02-Feb-2025

ବିନିକା(ହିମାଂଶୁ ଶେଖର ପଟେଲ): ବିନିକା ବ୍ଲକ୍ ସିଂଘିଯୁବା ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ରବିବାର ଅନୁଷ୍ଟିତ ହୋଇଯାଇଛି l ବିଦ୍ୟାଳୟ ପ୍ରଧାନ ଶିକ୍ଷକ ରାଜକୁମାର ମହାକୁରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବାର୍ଷିକ ଉତ୍ସବରେ  ବୀରମହାରାଜାପୁର ବିଧାୟକ ରଘୁନାଥ ଜଗଦଲା ଯୋଗ ଦେଇ ସ୍କୁଲରେ ରହିଥିବା ବିଭିନ୍ନ ସମସ୍ୟାର ସମାଧାନ ଦିଗରେ ପଦକ୍ଷେପ ନିଆଯିବ  ପ୍ରତିଶୃତି ଦେଇଥିଲେ l ସମ୍ମାନୀତ ଅତିଥି ଭାବରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଜୟ ମହାକୁର ଓ ଜିଲ୍ଲା କୃଷକ ମୋର୍ଚ୍ଚା ସଭାପତି ଅଶୋକ ପୁଷ୍ଟୀ,ମୁଖ୍ୟବକ୍ତା ଭାବେ ଶିକ୍ଷକ ନିରଞ୍ଜନ ପଣ୍ଡା, ଅତିଥି ଭାବେ  ପୁରାତନ ଛାତ୍ର ନିରାକାର କର୍ଣ୍ଣ,ସ୍କୁଲ କମିଟି ସଭାପତି ତଥା ସାମ୍ବାଦିକ ଅଶୋକ କୁମାର ପଣ୍ଡା ଯୋଗଦେଇ ଅଭିଭାଷଣ ପ୍ରଦାନ କରିଥିଲେ l କ୍ରିଷ୍ଣାମଇ ମହତ୍ତମ ସଭା ପରିଚାଳନା କରିଥିବା ବେଳେ  ଶିକ୍ଷକ ହୃଦାନନ୍ଦ ପଧାନ ଧନ୍ୟବାଦ୍ ଅର୍ପଣ କରିଥିଲେ । ଛାତ୍ରୀ ଶିବାନୀ ପଣ୍ଡାଙ୍କ ପରିଚାଳନାରେ କୁନି କୁନି ଛାତ୍ରଛାତ୍ରୀ ମାନଙ୍କ ଦ୍ଵାରା ନାଚ ଗୀତ କାର୍ଯ୍ୟକ୍ରମ ପରିବେଷଣ ଉତ୍ସବକୁ ମୁଗ୍ଧ କରିଥିଲା ।ଏହି ଅବସରରେ ବିଭିନ୍ନ ବର୍ଗର କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା ।ବାର୍ଷିକ ଉତ୍ସବ ପରିଚାଳନାରେ ଉମାକାନ୍ତ ରଣା,ରଞ୍ଜୁ ଦାସ, ବିନୋଦ କୁମାର ବେହେରା,ବିକାଶ କୁମାର ବାରିକ,ଦୟାନନ୍ଦ ପଧାନ ସହଯୋଗ କରିଥିଲେ l