01-Mar-2025

କଣ୍ଟାମାଳ(ଜୟକୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ-ତରଭା ତେଲନଦୀ ସେତୁର ସଂଯୋଗୀକରଣ ରାସ୍ତାକୁ ପୂର୍ତ୍ତ ବିଭାଗକୁ ହସ୍ତାନ୍ତର ସମେତ ବିଭିନ୍ନ ଦାବିକୁ ନେଇ ଆଜି କଣ୍ଟାମାଳ ତରଭା ସେତୁ ଠାରେ ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ମରାଡୁଗୋଚ୍ଛା ପଞ୍ଚାୟତ ର ବନ୍ଧଖେଡା ଗ୍ରାମବାସୀଙ୍କ ପକ୍ଷରୁ ରାସ୍ତା ରୋକ ଜରାଯାଇଥିଲା  l ଏନେଇ ସମାଜସେବୀ ରବିନାରାୟଣ ସାହୁ ଓ ଟିକୁ କହଁର ଙ୍କ ନେତୃତ୍ୱରେ ଆଜି ସକାଳ ୬ଘଣ୍ଟା ଠାରୁ ଅପରାହ୍ଣ ୧୨ଟା ପର୍ଯ୍ୟନ୍ତ ଦୀର୍ଘ ୬ଘଣ୍ଟା ଧରି ରାସ୍ତା ରୋକ ଯୋଗୁଁ ବହୁ ଯାନବାହନ ଓ ଭାରୀଯାନ ସେତୁର ଉଭୟ ପାର୍ଶ୍ୱରେ ଅଟକିରହି ମାଲ ପରିବହନ ସମ୍ପୂର୍ଣ୍ଣ

ଠପ ହୋଇଯାଇଥିଲା l  ପରେ ଅପରାହ୍ନ ୧୨ଟା ସମୟରେ କମସରା ଥାନାଧିକାରୀ ଘଟଣାସ୍ଥଳକୁ ପହଞ୍ଚି ଆନ୍ଦୋଳନକାରୀ ମାନଙ୍କ ସହ ଆଲୋଚନା କରି ପ୍ରଶାସନ ର ଦୃଷ୍ଟି ଆକର୍ଷଣ ସହ ଖୁବଶୀଘ୍ର ସମାଧାନ ପାଇଁ ପ୍ରତିଶୃତି ଦେବାପରେ ଆନ୍ଦୋଳନ ପ୍ରତ୍ୟାହୃତ ହୋଇଥିଲା  l  ଉକ୍ତ ରାସ୍ତାରେ କ୍ରମାଗତ ଭାବେ ଗାତ ସୃଷ୍ଟି ହେଉଥିବାବେଳେ ଏହା ଲୋକଙ୍କ ପାଇଁ ମରଣଯନ୍ତା ପାଲଟିଛି  l  କଣ୍ଟାମାଳ ତରଭା ସେତୁର ସୋନପୁର ଜିଲ୍ଲା ତରଭା ଅଞ୍ଚଳରେ ରହିଛି ଏକାଧିକ କ୍ରସର  l  ଉକ୍ତ କ୍ରସର ଗୁଡ଼ିକରୁ ଦୈନିକ ଏକାଧିକ ଭାରୀଯାନ(ହାଇୱା ),ଟ୍ରଲର, ଟ୍ରାକ୍ଟର ମାଧ୍ୟମରେ ଶହ ଶହ ଟ୍ରିପ ଚିପ୍ସ,ବାଲି,ମେଟାଲ, ପଥର, କ୍ରସରଗୁଣ୍ଡ ଆଦି ବୌଦ୍ଧ ଜିଲ୍ଲାର ଅନେକ ସ୍ଥାନକୁ ଏହି ରାସ୍ତାଦେଇ ପରିବହନ କରାଯାଉଛି  l   ରାସ୍ତାର କ୍ଷମତା ବାହାରେ ଭାରୀଯାନ ଯାତାୟାତ କରୁଥିବାରୁ ରାସ୍ତାର ବିଭିନ୍ନ ସ୍ଥାନରେ ବିଶେଷକରି ବୁଲାଣି ଗୁଡିକରେ ବଡ଼ ବଡ଼ ଖାଲଖମ ସୃଷ୍ଟି ହୋଇ ମାଟିରେ ମିଶିବାକୁ ବସିଥିବା ବେଳେ ଏହା ଲୋକମାନଙ୍କ ପାଇଁ ମରଣଯନ୍ତା ପାଲଟିଥିବା ଅଭିଯୋଗ ହୋଇଛି l  ତରଭା ଅଞ୍ଚଳରେ ଥିବା କ୍ରସର ଗୁଡିକ ଉପରେ ଜିଲ୍ଲା ପ୍ରଶାସନ ପକ୍ଷରୁ ଲଗାମ କରାଯାଇ ଉକ୍ତ ସେତୁ ରାସ୍ତା ଦେଇ ଭାରୀଯାନ ଯାତାୟାତ ବନ୍ଦ କରାଯିବା, ପ୍ରଶାସନ-jଜନସାଧାରଣ ଓ କ୍ରସର ମାଲିକ ଙ୍କ ମଧ୍ୟରେ  ଆଲୋଚନା

ରାସ୍ତାର ସ୍ଥାଇତ୍ୱ ସମ୍ପର୍କରେ ଏଗ୍ରିମେଣ୍ଟ କରାଯିବା ଓ ତରଭା କଣ୍ଟାମlଳ ଅପ୍ରୋଚ ରାସ୍ତା ତୁରନ୍ତ ମରାମତି ଆଦି ଦାବି ନେଇ ଆନ୍ଦୋଳନକାରୀ ରାସ୍ତାରୋକ କରିଥିଲେ l  ତରଭା ଅଞ୍ଚଳରେ ଥିବା କ୍ରସର ଗୁଡିକ ଉପରେ ଜିଲ୍ଲା ପ୍ରଶାସନ ପକ୍ଷରୁ ଲଗାମ କରାଯାଇ ଉକ୍ତ ସେତୁ ରାସ୍ତା ଦେଇ ଭାରୀଯାନ ଯାତାୟାତ ବନ୍ଦ କରା ନ ଗଲେ ରାସ୍ତା ନଷ୍ଟ ହେବ ବୋଲି ଅଞ୍ଚଳର ସମାଜସେବୀ ରବିନାରାୟଣ ସାହୁ କହିଛନ୍ତି  l  ଅପରପକ୍ଷରେ ପନ୍ଦର ଦିନ ମଧ୍ୟରେ କ୍ରସର ମାଲିକ -ପ୍ରଶାସନ ଓ ଜନସାଧାରଣ ଙ୍କ ମଧ୍ୟରେ ଆଲୋଚନା ନ ହେଲେ ଏହି ରାସ୍ତା ଦେଇ ଭାରିଜାନ ଚଳାଇବୁ ନାହିଁ ବୋଲି ଗାଡିଚାଲକ ମାନେ ଏକ ଲିଖିତ ସ୍ପଷ୍ଟୀକରଣ ଦେଇଥିବା ଜଣାଯାଇଛି   l