04-Mar-2025

ବଲାଙ୍ଗିର(ପ୍ରେରଣା ଖବର):  ବାହିହାଟ ର ନବମ ସନ୍ଧ୍ୟାରେ ବଲାଙ୍ଗିର ଜିଲ୍ଲା ରେ ଥିବା ପ୍ରତିଷ୍ଠିତ ଲେଖିକା ମାନଙ୍କୁ ନେଇ 'ଆମ ଲେଖିକା ମାନଙ୍କ ସର୍ଜନାର ପୃଥିବୀ' ଶୀର୍ଷକ ବିଷୟ ଉପରେ  ଏକ ଲେଖିକା ଆସର ଅନୁଷ୍ଠିତ ହୋଇଯାଇଛି।ଏହି ଆସର ରେ ଲେଖିକା ଡାକ୍ତର ଯ୍ୟୋର୍ତିମୟୀ ସାହୁ,ଡାକ୍ତର ମଞ୍ଜୁବାଲା ପଣ୍ଡା,ବିନତି ଶତପଥୀ, ମିତାଲି ମଧୁମିତା ମିଶ୍ର, ସବିତା ମହରା,ଡାକ୍ତର ଉଷାରାଣୀ ଦାସ,ସିରିସା ଏସ. ପତି ଯୋଗଦାନ ଦେଇ ଥିବା ବେଳେ ଜଗଦାନନ୍ଦ ଛୁରିଆ ସଭାପତିତ୍ବ କରିଥିଲେ। ଆଜିର ମହିଳା ଆସରକୁ ଅବସରପ୍ରାପ୍ତ 

 ଶିକ୍ଷୟତ୍ରୀ କସ୍ତୁରୀ ରଥ ସଂଯୋଜନା କରିଥିଲେ।ମୁଖ୍ୟ ଅତିଥି ଭାବେ ପୌର ପରିଷଦ ଅଧ୍ୟକ୍ଷା ଶ୍ରୀମତୀ ଲିକା ସାହୁ  ଯୋଗ ଦେଇ ମୋବାଇଲ୍ ଯୁଗରେ ପୁସ୍ତକ ପ୍ରତି ସମସ୍ତଙ୍କ ଆଗ୍ରହ ରହିବା ଉଚିତ୍ ବୋଲି ସେ ତାଙ୍କର ବକ୍ତବ୍ୟରେ ଉଦବୋଧନ ଦେଇଥିଲେ।ବହିହାଟ ର କୋଷାଧ୍ୟକ୍ଷ ଅଜିତ ମହାନ୍ତି ମଞ୍ଚାସୀନ ଥିଲେ।ଏହି ଅବସରରେ ବଲାଙ୍ଗିର ର ପୂର୍ବତନ ଜିଲ୍ଲାପାଳ ଅନିରୁଦ୍ଧ ଦାସ ଙ୍କ 'ସ୍ମୁତିସ୍ନାନ' ପୁସ୍ତକ ଜିଲ୍ଲା ଲେଖକ ପରିଷଦ ଦ୍ଵାରା ଉନ୍ମୋଚିତ ହୋଇଥିଲା।ଶେଷରେ ବ୍ୟଙ୍ଗ କୁଇନ ଅନୁପ୍ରୀୟା ମିଶ୍ର ଉପସ୍ଥିତ ସମସ୍ତ ଙ୍କୁ ଧନ୍ୟବାଦ୍ ଦେଇଥିଲେ।