06-May-2025

ବରଗଡ଼:(ନିରଞ୍ଜନ ତ୍ରିପାଠୀ)-ମାୟ ଫିନହବ ଫାଇନାନ୍ସିଆଲ୍ ରିଲେକ୍ସେସନ୍ ସଂସ୍ଥା ସମାଜରେ ଆର୍ଥିକ ଉନ୍ନତି କ୍ଷେତ୍ରରେ କାର୍ଯ୍ୟଶୀଳ ଥିବା ସହିତ ଶିକ୍ଷା କ୍ଷେତ୍ରରେ ପ୍ରତିଭାଶାଳୀ ଛାତ୍ରଛାତ୍ରୀଙ୍କୁ ତାଙ୍କର ପ୍ରତିଭା ବିକାଶ ପାଇଁ ଉତ୍ସାହିତ କରି ଆସୁଛି। ସମଗ୍ର ଓଡ଼ିଶା ରାଜ୍ୟରେ ଦଶମ ଶ୍ରେଣୀ ବୋର୍ଡ ପରୀକ୍ଷାରେ ସର୍ବାଧିକ ଅଂକ ପ୍ରାପ୍ତ କରିଥିବା ଛାତ୍ରୀ ବବିତା ରଥଙ୍କୁ ମାୟ ଫିନହବ ସଂସ୍ଥା ପକ୍ଷରୁ ସ୍ମୃତିଚିହ୍ନ,ପୁଷ୍ପମାଲ୍ୟ,ଉପହାର ସାମଗ୍ରୀ ସହ ଧନରାଶି ପ୍ରଦାନ କରି ସମ୍ମାନିତ ତଥା ସମ୍ବର୍ଦ୍ଧିତ କରାଯାଇଛି। ଏହା ସହିତ, ଭଗବାନ ମିଶ୍ର ସ୍ମୃତି ସମିତି ପକ୍ଷରୁ ଗୋଟିଏ ଶୁଭେଚ୍ଛା ପତ୍ର ଦେଇ ବବିତା ରଥଙ୍କ ଉଜ୍ଜ୍ୱଳ ଭବିଷ୍ୟତ କାମନା କରାଯାଇଛି। ଏହି ସମ୍ମାନ ପ୍ରଦାନ ଅବସରରେ ମାୟ ଫିନହବର ଚିଫ୍ ଏଗ୍‌ଜିକ୍ୟୁଟିଭ୍ ପାର୍ଟନର୍ ଶ୍ରୀ ଜୟପ୍ରକାଶ ଅଗ୍ରୱାଲ, ପାର୍ଟନର୍ ରେଣୁ ଅଗ୍ରୱାଲ, ଭଗବାନ ମିଶ୍ର ସ୍ମୃତି ସମିତି ସଭାପତି ସରଦାର ପ୍ରୀତମ ସିଂହ,ବାଳକୃଷ୍ଣ ମିଶ୍ର, ନବକୃଷ୍ଣ ମିଶ୍ର,ଖୁସ୍‌ବୁ ଶର୍ମା, ମୋନାଲିସା ବେହେରା ଓ ବିକାଶ ବର୍ମା ତାଙ୍କୁ ଅଭିନନ୍ଦନ ଜଣାଇଛନ୍ତି।