20-Apr-2025

ବଲାଙ୍ଗିର(ପ୍ରେରଣା ଖବର): ଭାରତୀୟ ସଂସ୍କୃତି ରେ ରାମଲୀଳା ନାଟକର ଯଥେଷ୍ଟ ଅବଦାନ ରହିଛି l ଗାଁ ଗାଁରେ ପୌରାଣିକ କଥାବସ୍ତୁକୁ ନେଇ ଶହ ଶହ ବର୍ଷ ଧରି କରାଯାଇ ଆସୁଥିବା ନାଟକ ଗୁଡିକ ଲୋକଙ୍କ ସାମାଜିକ ଜୀବନକୁ ପ୍ରଭାବିତ କରିଆସିଛି l ସେହି କ୍ରମରେ ଦେଓଗାଁ ବ୍ଲକର ନୂଆପାଲି ଗାଁ ର ରାମଲୀଳା ନାଟକ ଭିନ୍ନତା ରଖେ l ନୂଆପାଲି ଗାଆଁ ର ରାମଲୀଳାକୁ ଚଳିତ ବର୍ଷ ୧୦୦ବର୍ଷ ପୁରିଛି l ସେଥିପାଇଁ ଏହାକୁ ନିଆରା କରିବାକୁ ଗ୍ରାମବାସୀ ଉଦ୍ୟମ କରିଛନ୍ତି l ଗ୍ରାମବାସୀଙ୍କ ଉଦ୍ୟମରେ ବଲାଙ୍ଗିର, କଳାହାଣ୍ଡି ଓ ବରଗଡ ଜିଲ୍ଲାର ପ୍ରାୟ ୧୮ଟି ରାମଲୀଳା ପାର୍ଟି ଆସି ତାଙ୍କର

ନାଟକ ପ୍ରଦର୍ଶନ କରୁଛନ୍ତି l ରାମଲୀଳା ର ବିଭିନ୍ନ ପର୍ବକୁ ବିଭକ୍ତ କରି ପ୍ରତ୍ୟେକ ଦଳକୁ ୩ଘଣ୍ଟା ୧୫ମିନିଟ୍ ର ସମୟ ଦେଇ ତାଙ୍କର କଳା ପ୍ରଦର୍ଶନ କରାଯାଉଛି l ସେମାନଙ୍କୁ ଏଥିପାଇଁ ସାର୍ଟିଫିକେଟ୍ ମଧ୍ଯ ଦେଇ ପୁରସ୍କୃତ କରାଯାଉଛି l ଏହି ରାମଲୀଳା ସମାବେଶ ରେ ହଜାର ହଜାର ସଂଖ୍ୟାରେ ଦର୍ଶକ ଯୋଗ ଦେଉଛନ୍ତି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଲାଙ୍ଗିର ପୌରାଧ୍ୟକ୍ଷା ଲିକl ସାହୁ ଓ ଦେଓଗାଁ ବ୍ଲକ ର ପୂର୍ବତନ ବ୍ଲକ ଅଧ୍ୟକ୍ଷ ଲକ୍ଷ୍ମଣ ମେହେର ଯୋଗ ଦେଇ କଳାକାର ତଥା ଆୟୋଜକ କମିଟି କୁ ଉତ୍ସାହିତ କରିଥିଲେ l