12-Jan-2021

ସମ୍ବଲପୁର,(ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): କୁଚିଣ୍ଡା ବ୍ଲକ ଅନ୍ତର୍ଗତ କିରାଶାସନ ଫୁଟବଲ୍ ପଡ଼ିଆରେ କୃପାମୟ ଆଦିବାସୀ ଯୁବକ ସଂଘ ପକ୍ଷରୁ ଏକ ଦିବସୀୟ ଦିଲ୍ଲିପ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟରେ ଅନୁଷ୍ଠିତ ହୋଇଯାଇଛି। ଏହି  ଟୁର୍ଣ୍ଣାମେଣ୍ଟରେ ମୋଟ ୮ ଗୋଟି ଦଳ ଯଥା ସାତକମା, ଚନ୍ଦନିମାଳ, କୁଚିଣ୍ଡା ଜ୍ୟୋତି ପଡା, ଜମନକିରା, ମା ବନ ଦୁର୍ଗା, ଫଟାଟାଙ୍ଗର, ଲଇଡାଗୁଣା,  କିରାଶାସନ, ଆଦି ଦଳ ଯୋଗ ଦେଇଥିଲେ। ଏହି ପ୍ରତିଯୋଗିତାରେ କୁଟୁରାଚୁଆଁ ର ଅଧ୍ୟକ୍ଷ  ସମାଜସେବୀ ସୁବାସ ଚନ୍ଦ୍ର ନାୟକ ଓ ସ୍ବେଚ୍ଛାସେବୀ ସରୋଜ ମେହେର ଅତିଥି ଭାବେ ଯୋଗଦେଇ ଥିଲେ। ଏହି ଟୁର୍ଣ୍ଣାମେଣ୍ଟରେ  ସାତକମା  ଦଳ ୧/୦ ଗୋଲ୍ ରେ ଚମ୍ପିୟାନ ହୋଇ  ସିଲଡ ସହ  ୫  ହଜାର ଟଙ୍କା ଅର୍ଥ ରାଶି ଏବଂ ଜମନକିରା ଦଳ ରନର୍ସ ଅପ୍  ହୋଇ କପ୍ ସହ ଚାରି ହଜାର ଟଙ୍କା ଅର୍ଥ ରାଶି ମୁଖ୍ୟ ଅତିଥି ଙ୍କ ହାତରୁ ଗ୍ରହଣ କରିଥିଲେ। ଏହି କାର୍ଯ୍ୟକ୍ରମକୁ ସଂଘ ର ସଭାପତି ଯଶୋବନ୍ତ ବାଘ ଓ ସଂପାଦକ ମୋହନ ପିଙ୍ଗ ପରିଚାଳନା କରିଥିଲେ। ରେଫରି ଭାବରେ ସୁଶାନ୍ତ ଭୋଇ, କ୍ଷେତ୍ର କିସାନ  ଓ କ୍ଷେତ୍ର ନାରାୟଣ ଖେଳ ପରିଚାଳନା କରିଥିଲେ।