21-Apr-2025

ବଲାଙ୍ଗୀର(ପ୍ରେରଣାଖବର): ବିଷୁବ ବା ପଣା ସଂକ୍ରାନ୍ତି  ପରିବର୍ତ୍ତନ ର ସୂଚକ।ସମାଜରେ ସମଭାବର ସହାବସ୍ଥାନ ହେବା ସମାଜ ପାଇଁ  ଏକ ଶୁଭ ସୂଚନା। ଆଜିର ଦ୍ବନ୍ଦମୟ ଜୀବନ କୁ ଉଚିତ ମାର୍ଗ ପ୍ରଦର୍ଶନ କରିବ ଆମର ସାହିତ୍ଯ। ଏଣୁ ସମସ୍ତେ ସାହିତ୍ଯ ମନସ୍କ ହେବା ଜରୁରୀ ବୋଲି କହିଛନ୍ତି ସମ୍ବାଦ ସାହିତ୍ଯ ଘର ବଲାଙ୍ଗୀର ତରଫରୁ ଆୟୋଜିତ ବିଷୁବ ମିଳନ ସମାରୋହ ର ମୁଖ୍ୟ ଅତିଥି ନାଟ୍ୟଭୂଷଣ ଜଗଦାନନ୍ଦ ଛୁରିଆ। ସମ୍ବାଦ ସାହିତ୍ଯ ଘର ବଲାଙ୍ଗୀରର ସଭାପତି ସନ୍ଦୀପ କୁମାର କୁଅଁରଙ୍କ ସଭାପତିତ୍ବରେ ଅନୁଷ୍ଠିତ  ସମାରୋହରେ ମୁଖ୍ୟ ଅତିଥି ନାଟ୍ୟଭୂଷଣ ଜଗଦାନନ୍ଦ ଛୁରିଆ,ସମ୍ମାନୀତ ଅତିଥି ଭାବରେ ଅବସରପ୍ରାପ୍ତ ପ୍ରାଧ୍ୟାପକ ଡକ୍ଟର ପ୍ରେମଚାନ୍ଦ ମହାନ୍ତି ଯୋଗଦେଇଥିଲେ।ଏହି ଅବସରରେ କବି ତରୁଣ କୁମାର ପରିଚ୍ଛାଙ୍କ "ଭାଗବତ ଗାଥା"ର ତୃତୀୟ ଓ ଚତୁର୍ଥ ଖଣ୍ଡ କୁ ପାଠକାର୍ପଣ କରିଥିଲେ ମଂଚାସୀନ ଅତିଥିମାନେ।

 କବି ରତ୍ନମୟ  ତ୍ରିପାଠୀଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମଂଚାସୀନ ହୋଇ ଥିଲେ  ପୁସ୍ତକ ଦ୍ବୟର  ପ୍ରକାଶିକା ସୁଷମା ମେହେର । ମଂଚାସୀନ ଅତିଥିମାନଙ୍କୁ ସମ୍ବର୍ଦ୍ଧିତ କରିଥିଲେ କବୟତ୍ରୀ ସବିତା ମହରା,ଜ୍ଯୋତିରାଣୀ ମିଶ୍ର, ତପସ୍ବିନୀ ପଶାୟତ।  ପରେ ପରେ ଆରମ୍ଭ ହୋଇଥିଲା

ବିଷୁବ କବିତା ସମାରୋହ।  କବୟତ୍ରୀ ଜ୍ଯୋତିରାଣୀ ମିଶ୍ରଙ୍କ  ସଂଯୋଜନାରେ ସୁଷମା ଦାଶ, ନଳିନୀ ପ୍ରଭା ଶତପଥୀ, ଜ୍ଯୋତିରେଖା ତ୍ରିପାଠୀ,ଅଞ୍ଜଳି ବାରିକ, ରାଜୀବ ଲୋଚନ ଆଚାର୍ଯ୍ଯ, ତପସ୍ବିନୀ ପଶାୟତ, ହୃଷୀକେଶ ପୁରୋହିତ, ସରସ୍ବତୀ ମିଶ୍ର, ଚିତ୍ତରଞ୍ଜନ ମିଶ୍ର,ମଧୁସୂଦନ ନାୟକ, ପୂର୍ଣ୍ଣଚନ୍ଦ୍ର ତ୍ରିପାଠୀ, ଚୁମକି ଦାଶ, ମଳୟ ଆନନ୍ଦ କୁମାର ତ୍ରିପାଠୀ, ଶୁଭ୍ରାଂଶୁ ଶେଖର ପଣ୍ଡା,ତରୁଣ କୁମାର ପରିଚ୍ଛା, ରତ୍ନମୟ ତ୍ରିପାଠୀ ପ୍ରମୁଖ ଅର୍ଧଶତାଧିକ କବି କବୟତ୍ରୀ ସ୍ବରଚିତ କବିତା ପାଠ କରିଥିଲେ।ଶେଷରେ ସହ ସଂପାଦକ ରଂଜିତ ମିଶ୍ର ଧନ୍ୟବାଦ ଅର୍ପଣ କରିଥିଲେ।