06-May-2025

ବରୀ(ରଞ୍ଜିତ ମହାନ୍ତି): ନିଜର ଜନ୍ମଦିନକୁ
ରକ୍ତଦାନ ଶିବିର କରି ପାଳନ କରିଛନ୍ତି ସମାଜସେବୀ ସନ୍ତୋଷୀ ତନୟା ନନ୍ଦ ବରୀ ବ୍ଲକ ଅନ୍ତର୍ଗତ ବାଇଁଶିରିଆସ୍ଥିତ ନିଜ ବାସଭବନ ନିକଟ ଜଳେଶ୍ଵର ବ୍ରହ୍ମପୁର ପ୍ରାଥମିକ ବିଦ୍ୟାଳୟ ପରିସରରେ ସୁଶ୍ରୀ ନନ୍ଦ ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟ ସହଯୋଗରେ ଏହି ରକ୍ତଦାନ ଶିବିରର ଆୟୋଜନ କରାଯାଇଥିଲା । ପ୍ରଥମେ ପୂର୍ବତନ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ କିଶୋର ବେହେରାଙ୍କ ନେତୃତ୍ବରେ ପହଲଗାମ ସହିଦ୍‌ମାନଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା । ଏହି ରକ୍ତଦାନ ଶିବିରରେ ୩୪ ୟୁନିଟ୍ ରକ୍ତ ସଂଗୃହିତ ହୋଇ ଥିଲା। ଇଣ୍ଡିଆନ ରେଡକ୍ରସ ସୋସାଇଟି କଟକ ଆନୁକୂଲ୍ୟରେ ସୁଶ୍ରୀ ନନ୍ଦ, ତାଙ୍କ ଭାଇ, ମା'ଙ୍କ ସମେତ ସ୍ୱେଚ୍ଛାକୃତ ରକ୍ତଦାତାଙ୍କଠାରୁ ରକ୍ତ ସଂଗ୍ରହ କରାଯାଇଥିଲା  ଏହି ଶିବିରରେ ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟର ସଭାପତି ତଥା ଯାଜପୁର ଜିଲ୍ଲା ଜୀବନ ବିନ୍ଦୁ ଓ ଓଡ଼ିଶା ମୋ ପରିବାର ସଂଯୋଜକ ବିମଳ ଚନ୍ଦ୍ର ଦାସ, ତୁଷାର ସ୍ୟାନ୍ତି, ବିଜୟ କୁମାର ସାହୁ, ବୀରେନ ରାଉତ, ପ୍ରଭାସ ରଞ୍ଜନ ପଣ୍ଡା ପ୍ରମୁଖ ଉପସ୍ଥିତ ଥିଲେ |