21-Apr-2025

ବରଗଡ଼:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ବିଜେପୁର ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ପର୍ଯ୍ୟାପ୍ତ ପରିମାଣର ଅର୍ଥ ଖର୍ଚ୍ଚ କରାଯାଇ ନୂତନ ଭାବେ ନିର୍ମିତ ହୋଇଥିବା ସ୍ମଶାନ ଘାଟ(ସ୍ୱର୍ଗଦ୍ୱାର)ପ୍ରବେଶ ପଥରେ ଝୁଣ୍ଟି ପଡ଼ିବେ ଲୋକେ। ଯେ କେହି ଦେଖିବ ଏହା ସ୍ୱର୍ଗଦ୍ୱାର ନାଁ ଯମ ଦ୍ୱାର ଭଳି ଜଣା ପଡୁଛି। କାରଣ ପ୍ରବେଶ ପଥ ପାହାଚ ନିର୍ମାଣ ହୋଇଥିବା ପାହାଚରେ ଉଚ୍ଚତା ୮ ରୁ ୧୦ ଇଞ୍ଚ ଥିବାରୁ ଶବ ଉତାରି ବାକୁ ଯିବା ସମୟରେ ଲୋକେ ନାହିଁ ନଥିବାର ଅସୁବିଧାର ସମ୍ମୁଖୀନ ହେଉଛନ୍ତି । ପୁଣି ସେଠାରେ ଲାଗିଥିବା ପ୍ରବେଶ ଦ୍ୱାର ଗେଟ ମଧ୍ୟ ସୁଚାରୁରୂପେ ଖୋଲୁ ନଥିବା ଜଣାପଡିଛି। ପାହାଚ ପରିବର୍ତ୍ତେ ଢ଼ାଲୁଆ  (ସ୍ଲୋପିଙ୍ଗ) ଭାବେ ରାସ୍ତା ନିର୍ମାଣ କଲେ ,ଶବ ପୋଡିବା ପାଇଁ ଅଣାଯାଉଥିବା କାଠ ଠାରୁ ଆରମ୍ଭ କରି ମୃତ ଶବକୁ ନେବା ଆଣିବାରେ  ଅସୁବିଧା ସୃଷ୍ଟି ହୁଅନ୍ତା ନାହିଁ । ଏଣୁ ତୁରନ୍ତ ଏଦିଗରେ ସ୍ଥାନୀୟ ବିଜ୍ଞାପିତ ଅଞ୍ଚଳ ପରିଷଦ ବିଜେପୁରର କାର୍ଯ୍ୟନିର୍ବାହୀ ଅଧିକାରୀ ଦୃଷ୍ଟି ଦେଇ ଗଡାଣିଆ ରାସ୍ତା ନିର୍ମାଣ କରିବାକୁ ଜନସାଧାରଣରେ ଦାବୀ ହେଉଛି।