22-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ଶିକ୍ଷା ବିକାଶ ସମିତି ଓଡ଼ିଶାଙ୍କ ଯୋଜନା ଆଧାରରେ ଆଚାର୍ଯ୍ୟ ଆଚାର୍ଯ୍ୟାଙ୍କ ଶୈକ୍ଷିକ ବିକାଶ ନିମନ୍ତେ ଗତ ତା.୨୧।୪।୨୦୨୫ ସୋମବାର ଦିନ ସରସ୍ଵତୀ ଶିଶୁ ବିଦ୍ୟାମନ୍ଦିର ବିଜେପୁର ଠାରେ ତ୍ରିଦିବସୀୟ ସଂକୁଳସ୍ତରୀୟ ସାମୂହିକ ଆଚାର୍ଯ୍ଯ କାର୍ଯ୍ୟଶାଳା ପ୍ରଧାନ ଆଚାର୍ଯ୍ଯ ଗୋକୁଳ ଚନ୍ଦ୍ର ଷଡ଼ଙ୍ଗୀଙ୍କ ଅଧ୍ଯକ୍ଷତାରେ ଉଦ୍ଜାପିତ ହୋଇ ବର୍ଗର ବିବରଣୀ ପାଠ କରିଥିଲେ ।ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ମାନନୀୟ ଅବସରପ୍ରାପ୍ତ  ବଲାଙ୍ଗିର diet ଅଧ୍ୟକ୍ଷ ଉମେଶ ଚନ୍ଦ୍ର ଖଡଙ୍ଗା, ନୁତନ ଶିକ୍ଷା ନୀତି ଆଧାରରେ ଶତାବ୍ଦୀର ପଂଚ ପରିବର୍ତ୍ତନର କ୍ରିୟାନ୍ବୟନରେ ଆମର ଭୂମିକା ଉପରେ ଆଲୋକପାତ କରିଥିଲେ। ସୋହେଲା ବିଦ୍ୟାଳୟର ପ୍ରଧାନ ଆଚାର୍ଯ୍ଯ ହେମନ୍ତ ମେହେର ଅତିଥି ପରିଚୟ କରିଥିଲେ । ସ୍ଥାନୀୟ ବିଦ୍ୟାଳୟର କୋଷାଧ୍ୟକ୍ଷ ବିଜୟ କୁମାର ମେହେର ଶିକ୍ଷାର ସଂସ୍କାର ଉପରେ ଆଲୋକପାତ କରିଥିଲେ।ସଙ୍କୁଲ ପ୍ରମୁଖ  ଅନୀଲ ସାହୁ କ୍ରିୟାକଳାପ  ଭିତ୍ତିକ ଶିକ୍ଷା ଗୁରୁତ୍ବ ପ୍ରକାଶ କରିଥିଲେ।ଏହି କାର୍ଯ୍ୟକ୍ରମରେ ୮ ଟି ବିଦ୍ୟାଳୟର ଗୁରୁଜୀ ଗୁରୁମା ଓ ସେବକ ସେବିକା ସମେତ ମୋଟରେ ୧୪୩ଜଣ  ଉପସ୍ଥିତ ରହିଥିଲେ । ପରି ଶେଷରେ ବିଦ୍ୟାଳୟର ସଂପାଦକ ଡାକ୍ତର ସୁଦାମ ଚରଣ ପଧାନ ଉକ୍ତ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।