02-Feb-2025

କଣ୍ଟାମାଲ(ଜୟ କୁମାର ମହାରଣା): ବୌଦ୍ଧ ଜ଼ିଲ୍ଲା କଣ୍ଟାମାଲ ବ୍ଲକ ଖଟଖଟିଆ ଠାରେ ଚାଲିଥିବା ୩୮ ତମ ରାଜ୍ୟସ୍ଥରୀୟ କ୍ରିକେଟ ଟୁର୍ଣ୍ଣାମେଣ୍ଟ  ଉଦଯାପିତ ହୋଇଯାଇଛି |ଆଜି ଅନୁଷ୍ଠିତ ହୋଇଥିବା ଫାଇନାଲ ମ୍ୟାଚ ଟି ତିନି ଫର୍ମାଟ ବିଶିଷ୍ଟ ମ୍ୟାଚ ଥିଲା | ୧୫ ଓଭର ବିଶିଷ୍ଟ ପ୍ରଥମ ଫର୍ମାଟରେ ଏସଡିସିଏ ସୋନପୁର ଦଳ ଟସ ଜିଣି ପ୍ରଥମେ ବ୍ୟାଂଟି ର ନିଷ୍ପତି ନେଇଥିଲା |ସୋନପୁର ଦଳ ନିର୍ଧାରିତ ୧୫ ଓଭର ରେ ୫ ୱିକେଟ ହରାଇ ୧୫୦ ରନ ସଂଗ୍ରହ କରିଥିଲେ |ଜବାବ ରେ ଜିସିସି ସିଂଢୋଲ ଦଳ ୧୫ ଓଭରରେ ୭ ୱିକେଟ ହରାଇ ୧୧୦ ରନ କରି ପରାଜିତ ହୋଇଥିଲେ | ୮ ଓଭର ବିଶିଷ୍ଟ ଦ୍ଵିତୀୟ ଫର୍ମାଟ ରେ ଏସଡିସିଏ ସୋନପୁର ଦଳ ନିର୍ଧାରିତ ୮ ଓଭର ଖେଳି ୫ ୱିକେଟ ହରାଇ ୮୩ ରନ ସଂଗ୍ରହ କରିଥିଲେ |ଜବାବରେ ଜିସିସି ସିଂଢୋଲ ଦଳ ୭ ୱିକେଟ ହରାଇ ୮୬ ରନ କରି ବିଜୟୀ ହୋଇଥିଲେ |ଉଭୟ ଦଳ ଗୋଟିଏ ଲେଖାଏଁ ମ୍ୟାଚ ଜିତି ଥିବାରୁ |ସୁପର ଓଭର ଖେଳ ହୋଇଥିଲା |ଏଥିରେ ଜିସିସି ସିଂଢୋଲ ଦଳ ପ୍ରଥମେ ବ୍ୟାଟିଂ କରି ନିର୍ଧାରିତ ୬ ଟି ବଲ ରେ ୧୬ ରନ କରିଥିବାବେଳେ ଏସଡିସିଏ ସୋନପୁର ଦଳ ୫ ଟି ବଲ ରେ ୧୭ ରନ କରି ବିଜୟୀ ହୋଇଥିଲା |ଆଜିର ଫାଇନାଲ ଦିବସରେ କଣ୍ଟାମାଲ ବିଧାୟକ ଶ୍ରୀଯୁକ୍ତ କହ୍ନେଇ ଚରଣ ଡାଙ୍ଗ ଯୋଗଦେଇ ଖେଳାଳିଙ୍କୁ ଉତ୍ସାହିତ କରିବା ସହିତ ବେଶ କିଛି ସମୟ ଖେଳକୁ ଉପଭୋଗ କରିଥିଲେ |ଗତ ସତ ଦିନଧରି ଚାଲିଥିବା ଏହି ଟୁର୍ଣ୍ଣାମେଣ୍ଟରେ ଏସଡିସିଏ ସୋନପୁର ଦଳର ଖେଳାଳି ସିକନ ସେଠି ମ୍ୟାନ ଅଫ ଦି ସିରିଜ ହୋଇଥିବାବେଳେ ଫାଇନାଲ ମ୍ୟାଚରେ ଜିସିସି ସିଂଢୋଲ ଦଳର ସୌରଭ ନାଏକ ମ୍ୟାନ ଅଫ ଦ ମ୍ୟାଚ ହୋଇଥିଲେ | ସିରିଜ ରେ ବେଷ୍ଟ ଛକା ପାଇଁ ଜିସିସି ସିଂଢୋଲ ଦଳର ଅତୁଲ୍ୟ ,ବେଷ୍ଟ ବୋଲର ଭାବେ ଏସଡିସିଏ ସୋନପୁର ଦଳର ଆକାଶ ପାତ୍ର,ବେଷ୍ଟ ବ୍ୟାଟ୍ସମ୍ୟାନ ଭାବେ ଏସଡିସିଏ ସୋନପୁର ଦଳର ସିକନ  ସେଠି  ପୁରସ୍କୃତ ହୋଇଥିଲେ |ଉଦଯାପନୀ ଦିବସରେ ମୁଖ୍ୟ ଅତିଥିଭାବେ ବୌଦ୍ଧ ଜ଼ିଲ୍ଲାପରିଷଦ ଉପାଧକ୍ଷ ଶଙ୍କର୍ଷଣ ପ୍ରଧାନ ଯୋଗ ଦେଇଥିବାବେଳେ ସମ୍ମାନିତ ଅତିଥିଭାବେ କନ୍ଧମାଳ ସଂସଦଙ୍କ କଣ୍ଟାମାଲ ବ୍ଲକ ପ୍ରତିନିଧି ଦୀପକ ବାରିକ,ବିଜେପି ନେତା ଶିବ ନାରାୟଣ ଚାଉଳିଆ,ବିଜେପି ଜ଼ିଲ୍ଲା ଯୁବମୋର୍ଚ୍ଚା ସଭାପତି ଅଟଳ ପ୍ରଧାନ,ପୂର୍ବତନ କ୍ରିକେଟ ଖେଳାଳି ପୁରନ୍ଦର କର୍ମୀ ,ଅବସରପ୍ରାପ୍ତ ଶିକ୍ଷକ ମୋହନ ମାଝୀ,ସମାଜସେବୀ କିରଣ ମହାନ୍ତି ଓ ବିଜିତ ପ୍ରଧାନ ପ୍ରମୁଖ ଯୋଗଦେଇ ଉଭୟ ବିଜେତା ଓ ଉପବିଜେତା ଦଳ କୁ ପୁରସ୍କାର ରାଶି ସହିତ ଟ୍ରଫି ପ୍ରଦାନ କରିଥିଲେ  |  ଫାଇନାଲ ଦିବସରେ ଶ୍ୟାମ ସୁନ୍ଦର ପଣ୍ଡା ଓ ସୁବାଷ ଭୋଈନା ଅମ୍ପାୟାର ଭାବେ ଖେଳ ପରିଚାଳନା କରିଥିଲେ |ଯୁବରାଜ ବାରିକ ଓ ଭରଦ୍ୱାଜ ଖେତୀ ସ୍କୋରର ଦାୟିତ୍ୱ ତୁଲାଇଥିବାବେଳେ ବାବୁଲାଲ ଗୁରୁ ,ରଞ୍ଜୁ ଅମାତ ମ୍ୟାଚ ର ଧାରା ବିବରଣୀ ପ୍ରଦାନ କରିଥିଲେ |ଆୟୋଜକ କମିଟିର ସଭାପତି ରଞ୍ଜନ କୁମାର ପାତ୍ର ,ସମ୍ପାଦକ ଆକାଶ ମାଝୀଙ୍କ ସମେତ ଶିବରାଜ ବାରିକ,ଭଗବାନ ବସ୍ତିଆ ,ଜ୍ୟୋତିରଞ୍ଜନ ମହାନ୍ତି ,ସୁମନ୍ତ ପ୍ରଧାନ ,ଜିଲୁ ବଗର୍ତ୍ତୀ ,ରୀଙ୍କୁ ନାଏକ ,ପବିତ୍ର ଭୁରୁଭୁରି ,ବିକାଶ ମାଝୀ , କୁଳମଣି ସମାରଥ,ବାସୁଦେବ ବସ୍ତିଆ ,ପରୀକ୍ଷ ବସ୍ତିଆ ପ୍ରମୁଖ ସହଯୋଗ କରିଥିଲେ |