13-Jan-2025

ବଲାଙ୍ଗୀର: ଆସନ୍ତା ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ପାଳନ ଅବସରରେ ସାପ୍ତାହିକ ପ୍ରେରଣା ତରଫରୁ ସ୍ଥାନୀୟ  ପତିତପାବନ ଏକାଡେମୀ ଠାରେ ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ଓଡିଆ ଓ ଇଂରାଜୀ ପ୍ରବନ୍ଧ ଲିଖନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l ଏଥିରେ ବଲାଙ୍ଗୀର ମୁନିସିପାଲିଟି ଅନ୍ତର୍ଗତ ବିଭିନ୍ନ ସ୍କୁଲର ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ l ବିଚାରକ ଭାବରେ ପ୍ରଫେସର

ପ୍ରେମଚାନ୍ଦ ମହାନ୍ତି; ଆକାଶ ମିଶ୍ର ଓ ଶ୍ରୀମତୀ ଆଶାଲତା ସେଠୀ ଯୋଗ ଦେଇ ଛାତ୍ରଛାତ୍ରୀ ମାନଙ୍କ ଖାତା ମୂଲ୍ୟାଙ୍କନ କରି ଉଭୟ ଓଡ଼ିଆ ଓ ଇଂରାଜୀ ବିଭାଗର କୃତୀ ପ୍ରତିଯୋଗୀମାନଙ୍କ ନାମ ଘୋଷଣା କରିଥିଲେ l  ଓଡ଼ିଆ ପ୍ରବନ୍ଧ ଲିଖନ ପ୍ରତିଯୋଗିତାରେ କିସ୍ ଆବସିକ ସ୍କୁଲର ଅମୃତା ଭୋଇ,ସରକାରୀ ବାଳିକା ଉଚ୍ଚବିଦ୍ୟାଳୟ ର ଅଙ୍କିତା ବିଶ୍ଵାଳ ଓ  ବିଦ୍ୟା ଭାରତୀ ଆବାସିକ ସ୍କୁଲର ମନୀଷାମୟୀ ନାଏକ ଯଥାକ୍ରମେ ପ୍ରଥମ,ଦ୍ଵିତୀୟ ଓ ତୃତୀୟ ସ୍ଥାନ ହାସଲ କରିଥିଲେ l ଠିକ୍ ସେହିପରି ଇଂରାଜୀ ପ୍ରବନ୍ଧ ଲିଖନ ପ୍ରତିଯୋଗିତାରେ ମୋଣ୍ଟେ ସୋରି ପବ୍ଲିକ ସ୍କୁଲର ଦିବ୍ୟlଶା ଦାସ, କିସ୍ ଆବସିକ ସ୍କୁଲର ଶ୍ରାବଣୀ ମାଝୀ, ସୁସୌରଭ ମେହେର ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରି ଥିଲେ l ପ୍ରେରଣର ସମ୍ପାଦକ ରଘୁ ନନ୍ଦନ ସିଂହ ଙ୍କ ପରିଚାଳନା ଓ ଜିଲ୍ଲା ପ୍ରଶାସନର ସହଯୋଗରେ ଆୟୋଜିତ ଏହି ପ୍ରତିଯୋଗିତା ରେ ପତିତପାବନ ଏକାଡେମୀର ପ୍ରଧାନ ଶିକ୍ଷୟିତ୍ରୀ ଅଂଶୁପା ଭୋଇଙ୍କ ସମେତ ଅନ୍ୟ ଶିକ୍ଷକ ଶିକ୍ଷୟିତ୍ରୀ ମାନେ ସହଯୋଗ କରିଥିଲେ l ସମସ୍ତ କୃତୀ ପ୍ରତିଯୋଗୀ ମାନେ ଆସନ୍ତା ଜାନୁଆରୀ ୨୬ତାରିଖ ଦିନ ମନୋହରପୁର୍ ପଡିଆ ଠାରେ ଆୟୋଜିତ ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ସମାରୋହରେ ପୁରସ୍କୃତ ହେବେ ବୋଲି ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସରୋଜ ସାହୁ ସୂଚନା ଦେଇଛନ୍ତି l ଆସନ୍ତା ଜାନୁୟାରୀ ୧୫ ତାରିଖ ଦିନ ପତିତପାବନ ଏକାଡେମୀ ଠାରେ ଷଷ୍ଠ ଶ୍ରେଣୀ ରୁ କଲେଜସ୍ତର ପର୍ଯ୍ଯନ୍ତ ଛାତ୍ରଛାତ୍ରୀ ମାନଙ୍କୁ ନେଇ ତିନୋଟି ବିଭାଗରେ ଓଡ଼ିଆ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହେବ l