23-Dec-2024

ଲୋଇସିଂହା, (ବିନୋଦ ଦୀପ) ବ୍ଳକ ଛକ ଗଜଲକ୍ଷ୍ମୀ ପୂଜା କମିଟି, ଲୋଇସିଂହା ଓ ମୂରଳିକ୍ରୀଷ୍ଣ ଫାଉଣ୍ଡେସନ ର ମିଳିତ ଆନୁକୂଲ୍ୟରେ ସୋମବାର ସ୍ଥାନୀୟ ମାରୱାଡ଼ି ଧର୍ମଶାଳା ଠାରେ ମାଗଣା ସ୍ବାସ୍ଥ୍ୟ ଓ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି l ଉକ୍ତ ଶିବିର କୁ ପୂର୍ବତନ ଆଇନ ମନ୍ତ୍ରୀ ଶ୍ରୀଯୁକ୍ତ ନରସିଂହ ମିଶ୍ର ଯୋଗଦେଇ ଉଦ୍ଘାଟନ କରିଥିଲେ l ଏହା ସହିତ ଆଜି ତାଙ୍କର ୮୫ ତମ ଜନ୍ମଦିନ ଥିବାରୁ ତାହା ସେ ରୋଗୀ, ଡାକ୍ତର ଓ ଆୟୋଜକ କମିଟିର ସଦସ୍ୟ ଙ୍କ ଗହଣରେ କେକ୍ କାଟି ପାଳନ କରିଥିଲେ l ବିକାଶ ମଲ୍ଟି ହସ୍ପିଟାଲ ବରଗଡ ର ମେଡିସିନ, ସର୍ଜରୀ,ଫିଜିଓଥେରାପି,ଡେଣ୍ଟାଲ ଓ ଚକ୍ଷୁ ବିଭାଗର ବିଶେଷଜ୍ଞ ଡ଼ାକ୍ତର ମାନେ ଆସି ଲୋକଙ୍କ ସ୍ବାସ୍ଥ୍ୟ ପରିକ୍ଷା କରିଥିଲେ l ସକାଳ ୯ ଟା ସମୟରୁ ଆରମ୍ଭ ହୋଇ ପୂର୍ବାହ୍ନ ତିନି ଟା ପର୍ଯ୍ୟନ୍ତ ଏହି ଶିବିର ରେ ରୋଗୀ ଙ୍କ ଭିଡ଼ ଦେଖିବାକୁ ମିଳିଥିଲା l ବିଭିନ୍ନ ଗ୍ରାମରୁ ମୋଟ୍ ୭ ଶହ ଆଠାବନ ଜଣ ରୋଗି ନିଜ ସ୍ବାସ୍ଥ୍ୟ ପରିକ୍ଷା କରିଥିଲେ l ଉକ୍ତ ଶିବୀର ରେ ମାଗଣା ଔଷଧ ସହିତ ମୋତିଆବିନ୍ଦୁ ଚିନ୍ହଟ ହୋଇଥିବା ୨୯ ଜଣ ରୋଗିଙ୍କୁ ଲାୟନ୍ସ ଆଇ ହସ୍ପିଟାଲ ବରଗଡ କୁ ଅସ୍ତ୍ରୋପଚାର ପାଇଁ ପଠାଯାଇଛି l ଉକ୍ତ ରୋଗି ମାନଙ୍କର ଲାୟନ୍ସ ହସ୍ପିଟାଲ ଯିବା ଆସିବା, ସେଠାରେ ରହିବା ଖାଇବା ଓ ଆଖି ଅପରେସନ ବ୍ୟବସ୍ଥା ସମସ୍ତ ମାଗଣା କରାଯିବାର ବ୍ୟବସ୍ଥା କରାଯାଇଥିବା ଆୟୋଜକ ସୂଚନା ଦେଇଛନ୍ତି l ଗଜଲକ୍ଷ୍ମୀ ପୂଜା କମିଟି ର ସଭାପତି ଗୁରୁ ଚରଣ ଧିର୍, ରାଜକିଶୋର ମିଶ୍ର,ପ୍ରୀତି ରଞ୍ଜନ ସାହୁ, ଅରବିନ୍ଦ ସାହୁ,ବିରେନ ପ୍ରଧାନ ,ରଞ୍ଜନ ବେହେରା, ସରୋଜ ବିଶ୍ବାଳ, କୁନା ବାରିକ, ଅଜିତ ସାହୁ,ସମ୍ଭୁ ପ୍ରଧାନ, ବୁଦ୍ଧ ପଧାନ ପ୍ରମୁଖ ମିଶି ପରିଚାଳନା କରିଥିଲେ l