27-Dec-2024

କୁଚିଣ୍ଡା: କୁଚିଣ୍ଡା କଲେଜ ପଡ଼ିଆ ଠାରେ ଉପଖଣ୍ଡ ସ୍ତରୀୟ କୃଷି ଯନ୍ତ୍ରପାତି ମେଳା କୁଚିଣ୍ଡା ଉପଜିଲ୍ଲାପାଳ ଗୈାରବ ମୟ ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ଫିତା କାଟି  ଉଦଘାଟନ କରିଥିଲେ। ୩୫ ଗୋଟି ଷ୍ଟଲ ଏହି ମେଳାରେ ଲାଗିଥିଲା ଓ ଏହା ଡିସେମ୍ବର  ୨୭,୨୮ ଓ‌ ୨୯ ତାରିଖ ତିନି ଦିନ ଧରି ହେବାକୁ ଥିବା ଏହି କାର୍ଯ୍ୟକ୍ରମ ରେ‌ ଉନ୍ନତ କୃଷି ଯନ୍ତ୍ରପାତି ପ୍ରଦର୍ଶନ ଓ ବିକ୍ରୟ ଏବଂ ବିଭିନ୍ନ କୃଷି ଯନ୍ତ୍ରପାତି ପାଇଁ ସରକାରୀ ଆର୍ଥିକ ସହାୟତା ର ସଚେତନତା,କୃଷି ଓ ଆନୁସଙ୍ଗିକ ବିଭାଗ ଦ୍ବାରା କାର୍ଯ୍ୟକାରୀ ହେଉଥିବା ଯୋଜନା ଗୁଡିକର ପ୍ରଚାର ଓ ପ୍ରସାର, ବ୍ୟାଙ୍କ ସହାୟତା କେନ୍ଦ୍ର ମାଧ୍ୟମରେ କୃଷି ଯନ୍ତ୍ରପାତି ପାଇଁ ଋଣ ର ସୁଯୋଗ, ନିର୍ଧାରିତ ସରକାରୀ ରିହାତିରେ କୃଷି ଯନ୍ତ୍ରପାତି କ୍ରୟ ନିମନ୍ତେ ଆଗରୁ ବୁକିଂ ବ୍ୟବସ୍ଥା ବିଷୟରେ ସୂଚନା ତଥା ଏହି କୃଷି ଯନ୍ତ୍ରପାତି ମେଳା ର ମୂଳ ଲକ୍ଷ ହେଲା ଚାଷୀ ମାନେ କମ୍ ସମୟ ରେ ଅଧିକ କାର୍ଯ୍ୟ ସମ୍ପାଦନ କରି ଚାଷ କାର୍ଯ୍ୟ ରେ ଦ୍ଵିଗୁଣିତ ଲାଭବାନ ହେବେ ସେ ସବୁ ବିଷୟରେ ସୂଚନା ପ୍ରଦାନ କରିଥିଲେ। ଏହି ମେଳାରେ ଜିଲ୍ଲା ମୁଖ୍ୟ କୃଷି ଅଧିକାରୀ ହେମନ୍ତ କୁମାର ଜେନା ସଭାପତିତ୍ବ କରିଥିଲାବେଳେ ମୁଖ୍ୟ ଅତିଥି ଭାବେ କୁଚିଣ୍ଡା ଉପଜିଲ୍ଲାପାଳ ଗୈାରବ ମୟ ପ୍ରଧାନ, ସମ୍ମାନିତ ଅତିଥି ଭାବେ ମୁଖ୍ୟ କୃଷି ଯନ୍ତ୍ରି ମୁକ୍ତି କାନ୍ତ ମହାପାତ୍ର, କୁଚିଣ୍ଡା ବ୍ଲକ ଚେୟାରମେନ ଭୁବନେଶ୍ୱର କିସାନ, ବାମରା ବ୍ଲକ ଚେୟାରମେନ ପିଙ୍କି ଧରୁଆ, ଜିଲ୍ଲା ପରିଷଦ ସଭ୍ୟ ଦିବ୍ୟ ରାଜ କିସାନ,କୃଷ୍ଣ ଚନ୍ଦ୍ର ଟପ୍ପୋ , ସାଂସଦ ପ୍ରତିନିଧି ରୁଦ୍ର ପ୍ରତାପ ଦେଓ , ସୁପରିଟେଣ୍ଡେଣ୍ଟ୍ ଅଭିମନ୍ୟୁ ଜେନା ଅତିଥି ଭାବରେ ଯୋଗଦେଇ ବିଭିନ୍ନ ଷ୍ଟଲ ଗୁଡିକ ପ୍ରଦର୍ଶନ କରି ସଫଳ ଚାଷୀ ମାନଙ୍କୁ ସମ୍ମାନିତ କରି ପୁରସ୍କାର ପ୍ରଦାନ କରିଥିଲେ, ସେମାନଙ୍କ ମଧ୍ୟରୁ ଅଗ୍ରଣୀ ଚାଷୀ ଭାବରେ ମାଁ ଭୈରବୀ ଏସ୍.ଏଚ୍.ଜି. କୁଚିଣ୍ଡା, ଉଦ୍ୟାନ କୃଷି ର ସଫଳ ଚାଷୀ ଭାବରେ କଳ୍ପନା ନାଏକ ଜମନକିରା, ମତ୍ସ୍ୟ ବିଭାଗରେ ସଫଳ ଚାଷୀ ଭାବରେ ସମିର ପଟେଲ ବାମରା, ପ୍ରାଣୀ ସମ୍ପଦ ର ସଫଳ ଚାଷୀ ଭାବରେ ଅନୁପ ଚୈ|ଧୁରୀ ବାମରା, ସଫଳ ଚାଷୀ ଭାବରେ ଜଗତ ରାମ କୁଜୁର, ମିତ୍ରଭାନୁ ପଟେଲ ଆଦି ଚାଷୀ ଙ୍କୁ ସମ୍ମାନିତ କରାଯାଇଥିଲା । ସଭା ପ୍ରାରମ୍ଭରେ ପ୍ରଥମେ ମାଁ ସମଲେଶ୍ଵରୀ ଙ୍କ ତୈଳ ଚିତ୍ର ପାର୍ଶ୍ଵରେ ପ୍ରଦୀପ ପ୍ରଜ୍ଜ୍ୱଳନ କରିବା ପରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଙ୍କ ବିୟୋଗରେ ଗୋଟିଏ ମିନିଟ ନିରବ ପ୍ରାର୍ଥନା କରିଥିଲେ।ଏହି ଅବସରରେ କୁଚିଣ୍ଡା ବିଡ଼ିଓ ଜୟନ୍ତ ସାହୁ, ତହସିଲଦାର ମିତାଲି ମଧୁସ୍ମିତା ଦଲେଇ,ଏସଡିଭିଓ ପ୍ରସନ୍ନ ସାମଲ, କୁଚିଣ୍ଡା ହର୍ଟିକଲଚରିଷ୍ଟ ପ୍ରମୁଖ ଉପସ୍ଥିତ ରହିଥିଲେ। କୁଚିଣ୍ଡା କୃଷି ଅଧିକାରୀ ଏଡିଓ‌ ପ୍ରସନ୍ନ‌ କୁମାର ସ୍ବାଇଁ ଏହି ସଭାରେ ସ୍ବାଗତ ଅତିଥି ପରିଚୟ ସହିତ ଧନ୍ୟବାଦ ଅର୍ପଣ କରିଥିଲେ ।
(ସମ୍ବଲପୁର କୁଚିଣ୍ଡାରୁ ସିଲୁ ସୁନାନୀଙ୍କ ରିପୋର୍ଟ)