22-Apr-2025

ବେଲପଡା(ତ୍ରିନାଥ ବାଗ):  ବିବାହ ଭୋଜିରେ ମାଂସ ବଣ୍ଟନକୁ ନେଇ ଗଣ୍ଡଗୋଳ ଘଟିଛି ବଲାଙ୍ଗୀର ଜିଲ୍ଲା ବେଲପଡା ଥାନା ଖଲିପଥର ଗାଁ ରେ I ଖଲିପଥର ଗାଁର ଦୟାନିଧି ମେହେର ଗାଁ ରେ ଚାଲିଥିବା ତାଙ୍କ ସମ୍ପର୍କୀୟ ବବଲୁ ମେହେରଙ୍କ ବିବାହ ଭୋଜିରେ ଯୋଗ ଦେଇଥିଲେ I ସେଠାରେ ଦୟାନିଧିଙ୍କୁ ଭୋଜିରେ ମାଂସ ବଣ୍ଟନ ଦାୟିତ୍ୱ ଦିଆଯାଇଥିଲା I ଭୋଜି ଖାଇବା ସମୟରେ ଗାଁର ଆଦର୍ଶ ପଣ୍ଡା ଓ ଦୀପକ ବନଗୁଲା ଅଧିକ ମାଂସ ଦେବାକୁ ଦୟାନିଧିଙ୍କୁ କହିଥଲେ Iଦୟାନିଧି ସମସ୍ତଙ୍କୁ ସମାନ ଭାବରେ ମାଂସ ବଣ୍ଟନ କରିବାକୁ କହିବାରୁ ସେମାନେ ଗାଳିଗୁଲଜ କରିବା ସହ ଦୟାନିଧିଙ୍କ କାର (ଓଡ଼ି ୩ କେ -୧୯୧୨)କୁ ପୋଡି ଦେଇଥିଲେ I ଏ ନେଇ ଦୟାନିଧି ଥାନାରେ ଅଭିଯୋଗ କରିବା ପରେ ଏକ ମାମଲା ରୁଜୁକରି ଦୁଇ ଅଭିଯୁକ୍ତ ଆଦର୍ଶ ପଣ୍ଡା ଓ ଦୀପକ ବନଗୁଲାଙ୍କୁ ଗିରଫ କରି ପାଟଣାଗଡ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି I