26-Dec-2024

ବରପାଲି(ସୁଦାମ ଦୀପ )
ଗୋଷ୍ଠୀ ଶିକ୍ଷା କାର୍ଯ୍ୟାଳୟ, ବରପାଲି ଠାରେ ଭିନ୍ନକ୍ଷମ ଶିକ୍ଷାର୍ଥୀ ମାନଙ୍କର ଡାକ୍ତରୀ ପରୀକ୍ଷା ତଥା ଉପକରଣ ବଣ୍ଟନ ଓ ଚିହ୍ନଟିକରଣ ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଭୁବନେଶ୍ଵର ସ୍ଥିତ ଆଲିମକୋର ଡାଃ ସୁରେନ୍ଦ୍ର ଭୋଇ, ଧରିତ୍ରୀ ଗଡତିଆ, ବିଶ୍ୱରଞ୍ଜନ ପୃଷ୍ଟି ଓ ବିଜୟ କୁମାର ଯୋଗଦାନ କରିଥିଲେ। ଉକ୍ତ ଶିବିରରେ ବି ଇ ଓ ମୁକୁନ୍ଦ ମହରା ଅଧ୍ୟକ୍ଷତା କରିଥିଲେ।  ଶିବିରକୁ ବି ଆର୍ ଟି ମୁକୁନ୍ଦ ମେହେର ଓ ତୁଳାରାମ ସାହୁ ସଂଯୋଜନା କରିଥିଲେ। ଉକ୍ତ ଶିବିରରେ ୭୨ ଟି ଉପକରଣ ଚିହ୍ନଟ କରାଯାଇଛି। ସେଥିମଧ୍ୟରୁ ଶ୍ରବଣ ଯନ୍ତ୍ର ,ଟ୍ରାଇ ସାଇକେଲ, ହୁଇଲ ଚେୟାର, ରୋଲେଟର ,ଜୋତା ଇତ୍ଯାଦି ବଣ୍ଟନ ପାଇଁ ମୂଲ୍ୟାୟନ କରାଯାଇଛି। ଏହି କାର୍ଯ୍ୟକ୍ରମ ମିହିର ପଧାନ, ନୃପରାଜ ଦାଶ,ଜୟନ୍ତୀ ନାୟକ,ସୌରେନ୍ଦ୍ରି ସାହୁ, ଧନମତି ସାହୁ ଆବଶ୍ୟକୀୟ ସାହାଯ୍ୟ ଓ ସହଯୋଗ ପ୍ରଦାନ କରିଥିଲେ। ଆଗାମୀ ଦିନରେ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ତରଫରୁ ଏହି ସବୁ ଉପକରଣ ଭିନ୍ନକ୍ଷମ ଶିକ୍ଷାର୍ଥୀ ମାନଙ୍କୁ ବଣ୍ଟନ କରାଯିବ ।