10-Jan-2021

ଆଗଲପୁର, (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଆଗଲପୁର କଲ୍ୟାଣମଣ୍ଡପ ଠାରେ ଏକ ମାଗଣା ଚକ୍ଷୁପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି l କୋଶଲ ପରିବାର ଆଗଲପୁର ଓ ତ୍ରିଲୋଚନ ନେତ୍ରାଳୟ ସମ୍ବଲପୁର ମିଳିତ ଆନୁକୂଲ୍ୟରେ ଅନୁଷ୍ଠିତ ଶିବିରରେ ମୋଟ ୧୬୭ ଜଣ ଚକ୍ଷୁ ପରୀକ୍ଷା କରାଇଥିଲେ  l ଏଥିରେ ୮୫ ଜଣକୁ ମାଗଣାରେ ଅପରେସନ କରିବା ପାଇଁ ବସ ଯୋଗେ ସମ୍ବଲପୁର ନିଆଯାଇଛି l ସମାରୋହରେ ଅତିଥି ଭାବରେ ବିଙ୍ଗ ହ୍ୟୁମାନର ପ୍ରତିଷ୍ଠାତା ସୋମନାଥ ମିଶ୍ର, ଦିବ୍ୟାଙ୍ଗ ଟ୍ରଷ୍ଟର ପ୍ରତିଷ୍ଠାତା କୀର୍ତ୍ତନ ଦାସ, ଜିଲ୍ଲା ଦଳିତ ମଞ୍ଚର ସଭାପତି ଖଗେଶ୍ୱର ନାଗ, ସମାଜସେବୀ ସୋରଜ ମହାକୁର ଯୋଗ ଦେଇଥିଲେେ l  ଡା.ଜିତେନ୍ଦ୍ର କୁମାର ସାହୁ, ଟେକନିସିଆନ ବିକାଶ, ଦେବୁ, ଟଙ୍କଧର,ପୂର୍ଣ୍ଣମୀ ରୋଗୀମାନଙ୍କୁ ମୋତିଆବିନ୍ଦୁ ପରୀକ୍ଷା କରିଥିଲେ l କୋଶଲ ପରିବାରର ସଦସ୍ୟ ଅରୁପା ପଧାନ, ନିର୍ମଳ ସାହୁ,ସୂର୍ଯ୍ୟ ସ୍ୱାଇଁ, ନିମାଇଁ ଚରଣ ବେହେରା,ବିଜୟ ଅଗ୍ରୱାଲ,ହିତାଂଶୁ ସାହୁ,ବିଭୀଷଣ ବେହେରା, ଜୟନ୍ତ ବେହେରା,ମନୋଜ ପଧାନ,ବିଜ୍ଞାନ ସେଠ ଅଚ୍ୟୁତ ବେହେରା ସଞ୍ଜୟ ଭୋଇ ପ୍ରମୁଖ ସହଯୋଗ କରିଥିଲେ