22-Apr-2025

ତୁରେକେଲା(କୈଳାସ ସଗ୍ରିଆ): ତୁରେକେଲା ଆଞ୍ଚଳିକ ସାଧନ କେନ୍ଦ୍ର ତୁରେକେଲା ଅନ୍ତର୍ଗତ ବିଭିନ୍ନ ବିଦ୍ୟାଳୟରେ ପୃଥିବୀ ଦିବସ ପାଳିତ ହୋଇଥିଲା।ତୁରେକେଲା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ତଥା ପ୍ରକୃତି ବନ୍ଧୁ ବିରଞ୍ଚି ନାରାୟଣ ଦାଶଙ୍କ ତତ୍ତ୍ୱାବଧାନରେ ବ୍ଳକ କଲୋନୀ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷୟିତ୍ରୀ ସୁଭଦ୍ରା ମେହେରଙ୍କ ଉପସ୍ଥିତିରେ ଛାତ୍ରଛାତ୍ରୀ ମାନଙ୍କୁ ନେଇ ଏକ ସଚେତନତା ଅଭିଯାନ କରାଯାଇଥିଲା।ବିଦ୍ୟାଳୟ ପରିସରରେ ଥିବା ଗଛଲତାକୁ କିପରି ଯତ୍ନ କରାଯିବା ସହିତ ପରିବେଶକୁ ପ୍ଳାଷ୍ଟିକ ମୁକ୍ତ କରାଯିବ ଉପରେ ଛୋଟ ଛୋଟ ଛାତ୍ରଛାତ୍ରୀ ମାନଙ୍କୁ ଉଦାହରଣ ଓ ଗପ ମାଧ୍ୟମରେ ସଚେତନ କରିଥିଲେ।ସେହିପରି ସ୍ଥାନୀୟ ଉଚ୍ଚ ପ୍ରାଥମିକ ବିଦ୍ୟାଳୟରେ ଅନୁଷ୍ଠିତ ସଚେତନତା ସଭାରେ

ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ମାଧବୀଲତା ସାହୁ,ସୁଦୀପ୍ତା ଜେନା, ନିବେଦିତା ବାରିକ ଓ ଛାତ୍ରଛାତ୍ରୀ ଉପସ୍ଥିତ ଥିଲେ।ସିଆରସିସି ବିରଞ୍ଚି ନାରାୟଣ ଦାଶ ପୃଥିବୀ ଦିବସ ଉପରେ ସାର ଗର୍ଭକ ବକ୍ତବ୍ୟ ପ୍ରଦାନ କରିଥିଲେ।ବର୍ତ୍ତମାନ ପୃଥିବୀରେ ପ୍ଳାଷ୍ଟିକ ବ୍ୟବହାର ଓ ପ୍ରଦୂଷଣ ବଢ଼ି ବଢ଼ି ଚାଲିଛି ଯଦି ଏହାକୁ ରୋକା ନଯାଏ ତେବେ ଜନଜୀବନ ପ୍ରତି ବିପଦ ଅଛି ବୋଲି ଯୁକ୍ତି ବାଢିଥିଲେ।ଆଗାମୀ ଦିନରେ ପ୍ଳାଷ୍ଟିକ ବ୍ୟବହାର ବର୍ଜନ କରିବା ସହିତ ବୃକ୍ଷ ରୋପଣ ଉପରେ ପ୍ରତିବଦ୍ଧତା ହେଵାକୁ ସମସ୍ତେ ଶପଥ ନେଇଥିଲେ।