20-Apr-2025

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ବ୍ଲକର କେତେକ ଅଞ୍ଚଳରେ ଗତ ୧୮ ତାରିଖ ସନ୍ଧ୍ୟାରେ କାଳ ବୈଶାଖୀ ତାଣ୍ଡବ ରଚିଥିଲା ସେଥିରେ ଉଜୁଡି ଯାଇଛି ଅନେକ ଲୋକ ଙ୍କ ଘର। ସୂଚନା ଅନୁସାରେ ପାଟଣାଗଡ଼ ବ୍ଲକର ଯୋଗିମୁଣ୍ଡା, ବାଲିପଟା, ସାଲେପାଲି, କେନ୍ଦୁମୁଣ୍ଡି, ବଥର୍ଲା, ମୁଣ୍ଡୋମହୁଲ, ଗଙ୍ଗାସାଗର ଗ୍ରାମ ପଞ୍ଚାୟତ ର ଅନେକ ଗ୍ରାମରେ ଘର ଦ୍ୱାର, ଆଜବେଜଷ୍ଟସ, ଖପର, ଆସବାସ ପତ୍ର ଭାଙ୍ଗି ଉଡ଼େଇ ଛିନ୍ନବିଛିନ୍ନ କରିଦେଇଛି | ପବନର ବେଗ ଏତେ ପରିମାଣ ହୋଇଥିଲା ଯେ ବଡ଼ ବଡ଼ ଗଛ ସବୁ ଧରାସାୟୀ କରିଦେଇଛି, ଶହ ଶହ ବିଦ୍ୟୁତ ଖୁଣ୍ଟ  ଭାଙ୍ଗି ଦେଇଛି | ଗଛ ପଡ଼ିବା ଦ୍ୱାରା ରାସ୍ତା ଘାଟ ଯାତାୟାତ ସମ୍ପୂର୍ଣ ବିଛିନ୍ନ ହୋଇ ଯାଇଛି, ବିଦ୍ୟୁତ ସଂଯୋଗ ମଧ୍ୟ ବିଛିନ୍ନ ହୋଇ ଗାଁ ମାନେ ଅନ୍ଧାର ହୋଇ ଯାଇଛି | ଗାଁର ଆମ୍ବ ବଗିଚାରେ ଶହ ଶହ ସଂଖ୍ୟାରେ ଆମ୍ବ ଗଛ ଭାଙ୍ଗି ଦେଇଛି, କଦଳୀ ଗଛ ଭାଙ୍ଗି ଦେଇଛି, ମହୁଲ, ଚାର ଭଳି ଅର୍ଥକାରି ଗଛ ଭାଙ୍ଗି ଦେଇଛି | ଏହାରି ପ୍ରଭାବରେ କେନ୍ଦୁମୁଣ୍ଡିର ଜଣେ ଶ୍ରମିକର କାନ୍ଥ ଚେପେଇ ମୃତ୍ୟୁ ଘଟିଛି | ସାଲେପାଲି ପଞ୍ଚାୟତ ର ଚକମାଲ ଗାଁରେ ଏହାର ପ୍ରଭାବ ଅଧିକ ରହିଛି, ଦଶ ଗୋଟି ପରିବାରକୁ ବେଘର କରି ଦେଇଛି ସେମାନେ ବର୍ତମାନ ଗାଁର କ୍ଳବ ଘରେ ଆଶ୍ରୟ ନେଇଛନ୍ତି | ଅନେକ ଲୋକଙ୍କର ଘର ଦ୍ୱାର, ଆସବାବ ପତ୍ର ଭାଙ୍ଗି ଦେଇ ଦେଇଛି | ଗତକାଲି ଯୁବ ସମାଜ ସେବୀ ଗିରିରାଜ ଭୋଇ ଅଞ୍ଚଳର ଅନେକ ଗାଁ  କ୍ଷତିଗ୍ରସ୍ତ ଅଞ୍ଚଳ ବୁଲି ଦେଖିଛନ୍ତି ଓ ଏହି ବିଷୟରେ ସ୍ଥାନୀୟ ଉପଜିଲ୍ଲାପାଳ, ତହସିଲଦାର, ବିଡ଼ିଓଙ୍କୁ ଅବଗତ କରିଛନ୍ତି | କେବଳ ବଥର୍ଲା ରାଜସ୍ବ ନିରୀକ୍ଷକ ଚକାମାଲ ଗାଁକୁ ଯାଇ ଘର ଘର ବୁଲି କ୍ଷୟକ୍ଷ୍ୟତି ଆକଳନ କରିଛନ୍ତି |  ଦୁଃଖର ବିଷୟ କାଳ ବୈଶାଖୀର 48 ଘଣ୍ଟା ବିତି ଯାଇଥିଲେ ସୁଦ୍ଧା କ୍ଷ୍ୟତିଗ୍ରସ୍ତ ଅଞ୍ଚଳକୁ କୌଣସି ପ୍ରଶାସନିକ ଅଧିକାରୀ ତଦନ୍ତ କରି ଯାଇ ନାହାନ୍ତି | ଆଜି ରବିବାର ଛୁଟି ଦିନ ଥିଲେ ସୁଦ୍ଧା ଗିରିରାଜ ଭୋଇଙ୍କ ନେତୃତ୍ୱରେ କ୍ଷ୍ୟତିଗ୍ରସ୍ତ ଲୋକଙ୍କୁ ନେଇ ପାଟଣାଗଡ଼ ଉପଜିଲ୍ଲାପାଳଙ୍କ ବାସ ଭବନରେ କାଳ ବୈଶାଖୀ ବିଷୟରେ ଅବଗତ କରିଥିଲେ ଓ ଉପଯୁକ୍ତ ତଦନ୍ତ କରି ଉଚିତ କ୍ଷତି ପୂରଣ ଦେବାକୁ ଦାବୀ କରିଥିଲେ |ଉପ ଜିଲ୍ଲାପାଳ ତହସିଲଦାର, ବିଡ଼ିଓ ଙ୍କୁ ଫୋନ ମାଧ୍ୟମରେ ନିର୍ଦ୍ଧେଶ ଦେଲେ ରାଜସ୍ବ ନିରୀକ୍ଷକ ମାନେ କ୍ଷ୍ୟତିଗ୍ରସ୍ତ ଗାଁ ଗାଁ ବୁଲି କ୍ଷୟକ୍ଷତି ଆକଳନ କରି ସନ୍ଧ୍ୟା ସୁଦ୍ଧା ରିପୋର୍ଟ ଦେବାକୁ କହିଥିଲେ | ଅତି ପ୍ରଭାବିତ 10ପରିବାରକୁ ରନ୍ଧା ଖାଦ୍ୟ ଦେଇ ଅସ୍ଥାୟୀ ଥଇଥାନ କେନ୍ଦ୍ରରେ ରଖିବାକୁ ନିର୍ଦ୍ଧେଶ ଦେଇଥିଲେ | ଏଠାରେ ବୁଦ୍ଧିଜୀବୀ ମହଲରେ ପ୍ରଶ୍ନ ଉଠୁଛି ଯେ ପୂର୍ବାଞ୍ଚଳରେ ଏଭଳି ଘଟଣା ଘଟିଲେ ତୁରନ୍ତ ପ୍ରଶାସନ ରିଲିଫ ସାମଗ୍ରୀ ନେଇ ସରକାରୀ ସହାୟତା ପ୍ରଦାନ କରିଥାଏ କିନ୍ତୁ ପଶ୍ଚିମ ଓଡ଼ିଶାରେ ଏଭଳି ଯେତେ ଘଟଣା ଘଟିଲେ ମଧ୍ୟ ପ୍ରଶାସନ ନିଦା ବିଷ୍ଣୁ ସାଜେ, ଏଠାକାର ଜନସାଧାରଣଙ୍କୁ ଘୃଣ୍ୟ ଦୃଷ୍ଟିରେ ଦେଖେ | ଦେଖାଯାଉ କ୍ଷ୍ୟତିଗ୍ରସ୍ତ ଅଞ୍ଚଳକୁ ପାଟଣାଗଡ଼ ପ୍ରଶାସନ କେବେ ଦେଖି ଯାଉଛି |