21-Apr-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକର କେତେକ ଅଞ୍ଚଳରେ ଗତ ୧୮ ତାରିଖ ସନ୍ଧ୍ୟା କାଳ ରେ କାଳ ବୈଶାଖୀ ରଚିଥିଲା ତାଣ୍ଡବଲୀଳା| ସେଥିରେ ପ୍ରଭାବିତ ହୋଇ ଅନେକ ଲୋକ ଙ୍କ ଧନଜୀବନ ନଷ୍ଟ ହୋଇଯାଇଛି। ସୂଚନା ଅନୁସାରେ ପାଟଣାଗଡ଼ ବ୍ଲକର ଯୋଗିମୁଣ୍ଡା, ବାଲିପଟା, ସାଲେପାଲି, କେନ୍ଦୁମୁଣ୍ଡି, ବଥର୍ଲା, ମୁଣ୍ଡୋମହୁଲ, ଗଙ୍ଗାସାଗର ଗ୍ରାମ ପଞ୍ଚାୟତର ଅନେକ ଗ୍ରାମରେ ଘର ଦ୍ୱାର, ଆଜବେଜଷ୍ଟସ, ଖପର, ଆସବାସ ପତ୍ର ଭାଙ୍ଗି ଉଡ଼େଇ ଛିନ୍ନଛତ୍ର କରିଦେଇଛି | ପବନର ବେଗ ଏତେ ପରିମାଣ ଥିଲା ଯେ ବଡ଼ ବଡ଼ ଗଛ ସବୁ ଧରାସାୟୀ କରି ଦେଇଥିବା ବେଳେ ଶହ ଶହ ବିଦ୍ୟୁତ ଖୁଣ୍ଟ  ଭାଙ୍ଗି ଦେଇଛି | ଗଛ ପଡିବା ଦ୍ୱାରା ରାସ୍ତା ଘାଟ ଯାତାୟାତ ସମ୍ପୂର୍ଣ ବିଛିନ୍ନ ହୋଇ ଯାଇଥିଲା ଏବଂ ବିଦ୍ୟୁତ ସଂଯୋଗ ମଧ୍ୟ ବିଛିନ୍ନ ହୋଇ ଗାଁ ମାନେ ଅନ୍ଧାର ହୋଇ ଯାଇଛି | ଗାଁର ଆମ୍ବ ବଗିଚାରେ ଶହ ଶହ ସଂଖ୍ୟାରେ ଆମ୍ବ ଗଛ ଭାଙ୍ଗି ଦେଇଛି, କଦଳୀ ଗଛ ଭାଙ୍ଗି ଦେଇଛି, ମହୁଲ, ଚାର ଭଳି ଅର୍ଥକାରି ଗଛ ଭାଙ୍ଗି ଦେଇଛି | ଏହାରି ପ୍ରଭାବରେ କେନ୍ଦୁମୁଣ୍ଡିର ଜଣେ ଶ୍ରମିକର କାନ୍ଥ ଚେପେଇ ମୃତ୍ୟୁ ଘଟିଛି | ସାଲେପାଲି ପଞ୍ଚାୟତ ର ଚକାମାଲ ଗାଁରେ ଏହାର ପ୍ରଭାବ ଅଧିକ ରହିଛି, ଦଶ ଗୋଟି ପରିବାରକୁ ବେଘର କରି ଦେଇଛି ସେମାନେ ବର୍ତ୍ତମାନ ଗାଁର କ୍ଳବ ଘରେ ଲୋକେ ଆଶ୍ରୟ ନେଇଛନ୍ତି |

ଅନେକ ଲୋକଙ୍କର ଘର ଦ୍ୱାର, ଆସବାବ ପତ୍ର ଭାଙ୍ଗି ଦେଇ ଦେଇଛି |   ଏହି ପ୍ରଭାବିତ ଅଞ୍ଚଳରେ ସ୍ଥିତି ପରଖିଲେ ରାଜ୍ୟସଭା ସାଂସଦ ଶ୍ରୀ ନିରଞ୍ଜନ । ଶ୍ରୀ ବିଶି ଆଜି ଚକାମାଲ ଗାଁ ର  କ୍ଷତିଗ୍ରସ୍ତ ଅଞ୍ଚଳ  ଘରକୁ ଘର ବୁଲି ଦେଖିଛନ୍ତି ଲୋକଙ୍କୁ ଭେଟିଛନ୍ତି ଓ ଏହି ବିଷୟରେ ସ୍ଥାନୀୟ ଉପଜିଲ୍ଲାପାଳ, ତହସିଲଦାର, ବିଡ଼ିଓଙ୍କୁ, ପାନୀୟ ଜଳ ଓ ଜନ ସ୍ୱାସ୍ଥ୍ୟ ବିଭାଗ, ଜଙ୍ଗଳ ବିଭାଗ, ଅଗ୍ନିଶମ ବିଭାଗକୁ ଫୋନ କରି କ୍ଷୟକ୍ଷ୍ୟତି ଆକଳନ କରି ଉଚିତ କ୍ଷତିପୂରଣ ଦେବା ସହ ସମସ୍ୟାର ସମାଧାନ କରିବା ନିର୍ଦ୍ଦେଶ ଦେଇଛନ୍ତି | ଚକାମାଲ ଗ୍ରାମବାସୀ ସାଂସଦଙ୍କୁ ବିଭିନ୍ନ ସମସ୍ୟା ଯଥା ପାନୀୟ ଜଳ, ବିଦ୍ୟୁତ ସଂଯୋଗ, ରାସ୍ତାରୁ ଗଛ ହଟେଇବା ଓ ଯାହା ଯାହା କ୍ଷ୍ୟୟକ୍ଷ୍ୟତି ହୋଇଛି ଉଚିତ କ୍ଷତିପୂରଣ ଦେବାକୁ ଦାବୀ କରିଥିଲେ | ଯଥାଶୀଘ୍ର ସବୁ ସମସ୍ୟାର ସମାଧାନ କରିବା ପାଇଁ ସାଂସଦ ପ୍ରତିଶୃତି ଦେଇଛନ୍ତି  |