23-Dec-2024

ତୁଷୁରା  (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ର ଭିନ୍ନକ୍ଷମ ମାନଙ୍କୁ ନେଇ ଗଠିତ "ସେବା ଫର ଡିଜାବ୍ଲିଟି" ଚାରି ଟେବୁଲ ଟ୍ରଷ୍ଟ ତରଫରୁ ଗତ ୪ ବର୍ଷ ହେଲା ଅସହାୟ ଭିନ୍ନକ୍ଷମ ଏବଂ ବୃଦ୍ଧା ପିତାମାତା ମାନଙ୍କ ମୁହଁରେ ଟିକେ ହସ ଦେବାପାଇଁ ପ୍ରୟାସ ଜାରି ରହିଛି।ଏହି ଟ୍ରଷ୍ଟ ର ସଭାପତି ଶମ୍ଭୁ ପ୍ରସାଦ ସାହୁ ସିଟି ଏବଂ ଓଟିଇଟି ପାସ କରି ଶିକ୍ଷକତା ଛାଡି ସେବା ମନୋବୃତ୍ତି ନେଇ ଗାଁ ଗାଁ ବୁଲି ଭିନ୍ନକ୍ଷମ ଏବଂ ବୃଦ୍ଧା ପିତାମାତା ଙ୍କ ମୁହଁ ରେ ଟିକେ ହସ ଦେବାପାଇଁ ପ୍ରୟାସ ଜାରି ରଖିଛନ୍ତି। କରୋନା ସମୟରେ ଲୋକେ ଘରୁ ବାହାରକୁ ବାହାରିବା ପାଇଁ ଭୟ କରୁଥିବା ସମୟରେ ଶ୍ରୀ  ସାହୁ ନିଜେ ଲୋକଙ୍କ ସେବା କରିବାପାଇଁ ତୁଷୁରା ଏନଏସିର  ଗଳିକନ୍ଦି ରେ ଥିବା ଡ୍ରେନ ମାନଙ୍କରେ ବ୍ଲିଚିଙ୍ଗ ପାଉଡର ପକାଇ ସେନିଟାଇଜର କରିବା ସହିତ ମାକ୍ସ ବଣ୍ଟନ ଏବଂ ଅନେକ ଭୋକିଲା ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଥିଲେ। ତା ସହିତ ବର୍ଷା ଦିନେ ଛତା,ଶୀତ ଦିନେ କମ୍ବଳ,ଖରା ଦିନେ ଜୋତା ବଣ୍ଟନ କରୁଛନ୍ତି। ଏବଂ ଯେଉଁ ଠାରେ ମୂକ ବଧିର ଶିଶୁ ମାନେ ଶିକ୍ଷା ପାଇବାରୁ ବଞ୍ଚିତ ହେଉଛନ୍ତି ସେମାନଙ୍କ ପାଖକୁ ପହଞ୍ଚି ସାଇନଲାଙ୍ଗୁଏଜ ରେ ଶିକ୍ଷାଦାନ ଦେଉଛନ୍ତି।କିନ୍ତୁ ଦୁଃଖର କଥା ଓଡିଶା ସରକାର କି ଜିଲ୍ଲା ପ୍ରଶାସନ ଆଜି ପର୍ଯ୍ୟନ୍ତ ଏହି ଭିନ୍ନକ୍ଷମ ମାନଙ୍କ ଟ୍ରଷ୍ଟ କୁ ଧନ୍ୟବାଦ ଗୋଟିଏ ମଧ୍ୟ ଦେଇନାହାଁନ୍ତି। ତଥାପି ଏହି ସଂଘ ଅସହାୟ ଙ୍କୁ ସେବା ଯୋଗାଇ ଦେଉଥିବା ଦେଖିବାକୁ ମିଳୁଛି।