06-May-2025

ଅମ୍ବାଭୋନା (ପ୍ରକାଶ ଚନ୍ଦ୍ର ରଥ) ସୋମବାର ଦିନ ଅମ୍ବାଭୋନା ବ୍ଳକ୍ ଅନ୍ତର୍ଗତ ସରକାରୀ ପ୍ରାଥମିକ ବିଦ୍ୟାଳୟ ସାଲ୍ହେପାଲି ରେ  ଗାଁ ର ଗୌନ୍ତିଆ ଶ୍ରୀଯୁକ୍ତ ଲିଙ୍ଗରାଜ ନାଏକଙ୍କ ସଭାପତିତ୍ବରେ ତଥା ବିଦ୍ୟାଳୟ ର ପ୍ରଧାନ ଶିକ୍ଷକ ଦରଣୀସେନ ଦୁଆନ ଓ ବିଦ୍ୟାଳୟ ପରିଚାଳନା କମିଟି ଚେୟାରମେନ ଶ୍ରୀଯୁକ୍ତ ଚନ୍ଦ୍ରମଣି ବେହେରା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ  ସହକାରୀ ଶିକ୍ଷକ ଶ୍ରୀଯୁକ୍ତ ରାମଲାଲ ପଟେଲ ଙ୍କ ଅବସରକାଳୀନ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଅଛି । ଏହି ସମାରୋହରେ ମୁଖ୍ୟ ଅତିଥି ଭାବେ ଅମ୍ବାଭୋନା ବ୍ଳକର ଏ ବି ଇ ଓ କମ୍ ବି ଆର୍ ସି ସି ଶ୍ରୀଯୁକ୍ତ ଲାଲ ମୋହନ ସିଂ,ଏ ବି ଇ ଓ ମୋହନ ଚରଣ ମହନ୍ତ, ମୁଖ୍ୟ ବକ୍ତା ରାଜ କୁମାର ବଘେଲ, ସମ୍ମାନୀତ ଅତିଥି ଭାବେ ମିଳନ କୁମାର ପଟେଲ,ସିଆର ସି ସି ସନ୍ତୋଷ ମାଝୀ ଯୋଗଦାନ କରିଥିଲେ । ଅତିଥି ମାନଙ୍କ ଦ୍ବାରା ଅଗ୍ରପୂଜ୍ୟ ଗଣେଶ ଓ ବୀଣାପାଣି ଙ୍କ ପୂଜାର୍ଚ୍ଚନା କରାଯାଇଥିଲା । ଛାତ୍ରୀ ମାନେ ସ୍ବାଗତ ସଙ୍ଗୀତ ଗାନ କରିଥିଲେ । ବିଦାୟୀ ଶିକ୍ଷକ, ସମ୍ମାନୀତ ଅତିଥି ମାନଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ମାନୀତ କରାଯାଇଥିଲା । ଶିକ୍ଷକ  ଭୈରବ ନାଥ ପଟେଲ ସଭାର ଉଦ୍ଦେଶ୍ୟ ପ୍ରଦାନ କରିଥିବାବେଳେ ସେବକ ରାମ ପ୍ରଧାନ ସଭା ପରିଚାଳନା କରିଥିଲେ । ଶିକ୍ଷକ ରାମଲାଲ ପଟେଲ  ତା ୨୭/୦୮/୨୦୦୧ ରୁ ତା ୩୦/୦୪/୨୦୨୫ ପର୍ଯ୍ୟନ୍ତ ଶିକ୍ଷାଦାନ କରି ସମସ୍ତଙ୍କ ର ପ୍ରିୟ ହୋଇ ପାରିଛନ୍ତି । ଶିକ୍ଷକ ଶିକ୍ଷୟିତ୍ରୀ, ପରିଚାଳନା କମିଟି ସଭ୍ୟ ସଭ୍ୟା, ଛାତ୍ରଛାତ୍ରୀ ଗ୍ରାମ ବାସୀ ସମସ୍ତେ ବିଦାୟୀ ଶିକ୍ଷକଙ୍କ ଗୁଣଗାନ କରିଥିଲେ ।  ଅମ୍ବାଭୋନା ଏନ୍ ପି ଏସ୍ ଶିକ୍ଷକ ସଂଘର  ସଭାପତି ସ୍ବାଧୀନ କୁମାର ସାହୁ ଙ୍କ ସହ ଶିକ୍ଷା ପରିବାର ର ଶିକ୍ଷକ ଙ୍କ ଦ୍ବାରା ବିଦାୟୀ ଶିକ୍ଷକ ଙ୍କୁ ମାନପତ୍ର ଓ ଉପଢ଼ୌକନ ଦେଇ ସମ୍ମାନୀତ କରାଯାଇଥିଲା । ଏହାପରେ ସମସ୍ତ ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ ପରିଚାଳନା କମିଟି ସଭ୍ୟ ସଭ୍ୟା ରାମଲାଲ ପଟେଲ ଙ୍କୁ ପୁଷ୍ପ ଗୁଚ୍ଛ ଓ ଉପଢ଼ୌକନ ଦେଇ ସମ୍ମାନୀତ କରିଥିଲେ । ଶେଷରେ ସହକାରୀ ଶିକ୍ଷକ ସନ୍ତୋଷ କୁମାର ବିଶ୍ବାଳ ଧନ୍ୟବାଦ ଅର୍ପଣ କରିଥିଲେ ।