22-Apr-2025

ବଲାଙ୍ଗୀର(ପ୍ରେରଣା ଖବର): ଆଜି ଏପ୍ରିଲ ୨୨ ତାରିଖ ସ୍ଥାନୀୟ ପତିତପାବନ ଏକାଡେମୀ ଠାରେ ବିଶ୍ୱ ପୃଥିବୀ ଦିବସ ପାଳିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବରେ ଜିଲ୍ଲା ବିଜ୍ଞାନ ନିରୀକ୍ଷକ ନବଘନ ସାହୁ ଯୋଗ ଦେଇ  ବିଶ୍ୱତାପନ ଦାଉରୁ ପୃଥିବୀକୁ ବଂଚାଇବାକୁ ହେଲେ ବ୍ୟାପକ ବୃକ୍ଷରୋପଣ ଆବଶ୍ୟକ ବୋଲି କହିଥିଲେ । ପ୍ଲାଷ୍ଟିକର ବ୍ୟବହାରକୁ ଆମେ ପାରୁପର୍ଯ୍ୟନ୍ତ କମ୍ କରିପାରିଲେ ଏହା ପରିବେଶ ସୁରକ୍ଷା ଦିଗରେ ସହାୟକ ହୋଇପାରିବ । ପରିବେଶ ସୁରକ୍ଷିତ

ରହିଲେ ଯାଇ ମଣିଷ ସମାଜ ସୁରକ୍ଷିତ ରହିପାରିବ ବୋଲି  ଶ୍ରୀ ସାହୁ  ଛାତ୍ର ମାନଙ୍କୁ ବୁଝାଇଥିଲେ । ସ୍କୁୁଲର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଅଂଶୁପା ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ସମ୍ମାନିତ ଅତିଥି ଭାବରେ ସ୍କୁଲ ପରିଚାଳାନା କମିଟିର ଉପସଭାନେତ୍ରୀ ଦିପ୍ତୀରାଣୀ ପୁଟେଲ ମଂଚାସୀନ ରହି ଜଙ୍ଗଲ ସୁରକ୍ଷା, ଜୀବନ ରକ୍ଷା ଓ ପରିବେଶ ପ୍ରଦୂଷଣକୁ ରୋକିବା ଆମ ସମସ୍ତଙ୍କ ଏକ ଦାୟିତ୍ୱ ବୋଲି କହିଥିଲେ । ବିଶ୍ୱ ପୃଥିବୀ ଦିବସ ଉପଲକ୍ଷେ ସ୍କୁଲ ପରିସରରେ ଛାତ୍ର ମାନଙ୍କ ଦ୍ୱାରା ବର୍ଯ୍ୟବସ୍ତୁରୁ ପ୍ରସ୍ତୁତ ବିଭିନ୍ନ ସାମଗ୍ରୀର ଏକ ପ୍ରଦର୍ଶନୀ

ଅନଷ୍ଠିତ ହୋଇଥିଲା । ଅନୀଲ ସରଭଙ୍ଗଙ୍କ ସଂଯୋଜନାରେ ଅନୁଷ୍ଠିତ ଏହି ଉତ୍ସବରେ ଅନ୍ୟ ମାନଙ୍କ ମଧ୍ୟରେ ବିଜ୍ଞାନ ଶିକ୍ଷୟିତ୍ରୀ ଟ୍ୱିଙ୍କିଲ ସାହୁଙ୍କ ସମେତ କମଳିନୀ ନାଥ, ମଧୂମିତା ମିଶ୍ର, କେତକୀ ଭୋଇ, ଅନନ୍ୟା ମିଶ୍ର, ଖୁସୁବୁ ବେଗମ୍‌, ସୁଜ୍ଞାନୀ ସବର, ସସ୍ମିତା ମିଶ୍ର, ମୁକେଶ ବନଛୋର,ଆଲୋକ ରଞ୍ଜନ ଖୁଆସ୍, ସତ୍ୟଜିତ ବୁଡେକ ପ୍ରମୁଖ ଯୋଗ ଦେଇ ଥିଲେ । ବିଶ୍ୱ ପୃଥିବୀ ଦିବସ ଉପଲକ୍ଷେ ପୂର୍ବରୁ ଅନୁଷ୍ଠିତ ପୋଷ୍ଟର ତିଆରି ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇ ଥିଲା। ଶେଷରେ ଶିକ୍ଷୟିତ୍ରୀ ସୁନୀତା ବିଶ୍ୱାଲ ଧନ୍ୟବାଦ ଅର୍ପଣ କରିଥିଲେ ।