14-Jan-2025

ସୋନପୁର  (ମନୋରଞ୍ଜନ ତ୍ରିପାଠୀ )
 ଆସନ୍ତା ଜାନୁଆରୀ ୧୯ ତାରିଖ ରେ ସୋନପୁର  ଗାନ୍ଧି ଷ୍ଟାଡିୟମ୍ ଠାରେ ଆୟୋଜିତ ହୋଇଥିବା ୩୬ ତମ ସର୍ବ ଭାରତୀୟ ଲାଲ୍ମନି କ୍ରିକ୍ ଫେଷ୍ଟ୍ ୨୦୨୫  ପାଇଁ  ପ୍ରସ୍ତୁତି  ଜୋର ଦାର ଚାଲିଛି l ଏଥିପାଇଁ ପଡ଼ିଆ ର ପିଚ୍ ତିଆରି, ଷ୍ଟେଜ ଓ ପଡ଼ିଆ ର ଷ୍ଟେଜ ସାଜ ସଜ୍ଜା ସହ ପଡ଼ିଆ ଚାରି ପଟେ ବ୍ୟlରିକେଟ  ତିଆରି ହେଉଛି l ପିଚ୍ ନିର୍ମାଣ କାର୍ଯ୍ୟ କୁ ପିଚ୍ କ୍ୟୁରୋ ଟର୍ ବି ସୁଦର୍ଶନ ପାତ୍ର ତଦାରଖ କରୁଥିବା ଜଣା ଯାଇଥିବା ବେଳେ କ୍ରିକେଟ୍ ମ୍ୟାଚ୍ ପାଇଁ ଜିଲ୍ଲା କ୍ରିକେଟ୍ ଟିମ୍ ର ଖେଳ ଅଭ୍ୟାସ ମଧ୍ୟ ଜାରି ରହିଥିବା ସୂଚନା ମିଳିଛି l କ୍ରିକେଟ ର ଉଦଘାଟନୀ ଓ ଉଦଯାପନୀ ସମାରୋହରେ ଅନେକ ଆନ୍ତର୍ଜାତୀୟ କ୍ରିକେଟ ଖେଳାଳୀ, ସିନେ ଅଭିନେତା,ଅଭିନେତ୍ରୀ ସହିତ  ଜିଲ୍ଲା ତଥା ରାଜ୍ୟ ର ଅନେକ ରାଜନେତା ପ୍ରଶାସକ ଅତିଥି ଭାବରେ ଯୋଗ ଦେବା ପାଇଁ ସ୍ଵୀକୃତି ଦେଇଥିବା ବିଷୟ ଜିଲ୍ଲା କ୍ରିକେଟ ସଂଘ ସଭାପତି ଶ୍ରୀ ରାମ ଶଙ୍କର ସାହୁ, ସଂପାଦକ ପ୍ରଦୀପ କୁମାର ସେଠୀ, ବରିଷ୍ଠ ସଭ୍ୟ ଶ୍ୟାସୁନ୍ଦର  ପାତ୍ର, ବି ସତ୍ୟ ନାରାୟଣ ରାଓ ପ୍ରକାଶ କରିଛନ୍ତି l ପ୍ରକାଶ ଥାଉ କି ଯେ ବିଗତ ବର୍ଷ ମାନଙ୍କରେ ଏହି ଲାଲମନି କ୍ରିକେଟ୍ କୁ ଭାରତୀୟ କ୍ରିକେଟ ଦଳ ର ଭେଟେରାନ୍ ଖେଳାଳି ମଦନ ଲାଲ୍ ଓ ଷ୍ଟାର ଖେଳାଳୀ ଇସନ୍ କିଶାନ, ହରବିନ୍ଦିର ସିଂ, ଦେବାଶିଷ ମହାନ୍ତି ଅତିଥି ଭାବରେ ଯୋଗ ଦେଇ ଥିବା ବେଳେ ଙ୍କ ଅନେକ ରଣଜୀ ଟ୍ରଫି ଖେଳାଳି ମଧ୍ୟ ଏଠାରେ ଖେଳାଳି ଭାବେ ଯୋଗ ଦେଇଥିଲେ l