14-May-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସ୍ଥିତ ହରିଶଙ୍କର କଳା ମଣ୍ଡପ ଠାରେ ୨୦ତମ ଲୋକ କଳା ମହୋତ୍ସବ ଓ ରାଜ୍ୟସ୍ତରୀୟ ସଂକୀର୍ତ୍ତନ ମହୋତ୍ସବର ଲୋଗୋ କଣ୍ଟାମାଳ ବିଧାୟକ କାହ୍ନାଇ ଚରଣ ଡାଙ୍ଗଙ୍କ କରକମଳରେ ଉନ୍ମୋଚିତ ହୋଇ ଯାଇଛି l ଦିବ୍ୟଶଙ୍କର ରାଉତଙ୍କ ଅଧ୍ୟକ୍ଷତାରେ ଆୟୋଜିତ ଏହି ଲୋଗୋ ଉନ୍ମୋଚନ ସଭାରେ ମୁଖ୍ୟଅତିଥି ଭାବେ କଣ୍ଟାମାଳ ବିଧାୟକ କହ୍ନାଇ ଚରଣ ଡାଙ୍ଗ ଯୋଗଦେଇଥିବା ବେଳେ ସମ୍ମାନୀତ ଅତିଥିଭାବେ ବୌଦ୍ଧ ଜିଲ୍ଲାପରିଷଦ ଉପାଧ୍ୟାକ୍ଷ ଶଙ୍କର୍ଷଣ ପ୍ରଧାନ ପୂର୍ବତନ

ମଣ୍ଡଳ ସଭାପତି ଅନିଲ ପ୍ରଧାନ, ଯୁବନେତା ଓମପ୍ରକାଶ ମିଶ୍ର, ସମିତିସଭ୍ୟ କେଦାରନାଥ ସାହୁ ପ୍ରମୁଖ ଯୋଗଦେଇ ଚଳିତ ବର୍ଷ ଆୟୋଜକଙ୍କ ଉଦ୍ୟମରେ ନୂତନ କନସେପ୍ଟ ଭାବେ ରାଜ୍ୟସ୍ତରୀୟ ସଂକୀର୍ତନ ମହୋତ୍ସବ ଲୋକଙ୍କ ମନଛୁଆଁ ହୋଇପାରିବ ବୋଲି ବକ୍ତାମାନେ କହିଥିଲେ l ସମ୍ପୂର୍ଣ୍ଣ ଆଧ୍ୟାତ୍ମିକ ଚିନ୍ତାଧାରାକୁ ନେଇ ହେବାକୁଥିବା ଏହି ମହୋତ୍ସବ ଜୁନ ମାସ ୪, ୫ ଓ ୬ ତାରିଖ ତିନିଦିନ ଧରି ଅନୁଷ୍ଠିତ ହେବ ବୋଲି ଆବାହକ ଦିବ୍ୟଶଙ୍କର ରାଉତ ଘୋଷଣା କରିଥିଲେ l