27-Dec-2024

ବରପାଲି  (ସୁଦାମ ଦୀପ )
ମାନେଶ୍ୱର ବ୍ଲକ ସାହସପୁର ଗ୍ରାମ ପଞ୍ଚାୟତ ଅନ୍ତର୍ଗତ କେନ୍ଦୁମୁଣ୍ଡା  ଗ୍ରାମରେ ଏଚ. ଡି.ଏଫ୍.ସି ବ୍ୟାଙ୍କ୍ ତରଫରୁ ଏକ ହାଇଟେକ୍ ନର୍ସରୀ ଲୋକାର୍ପିତ ହୋଇଯାଇଛି । ସମ୍ବଲପୁର ଜିଲ୍ଲା ଉଦ୍ୟାନ ବିଭାଗ ଉପ ନିର୍ଦ୍ଦେଶକ ଶ୍ରୀ ହିମାଂଶୁ ଶେଖର ସାହୁ ଓ ଏଚ୍.ଡି.ଏଫ୍.ସି ବ୍ୟାଙ୍କ୍ ସାମାଜିକ ଦାୟିତ୍ଵ ବୋଧ ପରିଚାଳକ ଶ୍ରୀ ଚନ୍ଦନ କୁମାର ନାୟକ ଏହାକୁ ମିଳିତ ଭାବେ ଲୋକାର୍ପିତ କରିଛନ୍ତି। ଏହି ହାଇଟେକ୍ ନର୍ସରୀ ରେ ଜଳବାୟୁ ସହନଶୀଳ ଜ୍ଞାନ କୌଶଳ ବ୍ୟବହାର ହୋଇଥିବା ଯୋଗୁଁ ବର୍ଷର ସବୁ ସମୟରେ ଚାରା ଉତ୍ପାଦନ ହୋଇ ପାରିବ । ଏକା ଥର ରେ ଏହି ନର୍ସରୀ ରେ ୩୦,୦୦୦ ଚାରା ଉତ୍ପାଦନ ହୋଇ ପାରିବ ଓ ବର୍ଷରେ  ସର୍ବମୋଟ ୯୦,୦୦୦ ଚାରା ଉତ୍ପାଦନ ହେବ। କାର୍ଯ୍ୟକ୍ରମ ରେ ସହସପୂର୍ ଗ୍ରାମ ପଞ୍ଚାୟତ ସରପଞ୍ଚ ଶ୍ରୀ ଦିବାକର ବିଶ୍ୱାଳ , ଵଦୁଆ ପାଲି ସରପଞ୍ଚ ଶ୍ରୀ ସଞ୍ଜୟ ଭୋଇ , ଉଦ୍ୟାନ ବିଭାଗ ଓଭର ସିୟର ଶ୍ରୀମତୀ ସବିତା ମିଶ୍ର ,ମହାଶକ୍ତି ର ପରିଚାଳନା ନିର୍ଦ୍ଦେଶକ ଶ୍ରୀ ଯୁଗଳ କିଶୋର ପଟ୍ଟନାୟକ , କୃଷି ବିଶେଷଜ୍ଞ ଶ୍ରୀ ଆଶୁତୋଷ ପାଲ , ବ୍ଲକ ସଂଯୋଜକ ପ୍ରିୟଙ୍କା କୁମାରୀ, ସମ୍ବଲ୍ପୁରିଏନ ଏଫ୍.ପି.ଓ ର ନିର୍ଦ୍ଦେଶକ ମଣ୍ଡଳୀ ପ୍ରମୁଖ ଯୋଗ ଦେଇ ଏହି ନର୍ସରୀ କୁ ଅଞ୍ଚଳବାସୀ  ଉପଯୁକ୍ତ ତଦାରଖ ଓ ପରିଚାଳନା କରିବା ପାଇଁ ପରାମର୍ଶ ଦେଇଥିଲେ ।  କାର୍ଯ୍ୟକ୍ରମରେ ଅଞ୍ଚଳ ରୁ ଚାଷୀମାନେ ଯୋଗଦାନ କରିଥିଲେ l