ର ଚାନ୍ଦଙ୍କ କ୍ଷେତ୍ରରେ । ଦଶମ ବର୍ଷରେ ପଦାର୍ପଣ କରିଥିବା ଜୟ ପ୍ରକାଶ ସାହୁ ଓରଫ ଚାନ୍ଦ ଆଜି ତାଙ୍କର ଜନ୍ମ ଦିନକୁ ନିଆରା ଢଙ୍ଗରେ ପାଳନ କରିଛନ୍ତି ।ବର୍ତ୍ତମାନର ଆଧୁନିକ ଯୁଗରେ ନିଜର ଦକ୍ଷତା ପ୍ରତିପାଦନ ପୂର୍ବକ ମଜା ମଜଳିସ ପାଇଁ ବିଭିନ୍ନ ପ୍ରକାରର ସୋନ୍ଦର୍ଯ୍ୟକରଣ ବାତାବରଣ ସୃଷ୍ଟି କରି ଚେକ୍ କାଟି,ଭୋଜିଭାତ,ସୁଆଦିଆ ମିଷ୍ଟାନ୍ନ ବଣ୍ଟନର ଆୟୋଜନ କରି ବନ୍ଧୁ ବାନ୍ଧବଙ୍କ ସହିତ ଲୋକେ ଜନ୍ମ ଦିନ ପାଳନ କରି ଆସୁଛନ୍ତି ।ହେଲେ ସାମ୍ବାଦିକ ପରିବାର ସେସବୁକୁ ପରିତ୍ୟାଗ କରି ଦୁଃଖୀ ଦରିଦ୍ରଙ୍କ ପାଇଁ କିଛି ଉପହାର ଦେଲେ ଜନ୍ମ ଜନ୍ମାନ୍ତର ଜୀବନର ମୂଲ୍ୟ ସାର୍ଥକ ହେବ ଭାବି ବିନିକା ବ୍ଲକ ଅନ୍ତର୍ଗତ ଭଣ୍ଡାର ପଞ୍ଚାୟତ ଗୁଲୁଣ୍ଡା ଗ୍ରାମ ନିକଟରେ ଥିବା କୁଷ୍ଠାଶ୍ରମକୁ ଯାଇ ସେଠାରେ ରହୁଥିବା ଅନ୍ତେବାସୀଙ୍କୁ ଭେଟିଥିଲେ ।ଜନ୍ମ ଦିନ ଅବସରରେ ସୁପୁତ୍ର ଚାନ୍ଦ ସେମାନଙ୍କ ଠାରୁ ଆଶୀର୍ବାଦ ଲୋଡିଥିଲେ । ତାଙ୍କ ଉଦ୍ଦେଶ୍ୟରେ କଦଳୀ,ସେଓ,ଅଙ୍ଗୁର ସହ ବିଭିନ୍ନ ପ୍ରକାରର ଫଳ,ରାସନ ସାମଗ୍ରୀ ଓ ହାତ ପାଣ୍ଠି ଖର୍ଚ୍ଚ କରିବା ପାଇଁ କିଛି ଟଙ୍କା ବଣ୍ଟନ କରାଯାଇ ପୁଅ ଚାନ୍ଦର ଜନ୍ମ ଦିନକୁ ନିଆରା ଢଙ୍ଗରେ ପାଳନ କରାଯାଇଥିଲା ।ଏହି ପରିପ୍ରେକ୍ଷୀରେ ଚାନ୍ଦର ଜନ୍ମଦାତ୍ରୀ ମାଁ ରୀତାରାଣୀ,କୁନି ଭଉଣୀ ଚାନ୍ଦିନୀ ଏବଂ ସାମ୍ବାଦିକ ପରିବାରର ସମସ୍ତ ସଦସ୍ୟ ଉପସ୍ଥିତ ଥିଲେ।