01-Mar-2025

ବଲାଙ୍ଗିର/ତରଭା(ପ୍ରେରଣା ଖବର): ସୋନପୁର ଜିଲ୍ଲାର ତରଭା ବ୍ଲକ ରେ ଥିବା ସର୍ବପୁରାତନ ଓ ସର୍ବବୃହତ ମେଣ୍ଡା ଗ୍ରାମକୁ ଏକ ବ୍ଲକ କରିବା ଦାବି ନେଇ ମେଣ୍ଡା ଗ୍ରାମବାସୀ ଓ ଆଖପାଖରେ ଥିବା ପଞ୍ଚାୟତର ଏକ ପ୍ରତିନିଧି ମଣ୍ଡଳୀ ଉପ ମୁଖ୍ୟମନ୍ତ୍ରୀ କନକବର୍ଦ୍ଧନ ସିଂହଦେଓଙ୍କ ସହ ବଲାଙ୍ଗିର ସାଂସଦ ଶ୍ରୀମତୀ ସଂଗୀତା ସିଂଦେଓଙ୍କୁ ପାଟଣାଗଡ ରାଜଖମାର ବାସଭବନରେ ଭେଟି ଏକ ଦାବୀପତ୍ର ପ୍ରଦାନ କରିଛନ୍ତି। ମେଣ୍ଡା ଗ୍ରାମବାସୀଙ୍କ ଦାବୀ ଯେ ମେଣ୍ଡାକୁ ଏକ ବ୍ଲକ କଲେ ଆଖପାଖ ଥିବା ଅଞ୍ଚଳ ର ବହୁ ପଞ୍ଚାୟତ ଯଥା ମେଣ୍ଡା, ଦେଉଳପଦର,ରାଣୀସଡା , ପୁଅl, ପାଇକବାହାଲ,

 ଜରlଜାରିଙ୍ଗ,ଶିବତୁଳା , ନାରାୟଣପୁର, ଛକୋରମାଳ  ଗ୍ରାମପଞ୍ଚାୟତର ଜନସାଧାରଣ ଉପକୃତ ହୋଇ ପାରିବେ  l ତା ସହ ମେଣ୍ଡା ଅଞ୍ଚଲ ସାମଗ୍ରିକ ଭାବରେ ମଧ୍ୟ ଉପକୃତ ହେବା ସହ ଉନ୍ନତି ହୋଇପାରିବ ବୋଲି ପ୍ରତିନିଧି ମଣ୍ଡଳୀ ସୂଚନା ଦେଇଛନ୍ତି । ରାଜୁଡା ଅମଳରୁ ମେଣ୍ଡା ଏକ ଉନ୍ମତ ସଂସ୍କୁତି ସମ୍ପନ୍ନ ତଥା ଏୈତିହାସିକ ସ୍ଥାନ ରୂପେ ପରିଚିତି ରହିଛି  l ତେଣୁ ମେଣ୍ଡା ଠାରେ ବ୍ଲକ ସ୍ଥାପନ କରାଯିବାକୁ ଦାବି କରାଯାଇଛି l ଅଜିର ଏହି ପ୍ରତିନିଧି ମଣ୍ଡଳୀରେ ମୁକୁନ୍ଦ ସାହୁ, ସନାତନ କର୍ମି, କ୍ଷମାନିଧି ଝାଙ୍କର, ରାଜୀବ ଯୋଶୀ, ପୂର୍ଣ୍ଣଚନ୍ଦ୍ର ପଣ୍ଡା, ହୃଷୀକେଶ ପାତ୍ର, ପ୍ରମୋଦ ପରଡିଆ, ଭିକାରୀ ମେହେର ସିଦ୍ଧାର୍ଥ ଅଗ୍ରୱାଲ, ବିଭୂତି ଝାଙ୍କର, ଭୁବନlନନ୍ଦ ବାଦି, ସବ୍ୟସାଚୀ ଦଣ୍ଡସେନା ପ୍ରମୁଖ ସାମିଲ ହୋଇଥିଲେ