21-Jan-2025

ବଲାଙ୍ଗିର(ପ୍ରେରଣା ଖବର):ବଲାଙ୍ଗିର ଲୋକ ମହୋତ୍ସବ ୨୦୨୫ ଉପଲକ୍ଷେ  ଅଗ୍ରଣୀ ସମାଜସେବୀ ଅନୁଷ୍ଠାନ ଲିବରେସନ୍ ପକ୍ଷରୁ ବଲାଙ୍ଗିର ରକ୍ତଭଣ୍ଡାରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏଥିରେ ୨୧ୟୁନିଟ ରକ୍ତ ସଂଗ୍ରହ କରାଯାଇଛି l ଶିବିରକୁ ବଲାଙ୍ଗିର ବିଧାୟକ କଲିକେଶ ନାରାୟଣ ସିଂଦେଓ ଉତ୍ଘାଟନ କରିଥିଲେ, ବଲାଙ୍ଗିର ଜିଲ୍ଲା ମୁଖ୍ୟଚିକିତ୍ସା ଅଧିକାରୀ ଡଃ.ରମେଶ ସାହୁ ଓ ହସ୍ପିଟାଲ୍ ଅଧିକ୍ଷକ ଡଃ. ମାନସୀ ପଣ୍ଡା ଉପସ୍ଥିତ ଥିଲେ l ସମାଜସେବୀ ଟୁନା ମିଶ୍ର, ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ଜିଲ୍ଲା ଭାଜପା ଯୁବସଭାପତି ଅମରଜିତ ପଟେଲ, ଅପ୍ରମିତ ପରିଛା, ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ l ଯୁବକ ମାନେ ଏଭଳି ରକ୍ତଦାନ ଶିବିରରେ ଯୋଗଦେଇ ସମାଜସେବା ପ୍ରତି ଆକର୍ଷିତ ହେବେ ବୋଲି ମୁଖ୍ୟଅତିଥି କଳିକେଶ କହିଥିଲେ

ରକ୍ତଦାନ ଶିବିରରେ ସଭାପତି ସଚ୍ଚିକାନ୍ତ, ଅଜିତ୍, ତାପସ, ବଳ୍ଳଭବ୍, ନିଲ, ଶ୍ରୀତମ, ଫକୀର, ଆକାଶ, ଦୀପକ, ପ୍ରଶାନ୍ତ, ରବି, ଦେବାଶିଷ, ମାନସ, ନିଲୁ, ଟୁନା, ଉଦ୍ଧବ, ଗୋପାଳ, ମିନାକ୍ଷୀ, ପ୍ରକାଶ, ଅଭିଜିତ, ଜ୍ୟୋତି ଆଦି ରକ୍ତଦାତା ରକ୍ତଦାନ କରିଥିଲେ l ଅନୁଷ୍ଠାନର ଉପସଭାପତି ଆକାଶ କୁମାର ଏବଂ ଅଧକ୍ଷ ସତ୍ୟନାରାୟଣ ହୋତା ପ୍ରମୁଖ ସହଯୋଗ କରିଥିଲେ l  ଲିବରେସନ୍ ଏଭଳି ଏକ ଜନମଙ୍ଗଳ କାର୍ଯ୍ୟକ୍ରମକୁ ବଲାଙ୍ଗିର ସହର ବୁଦ୍ଧିଜୀବୀ ମହଲରେ ବେଶ୍ ପ୍ରଶଂସା କରାଯାଇଛି l