26-Dec-2024

କଣ୍ଟାମାଳ(ଜୟ କୁମାରମହାରଣା): କଣ୍ଟାମାଳ ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପକ୍ଷରୁ   ବିଜେଡିର ୨୮ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଜିଲ୍ଲା ବିଜେଡି ସଭାପତି ତଥା ପୂର୍ବତନ କଣ୍ଟାମାଳ ବିଧାୟକ ମହୀଧର ରଣା ସମେତ ଅନ୍ୟମାନେ ଆଜି ସକାଳ ୧୦ଘଣ୍ଟା ସମୟରେ ସତସଙ୍ଗ ବିହାର ଛକ ଠାରେ ଥିବା ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ  l  ପରେ କଣ୍ଟାମାଳ

ବ୍ଲକ ବିଜେଡି ସଭାପତି ପ୍ରେମରାଜ ରଣା ଙ୍କ ସଂଯୋଜନା ରେ ଆୟୋଜିତ ସଭାରେ  ମୁଖ୍ୟଅତିଥିଭାବେ କଣ୍ଟାମାଳ ନିର୍ବାଚନ ମଣ୍ଡଳୀର ଲୋକପ୍ରିୟ ପୂର୍ବତନ ବିଧାୟକ ତଥା ବୌଦ୍ଧ ଜିଲ୍ଲା ବିଜେଡି ସଭାପତି ମହୀଧର ରଣା ମୁଖ୍ୟଅତିଥି ଓ ସମ୍ମାନିତ ଅତିଥିଭାବେ କଣ୍ଟାମାଳ ବ୍ଲକ  ଅଧ୍ୟକ୍ଷା ଶ୍ରୀମତୀ ସସ୍ମିତା ସେନାପତି,ବ୍ଲକ ଉପାଧ୍ୟାକ୍ଷ ମହେନ୍ଦ୍ର ରଣା,ଯୁବ ବିଜେଡି

ସଭାପତି ଶମ୍ଭୁ ପ୍ରସାଦ ସାହୁ,ଘନଶ୍ୟାମ ବୁଡ଼ାଇକ,ରାଧାବଲ୍ଲଭ ପ୍ରଧାନ ସମେତ ବହୁ ତୁଙ୍ଗ ନେତା ପ୍ରମ୍ମୁଖ ସମ୍ମାନୀତ ଅତିଥି ଭାବେ ଯୋଗଦେଇ ବିଜେଡି ଶାସନ ସମୟରେ ହୋଇଥିବା ବିକାଶ ମୂଳକ ଯୋଜନାର ପ୍ରଶଂସା କରିଥିବା ବେଳେ ବିଜେପିର ଡବଲ ଇଞ୍ଜିନ ସରକାର ର ବିଭିନ୍ନ ବିଫଳତା ସମ୍ପର୍କରେ ବକ୍ତବ୍ୟ ରଖିଥିଲେ ।  ପ୍ରଶାନ୍ତ ରଣା ଅତିଥି ପରିଚୟ ଓ ଧନ୍ୟବାଦ ଅର୍ପଣ କରିଥିଲେ  l ଏହି ପ୍ରତିଷ୍ଠା ଦିବସରେ ଉପସ୍ଥିତି ଥିବା ବିଜେଡି ଦଳର ବରିଷ୍ଟ ନେତାମାନେ ଲୋକଙ୍କ ପାଖକୁ ସେବା ଓ ବିକାଶ ପହଞ୍ଚାଇବାକୁ ପ୍ରତିଶୃତି ନେଲେ ଯେଭଳି ଆଗାମୀ ନିର୍ବାଚନ ରେ ଆଉ ବିଜୁ ଜନତା ଦଳକୁ ପରାଜୟର ମୁହଁ ଦେଖିବାକୁ ନପଡେ ।