16-Apr-2025

ଆଗଲପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ୍ ଅନ୍ତର୍ଗତ ବୁଦୁଲା ଗ୍ରାମରେ ଆଗଲପୁର ବ୍ଲକ କଂଗ୍ରେସ ଦଳ ତରଫରୁ ଏକ ମଶାଲ ଶୋଭାଯାତ୍ରା  ବାହାରି ଗ୍ରାମ ପରିଭ୍ରମଣ କରିଥିଲା l ରାଜ୍ୟରେ ବଢ଼ି ଚାଲିଥିବା ନାରୀ ନିର୍ଯାତନା ଓ ରନ୍ଧନ ଗ୍ୟାସ ର ଦରବୃଦ୍ଧି ବିରୁଦ୍ଧ ରେ ଏହି ଶୋଭାଯାତ୍ରା ଅନୁଷ୍ଠିତ ହୋଇଥିଲା l ଏଥିରେ ବଲାଙ୍ଗୀର ଜିଲ୍ଲା ମହିଳା କଂଗ୍ରେସ ର ସଭାପତି ଶ୍ରୀମତୀ ମିଲନି ସାହୁ ଯୋଗ ଦେଇଥିଲେ। ତାଙ୍କରି ସଭାପତିତ୍ବ ରେ ଆଜିର ଏହି କାର୍ଯକ୍ରମ ଅନୁଷ୍ଠିତ ହୋଇଥିଲା। ତା ସହିତ ଆଗଲପୁର ବ୍ଲକ୍ କଂଗ୍ରେସ ସଭାପତି ଶ୍ରୀ ମନ ମୋହନ ପଟେଲ୍ ଓ କାର୍ଯ୍ୟକାରୀ ସଭାପତି ଶ୍ରୀ ଚିନ୍ତାମଣି ଭୋଇ ଉପସ୍ଥିତ ଥିଲେ l ଏହାସହ ସକ୍ରିୟ ସଦସ୍ୟ ଭାବରେ ଶ୍ରୀ ବିଶ୍ୱଜିତ୍ ସିଂଦେଓ, ସର୍ବେଶ୍ଵର ଗଡତିଆ, ସାଧୁ ମେହେର ମଧୁ ପଧାନ୍ ଓ ଉତ୍ତର ନାୟକ ମଧ୍ୟ ଯୋଗ ଦେଇଥିଲେ। ଶହ ଶହ ସଂଖ୍ୟାରେ କଂଗ୍ରେସ କର୍ମୀ ଉପସ୍ଥିତ ରହି କେଣ୍ଡେଲ ଶୋଭାଯାତ୍ରା ରେ ସାମିଲ ହୋଇଥିଲେ। ବିଭିନ୍ନ ପ୍ରକାରର ସ୍ଳୋଗାନ ଦେଇ ନାରୀ ନିର୍ଯାତନା ଓ ଗ୍ୟାସ ର ଦରବୃଦ୍ଧି ପ୍ରତିବାଦରେ ନାରାବାଜି ଦେଇଥିଲେ। ସରକାର ଏ ଦିଗରେ ପୁରା ବିଫଳ ହୋଇଥିବା ନେଇ ସେମାନେ ତାଙ୍କର ପ୍ରତିକ୍ରିୟା ରେ ପ୍ରକାଶ କରିଛନ୍ତି l