23-Dec-2024

ବଲାଙ୍ଗୀର  ଜଳସେଚନ ବିଭାଜନ ତରଫରୁ  କାର୍ଯ୍ୟାଳୟ ପ୍ରାଙ୍ଗଣରେ ବିଭାଜନ ସ୍ତରୀୟ ପାଣି ପଞ୍ଚାୟତ ପକ୍ଷ ପାଳନ ଉଦଘାଟିତ ହୋଇଯାଇଛି। ବଲାଙ୍ଗିର ଜଳସେଚନ  ବିଭାଜନ ତରଫରୁ   ଅଧୀକ୍ଷଣ ଯନ୍ତ୍ରୀ ଇଞ୍ଜିନିୟର ଗୋବର୍ଦ୍ଧନ ନାୟକ ଙ୍କ ସଭାପତିତ୍ବ ରେ ଅନୁଷ୍ଠିତ ଏହି ଉଦଘାଟନୀ ସମାରୋହରେ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂହଦେଓ  ମୁଖ୍ଯଅତିଥି ଭାବରେ ଯୋଗଦେଇ ପାଣି ପଞ୍ଚାୟତ ପକ୍ଷକୁ ଉଦଘାଟନ କରି ନିଜ ବକ୍ତବ୍ଯରେ ବଲାଙ୍ଗୀର ର ବିକାଶ କୃଷି କ୍ଷେତ୍ର ରେ ବିକାଶ ହେଲେ ହିଁ ହୋଇପାରିବ।ଜଳସେଚନ କ୍ଷେତ୍ରରେ କମ ପାଣିରେ କିପରି  ବେଶୀ ଚାଷ ହୋଇ ପାରିବ  ,ସେ ଦିଗରେ ସରକାର  ଓ ଜଳସେଚନ ବିଭାଗ ଉଦ୍ୟମ କରିବା ଦରକାର।  ଯଦି ଜଳ ର ସଦ ବିନିଯୋଗ ନହୁଏ,ତେବେ ଆଗାମୀ ସମୟରେ ଜଳ ପାଇଁ  ହିଁ ଯୁଦ୍ଧ ହେବା କଥାକୁ ଏଡେଇ ଦିଆଯାଇ ନ ପାରେ ବୋଲି ମତ ଦେଇଥିଲେ। ମୁଖ୍ଯବକ୍ତା ଭାବରେ ବରିଷ୍ଠ ସାମ୍ବାଦିକ ସନ୍ଦୀପ କୁମାର କୁଅଁର  ବଲାଙ୍ଗୀର ଜିଲ୍ଲାର ପାରଂପରିକ ଜଳସେଚନ ବ୍ୟବସ୍ଥା,କମ ପାଣି ର ଚାଷ ଓ ଜୈବିକ ଚାଷ  ସଂପର୍କ ରେ ଚାଷୀ ମାନଙ୍କୁ ବୁଝାଇଥିଲେ। ବଲାଙ୍ଗୀରଜିଲ୍ଲାର ପାଣି ପଞ୍ଚାୟତନୋଡାଲ ଅଧିକାରୀ ଦେବଦତ୍ତ ରାୟ ମହାପାତ୍ର  ଜିଲ୍ଲା ର ପାଣି ପଞ୍ଚାୟତଗଠନ,ପରିଚାଳନା ଓ ବିଭିନ୍ନସମସ୍ୟାର ସମାଧାନର ସୂତ୍ର ଚାଷୀ ମାନଙ୍କୁ ବତାଇଥିଲେ ।ଅନ୍ୟମାନଙ୍କ ମଧ୍ଯରେ ବଲାଙ୍ଗୀର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ, ଜିଲ୍ଲାପରିଷଦ ଜୋନ ୨ ସଦସ୍ଯା ବୀଣାପାଣୀ ଦାଶ,
ବଲାଙ୍ଗୀର ଜିଲ୍ଲା ସମବାୟ ବ୍ୟାଙ୍କ ପୂର୍ବତନ ସଭାପତି ଲକ୍ଷଣ କୁମାର ମେହେର,ବଲାଙ୍ଗୀର ଜିଲ୍ଲା ସମବାୟ ବ୍ୟାଙ୍କ ପୂର୍ବତନ ସଭାପତି
ସୁଶୀଲ କୁମାର ଚାନ୍ଦ, ଜିଲ୍ଲା କୃଷି  ଅଧିକାରୀ ପ୍ରମୋଦ କୁମାର ବଡପଣ୍ଡା, ଲୋୟର ସୁକତେଲ ଜଳସେଚନ ପ୍ରକଳ୍ପ ଅଧୀକ୍ଷଣ ଯନ୍ତ୍ରୀ   ସୁରେନ୍ଦ୍ର ଭୋଇ,   କୃଷି ବିଭାଗର ଜିଲ୍ଲା ପ୍ରକଳ୍ପ ପରିଚାଳକ ତରଫରୁ ସୂର୍ଯ୍ୟନାରାୟଣ ଦାଶ  ସମ୍ମାନିତ ଅତିଥି ଭାବରେ ଯୋଗ ଦେଇ ପାଣି ପଞ୍ଚାୟତ ପକ୍ଷ ର ଆବଶ୍ୟକତା ଓ  ବଲାଙ୍ଗୀର ର ବିକାଶରେ ଜଳସେଚନ ର ଭୂମିକା  ଉପରେ ଆଲୋକପାତ କରିଥିଲେ।ଏହି ଅବସରରେ  ଆୟୋଜିତ ବିଭିନ୍ନ ପ୍ରକାର ପ୍ରତିଯୋଗିତାର  କୃତି ପ୍ରତିଯୋଗୀ ମାନଙ୍କୁ ପ୍ରମାଣପତ୍ର ଓ ନଗଦ ଅର୍ଥରାଶି  ପ୍ରଦାନ  କରିଥିଲେ କାର୍ଯ୍ୟକ୍ରମର  ମୁଖ୍ଯଅତିଥି ଶ୍ରୀ ସିଂହଦେଓ।  ଶେଷରେ ଅଧୀକ୍ଷଣ ଯନ୍ତ୍ରୀ ଇଞ୍ଜିନିୟର ଗୋବର୍ଦ୍ଧନ ନାୟକ ସଭାପତି ବକ୍ତବ୍ଯ ସହ ଧନ୍ୟବାଦ ଅର୍ପଣ କରିଥିଲେ।