02-Feb-2025

ଅତାବିରl(ଆକାଶ ମିଶ୍ର ) ଅତାବିରା ବ୍ଲକ ଜାଙ୍ଗେଡ ପଞ୍ଚାୟତ ଅଧିନରେ ଥିବା ଭାଲୁପତ୍ରା ଗ୍ରାମରେ ସୁନ୍ଦର କାରୁକାର୍ଯ୍ୟରେ ନିର୍ମାଣ ହୋଇଥିବା ରାମ ମନ୍ଦିରର ପ୍ରତିଷ୍ଠା ମହା ସମାରୋହ ରେ ସମ୍ପନ୍ନ ହୋଇଯାଇଛି । ଏହି ମନ୍ଦିର ର ପ୍ରତିଷ୍ଠା ଉତ୍ସବ ଦୀର୍ଘ ୪ ଦିନ ଧରି ଚାଲିଥିଲା। ପ୍ରଥମ ଦିବସରେ ଏକ ଭବ୍ୟ କଳସ ଶୋଭାଯାତ୍ରା ହୋଇଥିଲା । ହଜାର ହଜାର ଶ୍ରଦ୍ଧାଳୁ ମହିଳା ଓ ପୁରୁଷ ଏହି ଶୋଭାଯାତ୍ରାରେ ସାମିଲ ହୋଇଥିଲେ । ବାବେବୀରା ର ଦୁଲୁଦୁଲି ବାଜା, ରାୟଗଡ଼ା ର ଦାଣ୍ଡିଆ ନୃତ୍ୟ ଓ ରେଶମ ର ଘଣ୍ଟବାଦ୍ୟ , ସହିତ ବିଶାଳ ସମାବେଶ ରେ ବାହାରି ଜାଙ୍ଗେଡ଼ ମହାଦେବ ମନ୍ଦିର ପୋଖରୀ ପର୍ଯ୍ୟନ୍ତ ପହଞ୍ଚିଥିଲା । ପଣ୍ଡିତ ରୂପେ ବରଣ ହୋଇ ଆସିଥିବା ଆନ୍ଧ୍ରପ୍ରଦେଶ ର ରାଜମଣ୍ଡ୍ରି ର ମୁଖ୍ୟ ପଣ୍ଡିତ ରାଏଗଡି ମିଲ୍ଲି ରାମଦେବ ଶର୍ମା ଓ ତାଙ୍କ ୧୨ ଜଣ ସାଥି ମନ୍ତ୍ର ପାଠ କରିଥିଲେ। ଭଣ୍ଡାଭିଲ୍ଲି ସତ୍ୟନାରାୟଣ, ବଡ୍ଡୁ ସୁବା ରାଓ, ୟେଳେଟି ରାଜା, ଗୁନମ ରାମବାବୁ, ଭଳୁରି ନାଗବାବୁ, ମୁତ୍ୟାଲା ଶ୍ରୀନିବାସ, ମଡ୍ଡି ପଟ୍ଟି ପାପା ରାଓ,ଓ ମଡ୍ଡି ପାଟାଲା ରାଜବେନ୍ଦ୍ର ପ୍ରମୁଖ ଆଠାଯୋଡ଼ି ସପତ୍ନୀକ କର୍ତ୍ତା ଦାୟିତ୍ଵ ନିର୍ବାହ କରିଥିଲେ । ମନ୍ଦିର ଶୁଦ୍ଧି, ବିଗ୍ରହ ପ୍ରତିଷ୍ଠା, ଗର୍ତନ୍ୟାସ,  ରତ୍ନବ୍ୟାସ , ଜନ୍ର ପ୍ରତିଷ୍ଠା,ଶ୍ରୀ ଗଣେଶ, ଭେଙ୍କେଟେଶ୍ୱର୍ ଧ୍ଵଜା ସ୍ତମ୍ଭ ସହିତ ହନୁମାନ ଲକ୍ଷ୍ମଣ ,ସିତାରାମ, କୋଦଣ୍ଡା ରାମଚନ୍ଦ୍ର ସ୍ବାମୀ ବିଗ୍ରହ ମାନଙ୍କପ୍ରାଣ ପ୍ରତିଷ୍ଠା,ପୂର୍ଣ୍ଣାହୁତି  କରାଯାଇ   ଦିବ୍ୟ ଦର୍ଶନ ଏବଂ ପଣ୍ଡିତ  ମାନଙ୍କର ଆଶୀର୍ବାଦ ଭିକ୍ଷା ଆଦି କାର୍ଯ୍ୟକ୍ରମ ଆଜି ରହିଥିଲା ।  ସନ୍ଧ୍ୟାରେ ରୂପାଲି ପାଣ୍ଡେ, ଭାନୁମତୀ ସେଠ୍ , ସୈରେନ୍ଦ୍ରୀ ଜାଲ, ଆଶାବତୀ ମଲ୍ଲିକ, ଜୟ ଶ୍ରୀରାମ କୃଷ୍ଣଗୁରୁର ମହିଳା କୀର୍ତ୍ତନ ଓ ବିଶ୍ୱ ଦୁଲୁଦୁଲି ଆଦି ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ଆଜି ଶେଷ ଦିବସର ସନ୍ଧ୍ୟା ରେ ଜୟ ଶ୍ରୀରାମ କୃଷ୍ଣଗୁରୁ  ଓ କୁସନ ପୁରି  କୃଷ୍ଣ ଗୁରୁ 

ଓ ରାତିରେ ରୁକୁ ସୁନା ଅର୍କେଷ୍ଟ୍ରା ଡି ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା ।
ଆଖ ପାଖଅଞ୍ଚଳରୁ ଶ୍ରଦ୍ଧାଳୁ ଭକ୍ତ ତଥା ଦର୍ଶକ ମାନଙ୍କର ସୁଅ ଛୁଟିଥିଲା । ଆଜି  ବିଗ୍ରହ ମାନଙ୍କୁ  ଗମ୍ଭୀର ଭିତରକୁ ପ୍ରବେଶ କରାଯାଇଥିଲା । ଏହି ପ୍ରତିଷ୍ଠା ଉତ୍ସବ  ରେ ସାମିଲ ହୋଇ  ଆଖ ପାଖ ଅଂଚଳର ହଜାର ହଜାର ଶ୍ରଦ୍ଧାଳୁ ଙ୍କ" ଜୟ ଶ୍ରୀରାମ "  ଧ୍ଵନି ରେ ଅଞ୍ଚଳ  ରାମ ମୟ  ହୋଇ  ଉଠିଥିଲା  ।ପ୍ରତି ଘରେ ସ୍ଥାୟୀ ଝୋଟି ସହ ପୂର୍ଣ୍ଣ କଳସ ବସା ଯାଇ ପ୍ରଭୁ  ଶ୍ରୀ ରାମଙ୍କୁ ସ୍ଵାଗତ କରାଯାଇଥିଲା । ମୀନା ବଜାର, ଦୋକାନ ବଜାର ସହ ରଙ୍ଗୀନ ଆଲୋକମାଳାରେ ପୂଜା ମଣ୍ଡପ ଅତ୍ୟନ୍ତ ଆକର୍ଷଣୀୟ ହୋଇଉଠିଛି । ପ୍ରତ୍ୟହ ଅନ୍ନପ୍ରସାଦ ର ବ୍ୟବସ୍ଥା କରାଯାଇଥିଲା ।ଶ୍ରଦ୍ଧାଳୁ ମାନେ ଯେପରି ସୁରକ୍ଷିତ ଓ ସୁବିଧା ରେ ମହୋତ୍ସବ କୁ ଉପଭୋଗ କରିପାରିବେ, ସେଥି ପାଇଁ ଭିଡ଼ କୁ ନିୟନ୍ତ୍ରଣ ପାଇଁ ସ୍ବେଚ୍ଛାସେବୀ ମାନେ ସ୍ବତନ୍ତ୍ର ଭାବରେ ସେବା ଯୋଗାଇଥିଲେ । ଏହି ପ୍ରତିଷ୍ଠାକୁ ସୁଚାରୁ ରୂପେ ସଂପାଦନ କରିବା ପାଇଁ ପୂଜା କମିଟିର ସଭାପତି ଗୁନମ୍ ସତ୍ୟନାରାୟଣ, ଗୁନମ ହରିବାବୁ, ଏମଲ୍ଲା ଭେନୁ ଗୋପାଳ କ୍ରିଷ୍ଣା ଓ ମଦି ପାଟଲା ତ୍ରୀମୁତ୍ତଳୁ ପ୍ରମୁଖଙ୍କ ସମେତ କମିଟି କର୍ମକର୍ତ୍ତା ଓ ଗ୍ରାମବାସୀଙ୍କ ସକ୍ରିୟ ସହଯୋଗ କରିଥିଲେ।