14-May-2025

ବରୀ(ରଞ୍ଜିତ ମହାନ୍ତି): ବରୀ ବ୍ଲକ ଅଧୀନ ବାଲି ପଞ୍ଚାୟତ  ଖେମେଶ୍ବର ଗ୍ରାମର ସାମାଜିକ କର୍ମୀ ସୂର୍ଯ୍ୟମଣି ଜେନାଙ୍କ ସୋମବାର ରାତିରେ ପରଲୋକ ହୋଇଯାଇଛି । ତାଙ୍କୁ ୭୨ ବର୍ଷ ବୟସ ହୋଇଥିଲା। କିଛି ଦିନ ଧରି ସେ ଯକୃତ ଜ ଜନିତ ରୋଗରେ ପୀଡ଼ିତ ଥିଲେ। ସୂର୍ଯ୍ୟମଣି ବରୀ ଅଞ୍ଚଳ ଳର ସର୍ବପୁରାତନ ଅଗ୍ନିସ୍ତମ୍ଭ ଯଜ୍ଞ କମିଟିର ସମ୍ପାଦକ ଥିଲେ। ବିଭିନ୍ନ ସାମାଜିକ ଅନୁଷ୍ଠାନ ଓ ଶିକ୍ଷାନୁଷ୍ଠାନ ସ‌ହ ଜଡ଼ିତ ରହି ସ୍ବତନ୍ତ୍ର ପରିଚୟ ସୃଷ୍ଟି କରିଥିଲେ। ତାଙ୍କ ମୃତ୍ୟୁ ଖବର ପାଇ ଦେବେନ୍ଦ୍ର ଦାସ, ଅଶୋକ ସାମଲ, ସରପଞ୍ଚଙ୍କ ପ୍ରତିନିଧ୍ ଗୋବିନ୍ଦ ସାମଲ, ବ୍ରହ୍ମା ନନ୍ଦ ପଣ୍ଡା, ବବୃ ବାହାନ ନାୟକ, ନିର୍ମଳ ଦାସ, ବିକେକାନନ୍ଦ ନାଥଶର୍ମା ଓ ସୌମ୍ଯ ରଞ୍ଜନ ସାମଲ ପ୍ରମୁଖ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ। ଗାଁ ଶ୍ମଶାନରେ ତାଙ୍କ ଶେଷକୃତ୍ୟ ସମ୍ପନ୍ନ କରାଯାଇଥିଲା। ତାଙ୍କ ବଡ଼ପୁଅ ଦେବାଶିଷ ମୁଖାଗ୍ନି ଦେଇଥିଲେ।