21-Jan-2025

ପାଟଣାଗଡ (ପୁର୍ଣ୍ଣ ଶଶୀ ଶେଖର ରାଓ)  ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଳକ ମୁଣ୍ଡୋମହୁଲ ଗାଁରେ  ନାଗବାଚା ଯାତ୍ରା କମିଟି ପକ୍ଷରୁ ଆୟୋଜିତ ହୋଇଥିବା ନାଗବାଚା ମହୋତ୍ସବ ମଙ୍ଗଳବାର ଉଦଯାପିତ ହୋଇଯାଇଛି l ଗୁରୁ ଗୋପାଳ ମଟାରୀ ,ଘଷୁରୁ ଗୁରୁ,ରୁପଧର ଧରୁଆଙ୍କ ତତ୍ୱାବଧାନରେ ଦୁଇ ଦିନ ଧରି ଅନୁଷ୍ଠିତ ହୋଇଥିଲା । ପ୍ରଥମେ ସୋମବାର ଦିନ ଘାଟ ପୂଜା, ପରେ ମହାଦେବ ଙ୍କୁ ନାଗବରୁନ ବରୁଆ ଦେହରେ ଆର୍ଵିଭାବ ହୋଇ ଗାଁ ପରିକ୍ରମା କରି ଭକ୍ତମାନଙ୍କ ଗୁହାରି ଲାଘବ କରିଥାନ୍ତି।ମଙ୍ଗଳବାର ଦିନ ବିନୋପୂଜା ଅନୁଷ୍ଠିତ ହୋଇଥିଲା ଏଥିରେ ମାନସିକ ଧାରି ମହିଳା ପୁରୁଷ ଉକ୍ତ ମାନେ ପୂଜାର୍ଚ୍ଚନା କରି ଗୁହାରି କରିଥାନ୍ତି। ପରମ୍ପରା ଅନୁସାରେ ସର୍ପ ଦଶନ କଲେ ବିଷ  ହରଣ  ପାଇ ମନ୍ତ୍ରିତ ଚାଉଳ ଚୂନା ବିଷ ମଣ୍ଡା, ନଡ଼ିଆ ମନ୍ତ୍ରିତ ସିତୁ ମଣ୍ଡା ସମସ୍ତେ ଖାଇଥାନ୍ତି। ରାତିରେ ସାଂସ୍କୃତିକ କାର୍ଯ୍ୟକ୍ରମ ସତିଘାଟ ଗାଁ ର ଦଣ୍ଡନୃତ୍ୟ ଦଳର କଳାକାର ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l  ନାଗବାଚା କମିଟିର ସଭାପତି ନିତ୍ୟାନନ୍ଦ ଭଇଷାଲ, ସଂପାଦକ ରଘୁ ଭଇଷାଲ, ଶଙ୍କର ଭୁଏ, ରବିଚନ୍ଦ୍ର ଧରୁଆ,ଶୋଭାକାର ଧରୁଆ, ନାରାୟଣ ଧରୁଆ, ଘନ ଭୁଏ, ଭିକାରୀ ଧରୁଆ,କିର୍ତ୍ତିଚନ୍ଦ୍ର ସାହୁ, ଦୟାନିଧି ଧରୁଆ, ଚୁଡ଼ାମଣି ଭୁଏ, କାର୍ତ୍ତିକ ମାଝୀ,ଙ୍କ ସହ ଅନ୍ୟ ସମସ୍ତ ସଦସ୍ୟ ସହଯୋଗ କରିଥିଲେ l ସମସ୍ତ ଙ୍କ ପାଇଁ ଅନ୍ନ ପ୍ରସାଦ ବଣ୍ଟନ କରାଯାଇଥିଲା।