25-Jan-2025

ସୋନପୁର  (ମନୋରଞ୍ଜନ ତ୍ରିପାଠୀ )
 ଜିଲ୍ଲା କ୍ରିକେଟ ସଂଘ ପକ୍ଷରୁ ସୋନପୁର  ଗାନ୍ଧି ଷ୍ଟାଡିୟମ୍ ଠାରେ ଆୟୋଜିତ  ୩୬ ତମ ସର୍ବ ଭାରତୀୟ ଲାଲ୍ ମନି କ୍ରିକ୍ ଫେଷ୍ଟ୍  ର ଦ୍ଵିତୀୟ ସେମି ଫାଇନାଲ  ମ୍ୟାଚ ରେ ଭାଇଜାଗ୍ ଦଳ  ବିରୁଦ୍ଧ ରେ ଉଭୟ ଟି ଟ୍ୱେଣ୍ଟି ଓ ଟି ଟେନ ମ୍ୟାଚ୍ ରେ ସହଜ ବିଜୟ ହାସଲ କରି ଗ୍ରାଣ୍ଡ ଫାଇନାଲ ରେ ପ୍ରବେଶ କରିଛି ବାପୁଜୀ କ୍ଳବ୍ ଭୁବନେଶ୍ବର ଦଳ l ପ୍ରଥମ କୋଡ଼ିଏ ଓଭର ମ୍ୟାଚ ରେ ଭାଇଜାଗ ପ୍ରଥମେ ବ୍ୟାଟିଂ କରି ଭୁବନେଶ୍ବର ଦଳ କୁ  ୧୭୫ ରନ୍ ଟାର୍ଗେଟ ଦେଇଥିବା ବେଳେ ଭୁବନେଶ୍ବର  ଦଳ ୧୫.୨  ଓଭର ରେ ଲକ୍ଷ୍ୟ ହାସଲ କରି ମ୍ୟାଚ ବିଜୟୀ ହୋଇଥଲା  l  ସେହିପରି ଟି - ଟେନ ଫର୍ମାଟ ମ୍ୟାଚ୍ ରେ ପୁଣି ଭାଇଜାଗ ଦଳ ପ୍ରଥମେ ବ୍ୟାଟିଂ କରି  ମାତ୍ର ୬୦ ରନ୍ ର ଟାର୍ଗେଟ ରଖିଥିଲା ଭୁବନେଶ୍ବର  ଦଳ ଆଗରେ l ଭୁବନେଶ୍ୱର ଦଳ କିନ୍ତୁ ୬.୨ ଓଭର ରେ ସହଜ ଲକ୍ଷ୍ୟ ହାସଲ କରିବାରେ ସକ୍ଷମ ହୋଇ ଟର୍ଣ୍ଣlମେଣ୍ଟ ମେଗା ଫାଇନାଲ ସ୍ଥାନ କୁ ପକ୍କା କରି ଥିଲା l  ମ୍ୟାନ ଅଫ ଦି ମ୍ୟାଚ୍ ଭାବେ ଭୁବନେଶ୍ବର ଦଳ ର ରାକେଶ ପଟ୍ଟନାୟକ  ଙ୍କୁ ଆଜିର ଅତିଥି ପ୍ଲାବନ ମହାପାତ୍ର ଓ ରମଣ ପଧାନଓ ଶୈଳ ରଞ୍ଜନ ବାଦୀ  ଙ୍କ ଦ୍ବାରା ପୁରସ୍କୃତ କରା ଯାଇଥିଲା l

ଓ ସି ଏ ପ୍ୟାନେଲ ଅମ୍ପାୟର ଶ୍ୟାମ ସୁନ୍ଦର୍ ପଣ୍ଡା, ପ୍ରୁଥିରାଜ ମିଶ୍ର ଖେଳ ପରିଚାଳନା କରିଥିବା ବେଳେ ପ୍ରଦୀପ୍ତ ସେଠି,ବିଶ୍ବ ନାଥ ନାଏକ, ଦିନେଶ ଘିବିଲା ସ୍କୋରର ଦାୟିତ୍ବ ତୁଲାଇ ଥିଲେ l  ବି ଏସ ରାଓ, ଅଚ୍ୟୁତ ମିଶ୍ର, ପାର୍ଥ ସାରଥି ଦାଶ , ଆନନ୍ଦ ବାଗ ଖେଳ ର ପ୍ରତ୍ୟକ୍ଷ ଧାରା ବିଦେଶୀ ପ୍ରଦାନ୍ କରି ଥିଲେ l ଦର୍ଶକ ଙ୍କ ବହୂ ପ୍ରତିକ୍ଷୀତ ଲାଲନନି କ୍ରିକେଟ୍ ୨୦୨୫  ର ଗ୍ରାଣ୍ଡ ଫାଇନାଲ ମ୍ୟାଚ ଆସନ୍ତା କାଲି ରବିବାର ରେ ସୁନ୍ଦର ଗଡ ନବ ଜୀଵନ କ୍ରିକେଟ କ୍ଳବ୍ ଓ ବାପୁଜୀ କ୍ଳବ୍ ଭୁବନେଶ୍ବର ମଧ୍ୟରେ ଅନୁଷ୍ଟିତ ହେବ l ସବୁ ବର୍ଷ ପରି ୩୦ ହଜାର ରୁ ଉର୍ଦ୍ଧ୍ୱ ଦର୍ଶକ ଙ୍କ ଭିଡ଼ କୁ ଲକ୍ଷ୍ୟ ରଖି ପୋଲିସ ପ୍ରଶାସନ ଓ କ୍ରିକେଟ୍ କ୍ଳବ୍ ପକ୍ଷରୁ ଶାନ୍ତି ଶୃଙ୍ଖଳା ରକ୍ଷା ସକାଶେ ସମସ୍ତ ପ୍ରସ୍ତୁତି ଚାଲିଛି l