11-Jan-2021

ବଲାଙ୍ଗୀର,(ସନ୍ତୋଷ କୁମାର ଠାକୁର) ଆଜି ବଲାଙ୍ଗିର ସଦର ବ୍ଲକ ସ୍ଥିତ ସଦାଇପାଲି ପଂଚାୟତର ପଥରଚେପା ଗାଁକୁ ବଲାଙ୍ଗିର ବିଧାୟକ ନରସିଂହ ମିଶ୍ର ପରିଦର୍ଶନରେ ଯାଇଥିଲେ । ବଲାଙ୍ଗିର ମ୍ୟୁନିସିପାଲିଟି ଅଂଚଳର ଠିକ୍ ପରେ ଏହି ଗାଁଟି ପ୍ରାୟତଃ ପ୍ରତ୍ୟେକ କ୍ଷେତ୍ରରେ ଅବହେଳିତ ଥିବା ଜଣାଯାଏ । ତେଣୁ ଆଜି ଅପରାହ୍ନରେ ଏହି ଗାଁକୁ ଶ୍ରୀ ମିଶ୍ର ପହଞ୍ôଚ ଏହି ଗାଁକୁ ବହୁତ ଶିଘ୍ର ଏକ ଆଦର୍ଶ ଗ୍ରାମରେ ପରିଣତ କରାଯିବ ବୋଲି ଗ୍ରାମବାସୀଙ୍କୁ ପ୍ରତିଶୃତି ଦେଇଥିଲେ । ଆଦିବାସୀ, ଦଳିତ ବହୁଳ ଏହି ଗାଁ ଜାତୀୟ ରାଜପଥ ପାଶ୍ୱର୍ରେ ଅବସ୍ଥିତ କିନ୍ତୁ ଏଠାକାର ଲୋକେ ଆର୍ଥିକ ସ୍ତରରେ ବହୁତ ଅନଗ୍ରସର । ସମସ୍ତ କ୍ଷେତ୍ରରେ ସେମାନଙ୍କୁ ସ୍ୱାବଲମ୍ବି କରିବାକୁ ଶ୍ରୀ ମିଶ୍ର ଆଜି ଗାଁକୁ ଅଚାନକ ଆସି ତାଙ୍କର ଅଭାବ ଅସୁବିଧା ବିଝିବା ପରେ ବଲାଙ୍ଗିର ଗ୍ରାମ୍ୟ ଉନ୍ନୟନ ପ୍ରକଳ୍ପ ନିର୍ଦ୍ଦେଶକ ମହେଶ୍ୱର ସ୍ୱାଇଁଙ୍କୁ ଡାକି ଗାଁର ଲୋକେ କିଭଳି ସମସ୍ତ ପ୍ରକାର ସରକାରୀ ଯୋଜନା ଫଳ ପାଇପାରିବେ ସେ ଉପରେ ପଦକ୍ଷେପ ନେବାକୁ କହିଥିଲେ । ତତ୍‌କ୍ଷଣାତ ସେଠାରେ ଉପସ୍ଥିତ ଥିବା ବ୍ଲକ ଉନ୍ନୟନ ଅଧିକାରୀ ବାସୁଦେବ ମହାପାତ୍ରଙ୍କୁ ଗାଁରେ ରହୁଥିବା ଲୋକେ ଯେଉଁମାନଙ୍କ ବାସଗୃହ ନାହିଁ ସେମାନଙ୍କର ଏକ ତାଲିକା ପ୍ରସ୍ତୁତ ପାଇଁ ନିର୍ଦ୍ଦେଶ ଦେଇଥିଲେ । ସରଜମିନ ତଦନ୍ତ ପରେ ଜଣା ପଡିଥିଲା ଗାଁର ସମସ୍ତ ଲୋକ ଖାଦ୍ୟ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ ଅଛନ୍ତି କିନ୍ତୁ ଅନେକ ଲୋକ ଆଜିବି ବାର୍ଦ୍ଧକ୍ୟ ଭତ୍ତା, ବିକଳାଙ୍ଗ ଭତ୍ତା ପାଇବାରୁ ବଂଚିତ ଅଛନ୍ତି । ଉପସ୍ଥିତ ଥିବା ପଂଚାୟତ ନିର୍ବାହୀ ଅଧିକାରୀଙ୍କୁ ତୁରନ୍ତ ତାର ଏକ ତାଲିକା ପ୍ରସ୍ତୁତ କରିବା ପାଇଁ ଶ୍ରୀ ମିଶ୍ର କହିଥିଲେ । ବାବୁଲାଲ ମିର୍ଦ୍ଧା ନାମକ ଏକ ବିକଳାଙ୍ଗ ଙ୍କ ଅଭିଯୋଗ କ୍ରମେ ବିଧାୟକ ଶ୍ରୀ ମିଶ୍ର ତତ୍‌କ୍ଷଣାତ ସାମଜିକ ସୁରକ୍ଷା ଅଧିକାରୀ ନବକୃଷ୍ଣ ସାହୁ ନିର୍‌ତାର ଡକ୍ତର ସୁରେନ୍ଦ୍ର ସାହୁଙ୍କୁ ଡକାଇ ବିକଳାଙ୍ଗ ବ୍ୟକ୍ତିଙ୍କୁ ସେହି ଜାଗାରେ ହିଁ ତାର ପାଇଁ ଭତ୍ତା କାର୍ଡ ଏବଂ ଭତ୍ତା ରାଶି ଏହି ମାସର ଟ.୫୦୦/ଙ୍କା ଗୋଷ୍ଠି ଉନ୍ନୟନ ଅଧିକାରୀଙ୍କ ଉପସ୍ଥିତିରେ ପ୍ରଦାନ କରିଥିଲେ । ଗାଁର ଆଜିପର୍ଯ୍ୟନ୍ତ ଗୋଟିଏ ବି ପରିବାର ସରକାରଙ୍କ ଗୁହାଳ ଯୋଜନାରୁ ଫାଇଦା ପାଇ ନ ପାରିବା ଦୁଃଖର ବିଷୟ ବୋଲି ଶ୍ରୀ ମିଶ୍ର କହିଥିଲେ । ଉପସ୍ଥିତ ଥିବା ପ୍ରକଳ୍ପ ନିର୍ଦ୍ଦେଶକ ବହୁତ ଶିଘ୍ର ଗାଁରେ ଥିବା ପ୍ରତ୍ୟେକ ପଂଞ୍ଜିକୃତ ଗାଇ ଗୋରୁଙ୍କ ପାଇଁ ଗୁହାଳ ପାଇଁ ଅନୁଦାନ ପ୍ରଦାନ କରିବାକୁ ବିଡିଓ ତଥା ପଶୁ ଧନ ନିରୀକ୍ଷକଙ୍କୁ ନିର୍ଦ୍ଦେଶ ଦେଇଥିଲେ । ଯେମିତି ଏକ ବର୍ଷ ଭିତରେ ପଥରଚେପା ଗାଁ ଏକ ଆଦର୍ଶ ଗ୍ରାମ ହୋଇପାରିବ ଏଥି ପାଇଁ ଅଂଚଳର ବିଜୁଳି ବ୍ୟବସ୍ଥା, ପିଇବା ପାଣି ବ୍ୟବସ୍ଥା, ସମସ୍ତଙ୍କ ପାଇଁ ପକ୍କାଘର, ସମସ୍ତ ଯୋଗ୍ୟ ହିତାଧିକାରୀଙ୍କ ପାଇଁ ଖାଦ୍ୟ ସୁରକ୍ଷା ଯୋଜନାରେ ରାସନ କାର୍ଡ, ବିକଳାଙ୍ଗ, ବାର୍ଦ୍ଧକ୍ୟ ଓ ବିଧବା ଭତ୍ତାର ସୁନିଶ୍ଚିତ କରିବା ପାଇଁ ଉପସ୍ଥିତ ଥିବା ସମସ୍ତ ଅଧିକାରୀଙ୍କୁ ବିଧାୟକ ଶ୍ରୀ ମିଶ୍ର ନିର୍ଦ୍ଦେଶ ଦେବା ସହ ଆଜିର ଏହି ପରିଦର୍ଶନରେ ସକାରତ୍ମକ ମନୋଭାବ ନେଇ ବିଭାଗୀୟ ଅଧିକାରୀମାନେ ପଥରଚେପା ଗ୍ରାମକୁ ଏକ ଆଦର୍ଶ ଗ୍ରାମରେ ପରିଣତ କରିବାକୁ ନିଆଯାଇଥିବା ପଦକ୍ଷେପରେ ସହଯୋଗ କରିଥିବାରୁ ଧନ୍ୟବାଦ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବ୍ଲକ ଉପାଧ୍ୟକ୍ଷା ଯଶୋବନ୍ତୀ ବଘାର,  ଫକିର ମୋହନ ଥାଟି, ଏବିଡିଓ ରାମଦତ୍ତ ଭୋଇ, ପଂଚାୟତ ନିର୍ବାହୀ ଅଧିକାରୀ ସୈଳେନ୍ଦ୍ର ପଧାନ, କନିଷ୍ଠ ଯନ୍ତ୍ରୀ ରଶ୍ମିତା ମହାନ୍ତି, ଏଲ୍‌ଆଇ ମଧୁସୁଦନ ସାହୁ ପ୍ରମୁଖ ଉପସ୍ଥିତ ଥିଲେ ।