11-Jan-2021

ବଲାଙ୍ଗୀର,(ସନ୍ତୋଷ କୁମାର ଠାକୁର)- 'ରାଷ୍ଟ୍ରଭାଷା ହିନ୍ଦୀ ନାଟକ ଓ ପଶ୍ଚିମ ଓଡିଶା' - ଶୀର୍ଷକ ପ୍ରସଙ୍ଗ ଉପରେ ଏକ ସେମିନାର ସପ୍ତରଙ୍ଗ ସାଂସ୍କୃତିକ ଅନୁଷ୍ଠାନର ୪୦ତମ ସ୍ୱନକ୍ଷତ୍ର ଦିବସ ଉପଲକ୍ଷେ କୋଶଳ କଳା ମଣ୍ଡଳର ନୂତନ ମଂଚରେ ଅନୁଷ୍ଠିତ ହୋଇଯାଇଛି । ଏଥିରେ ରାମ ଚନ୍ଦ୍ର ସାହୁ (ଏନ୍‌ଏସ୍‌ଡି) ମୁଖ୍ୟବକ୍ତା ଭାବେ ଯୋଗଦେଇ ପଶ୍ଚିମ ଓଡିଶାରେ ହିନ୍ଦୀ ନାଟକର ଗ୍ରହଣୀୟତା ରହିଛି ବୋଲି ମତ ବାଢିଥିଲେ l ସେ ଆହୁରି କହିଥିଲେ ଯେ ହିନ୍ଦୀ ରାଷ୍ଟ୍ର ଭାଷା ହୋଇଥିବାରୁ ଏହି ଭାଷାର ନାଟକ କରାଗଲେ ଏହି ଅଂଚଳର ସଂସ୍କୃତି ମଧ୍ୟ ଲୋକପ୍ରିୟ ହେବା ସହ ସୁଦୁର ପ୍ରସାରି ହୋଇ ପାରିବ । ଏହି ସେମିନାରରେ ଅଶୋକ କୁମାର ମିଶ୍ର ସଭାପତିତ୍ୱ କରିଥିବା ବେଳେ ସତ୍ୟନାରାୟଣ ସିଂଦେଓ ମଂଚ ପରିଚାଳନା କରିଥିଲେ  l ଅନ୍ୟମାନଙ୍କ ମଧ୍ୟରେ  ପୀତବାସ ପଣ୍ଡା, ହିମାଂଶୁ ଖମାରୀ, ଗୋବର୍ଦ୍ଧନ ଭୋଇ, ଚନ୍ଦ୍ରମା ହୋତା, ଆର୍ତ୍ତତ୍ରାଣ ପାଢି, ପୂର୍ଣ୍ଣଚନ୍ଦ୍ର ତ୍ରିପାଠୀ, ସାହିଲ ପାଣିଗ୍ରାହି, ସୁରେଶ ରଥ ଓ ଅନୁପ ମିଶ୍ର ପ୍ରମୁଖ କଳାକାର ନିଜ ନିଜ ମନ୍ତବ୍ୟ ରଖିଥିଲେ l ଶେଷରେ ଆଶୁତୋଷ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।